April 4, 2023

Radio Manipal to air program on Yakshagana vicissitudes ರೇಡಿಯೊ ಮಣಿಪಾಲ್ ಡ್ ಯಕ್ಷಗಾನ ಸ್ಥಿತ್ಯಂತರ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯಕ್ಷಗಾನ ಸ್ಥಿತ್ಯಂತರ ಇಸಯದ ಬಗೆಟ್ ಪೊಲಬು ಕೊರ್ಪುನ ಲೇಸ್ ಎ.4 ಕ್ಕ್ (ಇನಿ) ಅಂಗಾರೆ ಬಯ್ಯಗ್ 6 ಗಂಟೆಗ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಒಡಿಪುದ ಪೂರ್ಣಪ್ರಜ್ಞ ಶಿಕ್ಷಣ ಸಂಸ್ಥೆದ ಕನ್ನಡ ಪ್ರಾಧ್ಯಾಪಕೆರ್ ಶಿವಕುಮಾರ ಅಳಗೋಡು ಪಾಲ್ ಪಡೆಯೆರೆ ಉಲ್ಲೆರ್. ನನ (ಎ.5) ಬುಧಾರ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Why we should not drink water while eating?! ವನಸ್ ಮಲ್ಪುನಗ ನೀರ್ ದಾಯೆ ಪರಿಯೆರೆ ಬಲ್ಲಿ?

ನಮ್ಮ ಆರೋಗ್ಯದ ಸ್ಥಿತಿ ಎಂಚ ಇಪ್ಪುಂಡು, ಉಂದು ನಮ ತೆನಸ್ ನ್ ಎಂಚ ತಿನ್ಪ ಪನ್ಪುನೆತ್ತ ಮಿತ್ತ್ ಉಪ್ಪುಂಡು. ಕೆಲವೆರ್ ವನಸ್ ಮಲ್ಪುನಗ ನೀರ್ ಪರ್ಪುನ ಅಭ್ಯಾಸನ್ ದೀವೊನೊವೆರ್. ದಾಯೆ ಪಂಡ ಅವು ವನಸ್ ನ್ ದಿಂಗರೆ ಸುಲಭ ಮಲ್ಪುಂಡು ಪಂದ್. ಉಂದು ನಿಕುಲೆನ ಆರೋಗ್ಯಗ್ ಅಪಾಯ ಆತ್ಂಡ್ ಪಂದ್ ದೇಶದ ಪುಗರ್ತೆದ ಪೌಷ್ಟಿಕತಜ್ಞೆರ್ ನಿಖಿಲ್ ವಾಟ್ಸ್ ಮೇರ್ ತೆರಿಪಾದೆರ್.

ವನಸ್ ಮಲ್ಪುನಗ ನೀರ್ ನ್ ದಾಯೆ ಪರಿಯೆರೆ ಬಲ್ಲಿ ಪನ್ಪುನೆಕ್ಕ್ ದುಂಬು ನಮ ಜೀರ್ಣಕ್ರಿಯೆದ ಪ್ರಕ್ರಿಯೆನ್ ಅರ್ಥ ಮಲ್ತೊನೊಡು. ವಾಸ್ತವವಾದ್, ತೆನಸ್ ಬಾಯಿಗ್ ಪೋಯಿನ ಕೂಡ್ಲೆ, ನಿಕುಲು ಆಯಿನ್ ಅಗಿಯೆರೆ ಸುರು ಮಲ್ಪುವರ್ , ಬೊಕ್ಕ ನಿಕಲೆನ ಬಾಯಿದ ಗ್ರಂಥಿಲು ಲಾಲಾರಸ ಉದಿಪತ್ತ್ ಮಲ್ಪರೆ ಸುರು ಮಲ್ಪುಂಡು. ನಮ್ಮ ಲಾಲಾರಸಟ್ಟ್ ವನಸ್ ನ್ ಕರಪುನ ಕಿಣ್ವಲು ಇಪ್ಪುಂಡು. ನೆತ್ತ ಬೊಕ್ಕ, ಈ ಕಿಣ್ವಲು ಬಂಜಿಡ್ ಆಮ್ಲೀಯ ಗ್ಯಾಸ್ಟ್ರಿಕ್ ರಸದೊಟ್ಟಿಗೆ ಸೇರ್ದ್ ದಪ್ಪ ದ್ರವನ್ ಮಲ್ಪರೆ ಸುರು ಮಲ್ಪುಂಡು. ಈ ದ್ರವ ಎಲ್ಯ ಕರ್ಲ್ ದ ಮುಖೇನ ಪೋಪುಂಡು. ಬೊಕ್ಕ ಪೋಷಕಾಂಶನ್ ಒಯಿಪರೆ ಸುರು ಮಲ್ಪುಂಡು.

ಜೀರ್ಣಾಂಗ ವ್ಯವಸ್ಥೆದ ಮಿತ್ತ್ ಬೂರುಂಡ ಹಾಳ್:

ನಿಕುಲು ಒಂತೆ ಒಂತೆ ನೀರ್ ಪರೊಂದು ಇತ್ತ್ಂಡ, ಅವು ನಿಕ್ಲೆನ ಜೂವೊನು ಹೈಡ್ರೇಟ್ ಮಲ್ಪುಂಡು. ಆಂಡ ಜೀರ್ಣಾಂಗ ವ್ಯವಸ್ಥೆನ್ ಸರಿ ಮಲ್ಪುಂಡು. ಆಂಡ ತಿನ್ನಗ ನೀರ್ ಪರ್ಪುನೆ ಎಡ್ಡೆ ಅತ್ತ್ ದಾಯೆ ಪಂಡ ತೆನಸ್ ದೊಟ್ಟಿಗೆ ದ್ರವಲ ನಮ್ಮ ಜೀರ್ಣಕ್ರಿಯೆಗ್ ಪೆಟ್ಟ್ ಮಲ್ಪುಂಡು.

ನೀರ್ ಪರ್ಪುನೆರ್ದ್ ಬಂಜಿದ ಆಮ್ಲ ಬೊಕ್ಕ ಜೀರ್ಣಕಾರಿ ಕಿಣ್ವಲೆನ್ ದುರ್ಬಲ ಮಲ್ಪುಂಡು. ಉಂದು ಜೀರ್ಣಕ್ರಿಯೆನ್ ಸುಲಭ ಮಲ್ಪುಂಡು ಪಂದ್ ಸುಮಾರ್ ಜನಕುಲು ತೆರಿವೊಂದೆರ್. ಆಂಡ ಉಂದು ಸಂಪೂರ್ಣವಾದ್ ತಪ್ಪು. ನೆಕ್ಕ್ ತದ್ವಿರುದ್ಧವಾದ್, ತಿನ್ನಗ ನೀರ್ ಪರ್ಪುನೆರ್ದ್ ಜೀರ್ಣಕ್ರಿಯೆಡ್ ತೊಂದರೆ ಆಪುಂಡು. ನೆತ್ತ ‌ನನೊಂಜಿ ಅನಾನುಕೂಲ ಪಂಡ ನಿಕ್ಲೆನ ಬಂಜಿ ಪಿದಯಿ ಬರಿಯೆರೆ ಸುರು ಮಲ್ಪುಂಡು ಬೊಕ್ಕ ಮೆಲ್ಲನೆ ನಿಕುಲು ದಪ್ಪ ಅವರೆ ಸುರು ಆಪರ್, ನೇರ್ದ್ ದೇಹದ ಆಕಾರ ಸಂಪೂರ್ಣವಾದ್ ಹಾಳಾಪುಂಡು.

ವನಸ್ ಆದ್ ಏತ್ ಪೊರ್ತುದ ಬೊಕ್ಕ ನೀರ್ ಪರೊಡು?:

ಆರೋಗ್ಯ ತಜ್ಞೆರ್ ಪನ್ಪಿನ ಪ್ರಕಾರ ವನಸ್ ತೆನಸ್ ತಿಂದಿನ ಕೂಡ್ಲೆ ನೀರ್ ಪರ್ಪಿನ ಅಭ್ಯಾಸೊನು ಉಂತಾವೊಡು. ತೆನಸ್ ತಿಂದಿನ ಅರ್ಧ ಗಂಟೆದ ಬೊಕ್ಕ ನೀರ್ ಪರ್ಪಿನ ಎಡ್ಡೆ, ಉಂದು ನಿಕಲೆನ ಆರೋಗ್ಯನ್ ಸುಧಾರಿಸುಂಡು ಬೊಕ್ಕ ಜೀರ್ಣಕ್ರಿಯೆ ಎಡ್ಡೆ ಆದಿಪ್ಪುಂಡು.

Navachetana Seva Balaga – Todaru Financial aid given to two families ತೋಡಾರು ನವಚೇತನ ಸೇವಾ ಬಳಗದ ವತಿರ್ದ್ 2 ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ

ತೊಡಾರು ನವಚೇತನ ಸೇವಾ ಬಳಗದ ವತಿರ್ದ್ 2 ಬಡಪತ್ತ್ ದ ಕುಟುಂಬಗ್ 10 ಸಾರ ದಂಚ 20 ಸಾರ ರೂ. ಪನವುದ ಸಕಾಯನ್ ಮಲ್ತೆರ್.

ಬೆದ್ರ ತಾಲೂಕ್ ದ ಮೂಡು ಮಾರ್ನಾಡ್ ಗ್ರಾಮದ ತಂಡ್ರಕೆರೆ ನಿವಾಸಿ ರಮೇಶ್ ಮೆರೆಗ್ ಲಂಗ್ಸ್ ದ ಆಪರೇಷನ್ ಆದ್ ಬೇಲೆಗ್ ಪೋವೆರೆ ಅವೊಂದು ಇಜ್ಜಿ. ಬಡಪತ್ತ್ ಕುಟುಂಬದಾರ್ ಆಯಿನ ಮೆರೆನ ಚಿಕಿತ್ಸೆಗ್ 10 ಸಾರ ರೂ. ಬೊಕ್ಕ ಮಂಜು ಮೇರ್ ಕರಿನ 3 ತಿಂಗೊಲ್ದ ಪಿರವು ಕೆಂಪು ಕಲ್ಲ್ ಲೋಡ್ ಮಲ್ಪುನಗ ಕಲ್ಲ್ ಕೈ ಕ್ಕ್ ಬೂರ್ದು ಬೊಕ್ಕ ಸೊಂಟದ ಎಲು ತುಂಡು ಆತ್ಂಡ್. ಮೆರೆನ ಚಿಕಿತ್ಸೆಗ್ 10 ಸಾರ ರೂ. ನ್ ವಿಘ್ನೇಶ್ವರ ಫ್ರೆಂಡ್ಸ್ (ರಿ.) ಮೂಡು ಮಾರ್ನಾಡ್ ಮೊಕುಲು ನಡಪಾಯಿನ ಯುಗಾದಿ ಹಬ್ಬದ ಲೇಸ್ ದ ಚಾವಡಿಡ್ ಈ 2 ಕುಟುಂಬಲೆಗ್ ಪನವುದ ಸಕಾಯನ್ ಮಲ್ತೆರ್. ಈ ಪೊರ್ತುಡು ಕೂಟದ ಸರ್ವಸದಸ್ಯೆರ್ ಪಾಲ್ ಪಡೆದಿತ್ತೆರ್.