BCCI ದ ಅಪೆಕ್ಸ್ ಕೌನ್ಸಿಲ್ ಸಭೆ ಐತಾರ ನಡಪರೆ ಉಂಡು.
ಭಾರತಡ್ ನಡಪರೆ ಇಪ್ಪುನ ದ್ವಿಪಕ್ಷೀಯ ಕ್ರಿಕೆಟ್ ಸರಣಿಲೆನ ಮಾಧ್ಯಮ ಪ್ರಸಾರ ಹಕ್ಕು ಬೊಕ್ಕ ಭಾರತ ಮಹಿಳಾ ಕ್ರಿಕೆಟ್ ಕೂಟದ ಮುಖ್ಯ ಕೋಚ್ ನೇಮಕ ಮಲ್ಪುನ ಬಗೆಟ್ ಚರ್ಚೆ ನಡಪರೆ ಉಂಡು. ದುಂಬುದ ವರ್ಷ ಮಾಧ್ಯಮ ಪ್ರಸಾರದ ಹಕ್ಕುಲು 48390 ಕೋಟಿಗ್ ಮಾರಾಟ ಆಪುಂಡು. ಈ ಸರ್ತಿ ಎಚ್ಚ ನಿರೀಕ್ಷೆನ್ ದೀವೊಂದುಂಡು. ಮಹಿಳಾ ಕ್ರಿಕೆಟ್ ಕೂಟ ಇಂಚಿಪ್ಪ ಟಿ20 ವಿಶ್ವಕಪ್ ಟೂರ್ನಿಡ್ ಗೊಬ್ಬುದುಂಡು. ಈ ಬಗೆಟ್ಲಾ ಚರ್ಚೆ ಮಲ್ಪೆರೆ ಆಪುಂಡು.
ಬಾಲಿವುಡ್ ದ ದಿವಂಗತ ನಟಿ ಶ್ರೀ ದೇವಿನ ಕಂಡನಿ ಬೋನಿ ಕಪೂರ್ ಕುಟುಂಬಗ್ ಸೇರಿನ ಕಾರ್ ಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 66 ಕೆಜಿ ಬೊಳ್ಳಿದ ಸೊತ್ತುಲು ಪತ್ತೆ ಆತ್ಂಡ್.
ಈ ಸೊತ್ತುಲೆನ್ ದಾವಣಗೆರೆತ್ತ ಹೆಬ್ಬಳ ಟೋಲ್ ದ ಕೈತಲ್ ಬಿಎಂಡಬ್ಲ್ಯು ಕಾರ್ ಡ್ ಚುನಾವಣಾಧಿಕಾರಿಲು ಬೊಕ್ಕ ತಹಶಿಲ್ದಾರೆರ್ ವಶಕ್ಕ್ ಪಡೆಯೆರ್. ಆಯಿತ್ತ ಒಟ್ಟು ಬಿಲೆ 39 ಲಕ್ಷ ರೂ. ಆತ್ಂಡ್. ಇತ್ತೆ ಬೊಳ್ಳಿ ಬೊಕ್ಕ ಬಿಎಂಡಬ್ಲ್ಯು ಕಾರ್ ವಶಕ್ಕ್ ಪಡೆದ್ ತನಿಖೆ ನಡತೊಂದು ಉಂಡು.
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಡ್ ಕಲ್ಯಾಣ ಅಧಿಕಾರಿ, ಫೀಲ್ಡ್ ಇನ್ಸ್ ಪೆಕ್ಟರ್, SDA, ಸೀನಿಯರ್ ಅಸಿಸ್ಟೆಂಟ್ ಆದ್ ಖಾಲಿ ಇಪ್ಪುನ 757 ಬೇಲೆಗ್ ಅರ್ಜಿ ಸಂದಾವೊಲಿ.
ಎ.18-17 ಮುಟ್ಟ ಅರ್ಜಿ ಪಾಡೊಲಿ. ಎ.20 ಕ್ಕ್ ಫೀಸ್ ಕಟ್ಟರೆ ಅಕೇರಿದ ದಿನ. ಸ್ಪರ್ಧಾತ್ಮಕ ಪರೀಕ್ಷೆದ ಮುಖೇನ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪುವೆರ್.
ಕೇಂದ್ರ ಲೋಕಸೇವಾ ಆಯೋಗಡ್ ಅಸಿಸ್ಟೆಂಟ್ ಡೈರೆಕ್ಟರ್, ಪಬ್ಲಿಕ್ ಪ್ರಾಸಿಕ್ಯೂಟರ್, ಜೂನಿಯರ್ ಇಂಜಿನಿಯರಿಂಗ್ (ನಿವಿಲ್-ಇಲೆಕ್ಟ್ರಿಕಲ್) ಸೇರಿನಂಚನೆ ಸುಮಾರ್ ಬೇಲೆಗ್ ಅರ್ಜಿ ಸಂದಾವೊಲಿ.
ನೆಟ್ಟ್ 146 ಬೇಲೆ ಖಾಲಿ ಉಂಡು. ನೆಕ್ಕ್ ಅರ್ಜಿ ಪಾಡುನಕುಲು ಇನಿರ್ದ್ ಎ.27 ಮುಟ್ಟ ಪಡೊಲಿ. ಸ್ಪರ್ಧಾತ್ಮಕ ಲಿಖಿತ ಪರೀಕ್ಷೆ ಬೊಕ್ಕ ಸಂದರ್ಶನದ ಮುಖೇನ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪೆರೆ ಆಪುಂಡು. ಎಚ್ಚದ ಪೊಲಬುಗಾದ್ ವೆಬ್ ಸೈಟ್: https://upsc.gov.in / ಗ್ ಭೇಟಿ ಕೊರೊಲಿ.
ಪ್ರಧಾನಿ ಮೋದಿ ಸಿಕಿಂದರಾಬಾದ್-ತಿರುಪತಿ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲ್ ದ ಉದಿಪನ ಮಲ್ತೆರ್.
ಬೊಕ್ಕ ಸಿಕಂದರಾಬಾದ್ ರೈಲ್ ನಿಲ್ದಾಣದ 720 ಕೋಟಿ ಕರ್ಚಿದ ಅಭಿವೃದ್ಧಿ ಕಾಮಗಾರಿಗ್ ಕೆಸರ್ ಕಲ್ಲ್ ಪಾಡಿಯೆರ್. ಅವೆರ್ದ್ ಬೊಕ್ಕ ಸುಮಾರ್ ಕಲ್ಪಾರ್ಥಿಲೆನೊಟ್ಟಿಗೆ ಸಂವಾದ ನಡಪಾಯೆರೆ. ನನ ಎಲ್ಲೆರ್ದ್ ವಂದೇ ಭಾರತ್ ರೈಲ್ ಪ್ರಯಾಣಿಕೆರೆಗ್ ತಿಕುಂಡು. ತಿರುಪತಿರ್ದ್ ಮಧ್ಯಾಹ್ನ 3.15 ಕ್ಕ್ ಪಿದಾಡ್ ದ್ ನೆಲ್ಲೂರ್, ರಾತ್ರೆ 11.45 ಕ್ಕ್ ಸಿಕಂದರಾಬಾದ್ ಗ್ ಎತ್ತುಂಡು.
PM Narendra Modi inaugurates the Vande Bharat train at Secunderabad
The Secunderabad Tirupati Vande Bharat express was inaugurated by the PM who AA ldo laid foundation for development works of 720 crores at the Secunderabad railway station.
ಇಡೀ ಜಗತ್ತ್ ಡ್ ಏಪ್ರಿಲ್ 7 ಶುಭ ಸುಕ್ರಾರ ಕ್ರೈಸ್ತ ಭಕ್ತಾದಿಲೆಗ್ ಒಂಜಿ ಪವಿತ್ರ ಬೊಕ್ಕ ಮಹತ್ವದ ದಿನ. ಅತ್ತಂದೆ ಏಸು ಕ್ರಿಸ್ತೆರೇ ಮನುಷ್ಯ ಕುಲತ್ತ ಪಾಪ ಕಲೆವರೆ ತಾನೇ ಶಿಲುಬೆಗ್ ಏರಿನ ದಿನ.
ಈ ದಿನ ಪುತ್ತೂರ್ ಮಾಯಿ ದೆ ದೇವುಸ್ ಚರ್ಚ್ ಡ್ ಯೇಸುನ ಕಷ್ಟ ಮರಣದ ಕಥಾಪ್ರಸಂಗನ್ ವಂದನೀಯ ಲಾರೆನ್ಸ್ ಮಸ್ಕರೇನ್ಹಸ್, ವಂದನೀಯ ಸ್ಟ್ಯಾನಿ ಪಿಂಟೋ, ವಂದನೀಯ ಅಶೋಕ್ ರಾಯನ್ ಕ್ರಾಸ್ತಾ ಮೇರ್ ಓದಿಯೆರ್.
ವಂದನೀಯ ಕೆವಿನ್ ಲಾರೆನ್ಸ್ ಡಿಸೋಜಾ ಮೇರ್ ಪ್ರವಚನಡ್, ಶಿಲುಬೆರ್ದೆ ಜಯ, ಶಿಲುಬೆನೇ ಜಯದ ಸಾಧನ, ಶಿಲುಬೆರ್ದೆ ಮನುಕುಲಗ್ ಆಶೀರ್ವಾದ, ಕ್ರಿಸ್ತ ಪೂರ್ವಡ್ ಅಪರಾಧಿಲೆಗ್ ಶಿಲುಬೆದ ಮರಣನ್ ಶಿಕ್ಷೆಯಾದ್ ಕೊರೊಂದು ಇತ್ತೆರ್. ಅವೆರ್ದ್ ನಿರಪರಾಧಿ ಯೇಸು ಶಿಲುಬೆದ ಮರಣದ ಮುಖೇನ ಮಾನವ ಸಂಕುಲಗ್ ಮುಕ್ತಿನ್ ಕೊರಿಯೆರೆ ಪಂದ್ ಸಂದೇಶ ಕೊರಿಯೆರ್.
ಬೊಕ್ಕ ಇಡೀ ಜಗತ್ತ್ ಡ್ ಕ್ಯಾಥೋಲಿಕ್ ಸಮುದಾಯನ್ ನಡಪಾವುನ ಪೋಪ್ ಫ್ರಾನ್ಸಿಸ್, ದೇಶನ್ ನಡಪಾವುನ ರಾಜಕಾರಣಿಲು, ಧಾರ್ಮಿಕ ಮುಖಂಡೆರೆನ ಎಡ್ಡೆಪ್ಪುಗಾದ್ , ಇಡೀ ಮನುಜ ಕುಲಕ್ಕ್ ಎಡ್ಡೆ ಆವಡ್, ಎಡ್ಡೆನೇ ಮಲ್ಪರೆ ಆ ದೇವೆರ್ ಆಶೀರ್ವಾದ ಮಲ್ಪಡ್ ಪಂದ್ ಇಸೇಸ ಪ್ರಾರ್ತನೆ ಸಂದಾಯೆರ್. ಬೊಕ್ಕ ಮಾತ ಭಕ್ತಾದಿಲೆಗ್ ಶಿಲುಬೆನ್ ಮುಟ್ಟುದು ನಮಸ್ಕಾರ ಮಲ್ಪೆರೆ ಅವಕಾಶ ಮಲ್ತ್ ದ್ ಕೊರಿಯೆರ್. ಈ ಪೊರ್ತುಡು ಒಟ್ಟಾಯಿನ ಕಾಣಿಕೆದ ಪನವುನು ರೋಗಿಲೆಗ್ ಬೊಕ್ಕ ಬಡಪತ್ತ್ ದ ಜನಕುಲೆಗ್ ಪಟ್ಟಿಯೆರ್.
ಬೊಕ್ಕ ಧಾರ್ಮಿಕ ವಿಧಿವಿಧಾನಲೆಡ್ ಪಾಲ್ ಪಡೆಯಿನ ಭಕ್ತಾದಿಲು ಯೇಸುನ ಪಾರ್ಥಿವ ಶರೀರ ಇಪ್ಪುನ ತೊಟ್ಟಿಲ್ ಬೊಕ್ಕ ದುಃಖ ತಪ್ತ ಮೇರಿ ಮಾತೆನ ವಿಗ್ರಹನ್ ಚರ್ಚ್ ದ ವಠಾರರ್ದ್ ಕೋರ್ಟ್ ಮಾರ್ಗದ ಮುಖೇನ ಮಹಮ್ಮಾಯಿ ದೇವಲ್ಯದ ಮಾರ್ಗವಾದ್ ಚರ್ಚ್ ವಠಾರಗ್ ಕನತೆರ್. ಬೊಕ್ಕ ಭಕ್ತಾದಿಲೆಗ್ ತೂಯೆರೆ ಅನುವು ಮಲ್ತ್ ದ್ ಕೊರ್ದು, ತೊಟ್ಟಿಲ್ ಗ್ ಪಾಡಿನ ಪೂನ್ ಪ್ರತಿಯೊರಿ ಕ್ರೈಸ್ತ ಬಾಂಧವೆರ್ ಇಲ್ಲಗ್ ದೆತೊಂದು ಪೋದು ಯೇಸುಕ್ರಿಸ್ತೆರೆನ ಕೃಪೆಗ್ ಪಾತ್ರರಾಯೆರ್.
ಚರ್ಚ್ ಪಾಲನಾ ಮಂಡಳಿದ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಂಘಟನೆದ ಸದಸ್ಯೆರ್ ಮೆರವಣಿಗೆ ಬೊಕ್ಕ ಧಾರ್ಮಿಕ ವಿಧಿವಿಧಾನಲು ಸುಸೂತ್ರವಾದ್ ನಡಪರೆ ಸಹಕಾರ ಮಲ್ತೆರ್.
ಉಂದುವೇ ದಿನ ಬೊಲ್ಪುಗು 7.15 ರ್ದ್ 8.45 ಮುಟ್ಟ ಶಿಲುಬೆ ಮೆರವಣಿಗೆ ಚರ್ಚ್ ವಠಾರಡ್ ನಡತ್ಂಡ್. ಮತ ಕ್ರೈಸ್ತ ಭಕ್ತಾದಿಲು ಯೇಸುನ ಕಷ್ಟ ಸಾದಿನ್ ನೆಂಪು ಮಲ್ತ್ ದ್ ಸೊಲ್ಮೆ ಸಂದಾಯೆರ್.
Puttur Mai de Devos Church celebrates Good Friday
Good Friday was celebrated all over the world on April 7 th by the Catholic community. It is the day when Jesus Christ was crucified.
The day was marked with prayers at the church by the Christian community with collection of funds on the day donated for the medical expenses of the less fortunate.
A procession was taken out with the cross and an idol of mother Mary with the members of the church and other organisations taking part in large numbers.
ಬೆಂಗ್ಲೂರ್: ರಾಜ್ಯದ ಸುಮಾರ್ ಕಡೆಟ್ ಸುಕ್ರಾರ ತೆಡಿಲ್, ಮೆಂಚ್ ದ ಭಾರಿ ಬರ್ಸ ಬತ್ತ್ ದ್, ನಾಲ್ ಜನ ತೀರ್ ಪೋಯೆರ್.
ಅತ್ತಂದೆ ಪದಿಮೂಜಿ ಕೈಕಂಜಿ ತೀರ್ ಪೊತ್ಂಡು. ಕುರಿ ಮೇಪಾಯೆರೆ ಪೋಯಿನಗ ತೆಡಿಲ್ ಹಾಕ್ ದ್ ಗದಗ ತಾಲೂಕ್ ದ ಲಿಂಗದಾಳ ಗ್ರಾಮದ ಶರಣಪ್ಪ ಪುರದ (19) ಬೊಕ್ಕ ದೇವರಾಜ ಹನುಮಂತಪ್ಪ (19) ತೀರ್ ಪೋಯೆರ್. ಬೊಕೊರಿ ಕುರಿ ಮೇಪಾವುನ ಸುನೀಲ್ ಗ್ ಪೆಟ್ಟಾತ್ಂಡ್.
ಬಾಗಲಕೋಟೆ ಜಿಲ್ಲೆದ ಬಾದಾಮಿ ತಾಲೂಕ್ ದ ಜಾಲಿಹಾಳ ಗ್ರಾಮಡ್ ಗುರುವಾರ ನಡುರಾತ್ರೆ ಬರ್ಸರ್ದ್ ಇಲ್ಲ್ ದ ಚಾವಣಿ ಬುರ್ದು ಯಂಕುಬಾಯಿ ಕುಲಕರ್ಣಿ (79), ಶಾರವ್ವ ಪತ್ತಾರ (58) ತೀರ್ ಪೋಯೆರ್.
Heavy rains in the State — 4 persons dead
Bangalore:There was heavy rains in many places in the state accompanied with thunder and lightning.
Two persons lost lives in Haveri district due to lightning strike and there was damage to livestock. Two persons died in Bagalkot district when the wall of their home caved in because of the rains .
ಪ್ರಧಾನಿ ಮೋದಿ ಐಐಟಿ ಉದಿಪನ ಮಲ್ಪೆರೆ ಧಾರವಾಡಗ್ ಬತ್ತಿನೆಕ್ಕ್ ರಾಜ್ಯ ಸರ್ಕಾರ 9.49 ಕೋಟಿ ರೂ. ಕರ್ಚಿ ಮಲ್ದ್ಂಡ್.
ಈ ಬಗೆಟ್ ಆರ್ ಟಿಐದ ಮುಖೇನ ಪೊಲಬು ಪಡೆತೆರ್. ಎಲ್ಇಡಿ ಪರದೆ, ಸಿಸಿಟಿವಿ, ಸೌಂಡ್ ಸಿಸ್ಟಮ್ ಗ್ 40ಲಕ್ಷ, ಜರ್ಮನ್ ಟೆಂಟ್, ವೇದಿಕೆ, ಪೆಂಡಾಲ್, ಗ್ರೀನ್ ರೂಂ, ಬ್ಯಾರಿಕೇಡ್ ಗಾದ್ 4.68 ಕೋಟಿ ರೂ., ವನಸ್ ಗ್ 86ಲಕ್ಷ, ಪ್ರಚಾರಗ್ 61ಲಕ್ಷ, ಲೇಸ್ ದ ನಿರ್ವಹಣೆಗಾದ್ 8.6 ಲಕ್ಷ ಬೊಕ್ಕ 1500 ಕ್ಕ್ ಎಚ್ಚ ಬಸ್ಸ್ ಲೆಗ್ 2.83 ಕೋಟಿ ರೂ. ಕರ್ಚಿ ಆತ್ಂಡ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 49ನೇ ಸಂಚಿಕೆ ಎ.8 ಕ್ಕ್ ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಕಲ್ಪಾರ್ಥಿ ಪವಿತ್ರ ಜೆ. ಕೋಟ್ಯಾನ್ ಮೂಡುಮಾರ್ನಾಡು ಪಾಲ್ ಪಡೆಯೆರೆ ಉಲ್ಲೆರ್.ಎ.9 ಕ್ಕ್ ಮಧ್ಯಾಹ್ನ 12.30ಕ್ಕ್ ಕತೆ ಕುಡೊರ ಪ್ರಸಾರ ಆಪುಂಡು.
Radio Manipal to air ‘ Kathe Kelona’ series
Manipal: Radio Manipal 90.4 MHz Kannada sahitya Parishad, Udupi district and taluk unit together will air the 49 th episode of ‘Kathe Kelona’ sequence on Saturday the 8 th of April at 4.30 p. m.
ಬಂಟ್ವಾಳ: ಕಾರೊಂಜಿ ಡಿವೈಡರ್ಗ್ ಗುದ್ದುದ್ ಪಲ್ಟಿಯಾದ್ ಜನ ಒರಿ ತೀರ್ ಪೋಯಿನ ಘಟನೆ ಬಂಟ್ವಾಳದ ಬಿ.ಸಿ. ರೋಡ್ ಕುಡ್ಲ-ಬೆಂಗ್ಲೂರ್ ಮಾರ್ಗಡ್ ನಡತ್ಂಡ್.
ನಂದರಬೆಟ್ಟುದ 77 ವರ್ಷದ ಸದಾಶಿವ ಆಚಾರ್ಯ ಘಟನೆಡ್ ತೀರ್ ಪೋತೆರ್. ಅಯಿತೊಟ್ಟುಗು ಸದಾಶಿವ ಮೆರೆನ ಪುಳ್ಳಿ ಡ್ರೈವರ್ ಆಯಿನ ಆಕಾಶ್, ಮರ್ಮಯೆ ಸುರೇಶ್ ಆಚಾರ್ಯ, ಮಗೆ ಗಣೇಶ್ ಆಚಾರ್ಯ ಮೊಕಲೆಗ್ ಎಲ್ಯ ಎಲ್ಯ ಪೆಟ್ಟಾತ್ಂಡ್. ಪುತ್ತೂರ್ಡ್ ದೇವೆರ್ನ ಸೇವೆಡ್ ಪಾಲ್ ಪಡೆದ್ ಪಿರ ಬನ್ನಗ ಈ ಘಟನೆ ನಡತ್ಂಡ್. ಮೆಲ್ಕಾರ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
