ಮಹಾರಾಷ್ಟ್ರದ ಗೊಂಡಿ ಪನ್ಪಿನ ಜಾಗೆದ ಇಲ್ಲಲ್ ಒಂಜೆಟ್, ಇಲ್ಲ್ ಕ್ಲೀನ್ ಮಲ್ಪುನಗ 39 ಉಚ್ಚುದ ಕಿನ್ನಿ ಪತ್ತೆ ಆತ್ಂಡ್.
ಇಲ್ಲದ ಮಾಲೀಕೆರೆನ ಪ್ರಕಾರ, ಉಚ್ಚುಲು ಉದಲ್ ಪತ್ತಿನ ಬಾಕಿಲ್ ದ ಪಿರವು ಇತ್ತ್ಂಡ್.
ವರದಿದ ಪ್ರಕಾರ ಉಚ್ಚುಲೆನ್ ಪತ್ತಿಯೆರೆ ಸುಮಾರ್ ನಾಲ್ ಗಂಟೆದ ಪೊರ್ತು ದೆತ್ತೊನ್ನ ರಡ್ಡ್ ಉಚ್ಚು ಪತ್ತುನಕುಲು ಬೊಕ್ಕ ಆಯಿನ್ ಕೈತಲ್ ದ ಕಾಡ್ ಗ್ ಬುಡ್ತೆರ್.
ವಾರಣಾಸಿ: ವೈದ್ಯೆರ್ ಶಸ್ತ್ರಚಿಕಿತ್ಸೆದ ಮುಖೇನ 14 ದಿನತ್ತ ಬಾಲೆದ ಬಂಜಿರ್ದ್ 3 ಭ್ರೂಣನ್ ಪಿದಯಿ ದೆತ್ತಿನ ಘಟನೆ ಉತ್ತರ ಪ್ರದೇಶದ ವಾರಣಾಸಿಡ್ ನಡತ್ಂಡ್.
ಏಳ್ ವೈದ್ಯೆರೆನ ಕೂಟ ಮೂಜಿ ಗಂಟೆ ಮಲ್ತಿನ ಶಸ್ತ್ರಚಿಕಿತ್ಸೆದ ಬೊಕ್ಕ ಈ ಪ್ರಗತಿ ತೋಜಿದ್ ಬೈದ್ಂಡ್. ವೈದ್ಯೆರ್ ಪನ್ಪಿನ ಪ್ರಕಾರ, ಬಾಲೆ ಪುಟ್ಟುನಗ 3.3 ಕೆಜಿ ತೂಕ ಇತ್ತ್ಂಡ್. ಆಂಡ, ಶಸ್ತ್ರಚಿಕಿತ್ಸೆದ ಬೊಕ್ಕ ಬಾಲೆದ ತೂಕ 2.8 ಕೆಜಿ ಆತ್ಂಡ್.
ಈ ಬಗೆಟ್ ಡಾ.ಶೇಟ್ ಕಚಪ್ ಪಾತೆರ್ದ್, ಮೌ ಜಿಲ್ಲೆದಕುಲು ಆಯಿನ ದಂಪತಿಲು ತನ್ನ 10 ದಿನತ್ತ ಬಾಲೆದೊಟ್ಟಿಗೆ ಬಿಎಚ್ಯುಗ್ ಬತ್ತ್ ದ್ ಇತ್ತೆರ್. ಈ ಬಾಲೆಗ್ ಊತ ಬೊಕ್ಕ ದಂಬು ಕಟ್ಟುನ ತೊಂದರೆ ಇತ್ಂಡ್. ಬಾಲೆನ್ ಅಲ್ಟ್ರಾಸೌಂಡ್ ಮಲ್ಪುನಗ, ಆಯಿತ್ತ ಬಂಜಿಡ್ ಭ್ರೂಣ ಪತ್ತೆ ಆತ್ಂಡ್. ಅವೆರ್ದ್ ಬೊಕ್ಕ, ಸಿಟಿ ಸ್ಕ್ಯಾನ್ ದ ಮುಖೇನ ಉಂದು ಗೊತ್ತಾತ್ಂಡ್. 5 ಲಕ್ಷ ಜನಟ್ 1 ಬಾಲೆಗ್ ಇಂಚಿನ ಸಮಸ್ಯೆ ಬರ್ಪುಂಡು. ಅಪ್ಪೆನ ಗರ್ಭಾವಸ್ಥೆಡ್ ಮಾತ್ರ ಭ್ರೂಣ ಬಾಲೆದ ಬಂಜಿಗ್ ಬರ್ಪುಂಡು. ಆಂಡ ಅವು ಬುಲೆಪುಜಿ ಪಂದ್ ಪಂಡೆರ್.
Embryo found in the stomach of a 14 day baby!!
Varanasi: Three embryos were found in the stomach of a 14 day old baby during a surgery by doctors in Varanasi in UP.
The baby had bloating in the stomach and breathless and an ultrasound revealed embryo in its stomach. It is a very rare condition and was related to the mother’s pregnancy.
ಪುತ್ತೂರ್: ಬಿಜೆಪಿ ಟಿಕೆಟ್ ಕೈ ತತ್ತಿನ ಬೆರಿಕ್ಕೆ ಪುತ್ತೂರ್ ಬಿಜೆಪಿ ಟಿಕೆಟ್ ಆಕಾಂಕ್ಷಿ ಆಯಿನ ಅರುಣ್ ಕುಮಾರ್ ಪುತ್ತಿಲ ಮೇರ್ ಪಕ್ಷೇತರ ಅಭ್ಯರ್ಥಿಯಾದ್ ಉಂತೆರೆ ನಿರ್ಧಾರ ಮಲ್ದೆರ್.
ಕೋಡೆ ಮೆರೆನ ಬೆಂಬಲಿಗೆರ್ ಸಭೆ ನಡಪಾಯಿನ ಬೆರಿಕ್ಕೆ ಇನಿ ಈ ನಿರ್ಧಾರ ದೆತೊಂದೆರ್. ಮೇರ್ ಕಾರ್ಯಕರ್ತೆರೆನ ಒತ್ತಾಯದ ಮಿತ್ತ್ ಬೊಕ್ಕ ಹಿಂದುತ್ವದ ಸೊರನ್ ಕುಡ ದುಂಬು ಕನಯೆರ್, ಕಾರ್ಯಕರ್ತೆರೆನ ಭಾವನೆಗ್ ಬಿಲೆ ಕೊರ್ದು, ಅಕ್ಲೆನ ಪರವಾದ್ ಬೇಲೆ ಮಲ್ಪರೆ ಪಕ್ಷೇತರವಾದ್ ಉಂತುದೆರ್.
Puttur: Arun Kumar Puttila decides to contest as an independent candidate
Puttur: With the BJP denying him a ticket, Arun Kumar Puttila has announced that he would contest as a independent candidate.
ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯದ ಸಂಪಾಜೆಡ್ ನಡತಿನ ಆಕ್ಸಿಡೆಂಟ್ ಡ್ ಬಾಲೆ ಸೇರ್ದ್ 6 ಜನ ತೀರ್ ಪೋಯೆರ್.
ಸಂಪಾಜೆ ಪೇಂಟೆಡ್ ಕಾರ್ ಬೊಕ್ಕ ಸರ್ಕಾರಿ ಬಸ್ ಎದುರುಬದುರ್ ಗುದ್ದುದುಂಡು. ಕಾರ್ ಡ್ ಇತ್ತಿನ ಬಾಲೆ, ಮೂಜಿ ಜೋಕುಲು, ರಡ್ಡ್ ಪೊಂಜೋವ್ ಲು, ಒರಿ ಆಂಜೋವ್ ತೀರ್ ಪೋತೆರ್.
ಮೊಕ್ಲೆನ ಪುಣನ್ ಸುಳ್ಯದ ಕೆವಿಜಿ ಆಸ್ಪತ್ರೆ ಬೊಕ್ಕ ಸುಳ್ಯ ಸರಕಾರಿ ಆಸ್ಪತ್ರೆಡ್ ದೀತೆರ್. ಈ ಆಕ್ಸಿಡೆಂಟ್ ರ್ದ್ ಸುಳ್ಯ ಮಡಿಕೇರಿ ಮಾರ್ಗಡ್ ಭಾರೀ ಟ್ರಾಫಿಕ್ ಜ್ಯಾಮ್ ಆದಿತ್ತ್ಂಡ್.
Six persons die in an accident at Sampaje
At an accident in Sampaje in Sullia taluk of DK district; six persons including an infant lost lives.
The accident occurred between a car and a government bus in Sampaje town.
ಮುಲ್ಕಿ : ನಮ್ಮ ತುಳುನಾಡ್ ನನ ಪೊಸ ಕೃಷಿ ವಲಯ ಆವೊಡು, ಇಂಡಸ್ಟ್ರಿಯಲ್ ವಲಯ ಆವರೆ ಬಲ್ಲಿ ಪಂದ್ ಪತ್ರಕರ್ತೆರ್, ಧಾರ್ಮಿಕ ಚಿಂತಕೆರ್ ಶ್ರೀಕಾಂತ್ ಶೆಟ್ರ್ ಪಂಡೆರ್.
ಆರ್ ಮುಲ್ಕಿ ಬಂಟರ ಸಂಘ ಬೊಕ್ಕ ಮಹಿಳಾ ಸಂಘದ ಮುತಾಲಿಕೆಡ್ ಕಾರ್ನಾಡ್ ಬಂಟರ ಭವನದ ಚಾವಡಿಡ್ ಸುಕ್ರಾರ ನಡತಿನ ಬಿಸು ಪರ್ಬ ಆಚರಣೆದ ಲೇಸ್ ಡ್ ಪಾತೆರಿಯೆರ್.
ಸುರುಟ್ಟು ತುಳುನಾಡ್ ಕೃಷಿ ಬೂಮಿ ಆದಿತ್ತಿಜಿ. ನಮ್ಮ ಹಿರಿಯೆರ್ ಕಂಡ, ತೋಡು ಮಲ್ತ್ ದ್, ಗೆಲ್ಲ್ ಕಡ್ತ್ ದ್ , ಪಜಿರ್ ಕೆತ್ ದ್ ಅವೆನ್ ಕೃಷಿ ಸಮೃದ್ಧಿದ ಬೂಮಿ ಆದ್ ಪರಿವರ್ತನೆ ಮಲ್ತ್ ದಿತ್ತೆರ್. ಆಂಡ ಇತ್ತೆ ಕೃಷಿ ಕಂಡೊಲು ಪಡಿಲ್ ಬೂರ್ದುಂಡು. ಬೆನಿಯರೆ ಮನಸ್ ದಾಂತೆ ರಿಯಲ್ ಎಸ್ಟೇಟ್ ಗ್ ಕಂಡ ನಿಗಿತೊಂದುಲ್ಲ. ನಮ ನಿಗಿಪುನು ಕಂಡೊಲೆನ್ ಅತ್ತ್, ತುಳುನಾಡ್ ದ ಇಡೀ ಕೃಷಿ ಸಂಸ್ಕೃತಿನ್ ಪಂದ್ ಆರ್ ಬೇಜಾರ್ ಪಟ್ಟೊಂಡೆರ್.
ನಮ್ಮ ಹಿರಿಯೆರ್ ದೈವೊಲೆಡ ” ಅಲೆ, ಅಂಬಿ, ಬುಲೆಸಲೆ ಭಾಗ್ಯೊಲೆನ್ ಕೊರ್ದು ಕಾಪುಲೆ” ಪಂದ್ ಪ್ರಾರ್ತನೆ ಮಲ್ತೊಂದಿತ್ತೆರ್. ಇತ್ತೆ ನಮ್ಮ ಕೃಷಿ ಸಂಸ್ಕೃತಿ ನಾಶ ಆವೊಂದುಂಡು. ಅಂಚಾದ್ ನಮ ನಮ್ಮ ಪ್ರಾಚೀನ ಕೃಷಿ ಬದ್ ಕ್ ನ್ ಕುಡೊರ ಸುರು ಮಲ್ಪೊಡು ಪಂದ್ ಪಂಡೆರ್.
ತುಳುವೆರ್ನ ಪೊಸ ವರ್ಷನೇ ಬಿಸು ಪರ್ಬ. ಪಂಜಾಬ್ ಡ್ ಬೈಸಾಖಿ, (ವೈಶಾಖ), ಒಡಿಸ್ಸಾಡ್ ಬಿಹು, ಕೇರಳಡ್ ಬಿಷು ತುಳುನಾಡ್ ಡ್ ಬಿಸು ಪಂದ್ ಆಚರಣೆ ಮಲ್ಪುವೆರ್. ಉಂದು
ಸೂರ್ಯ ದೇವೆರೆಗ್ ಸಂಬಂಧ ಪಟ್ಟಿನ ಆಚರಣೆ ಪಂದ್ ಪಂಡೆರ್.
ಮಾರ್ಚ್ ತಿಂಗೊಲುಡು ಪರ ಇರೆ ತಾಲ್ ದ್ ಪೊಸ ತೆಗ್ ಲ್ ತೆಗ್ ಲ್ದ್, ಪೂ ಬಡ್ದು ಕಾಯಿ ಕಜಿಪು, ಪರ್ಂದ್ ಆಪಿನ ಪೊರ್ತು. ಅಂಚಾದ್ ನಮಕ್ಕ್ ಪೊಸ ವರ್ಷ ಪಂಡ ಯುಗಾದಿ, ಅವ್ವೇ ಬಿಸು ಪರ್ಬ ಪಂದ್ ಶ್ರೀ ಕಾಂತ್ ಶೆಟ್ರ್ ಪೊಲಬು ಮಲ್ತ್ ಕೊರಿಯೆರ್.
ಬಿಸು ಪನ್ಪಿನ ಶಬ್ದದ ಉಲಯಿ ಒಂಜಿ ಅರ್ತ ಉಂಡು. ಉಂದೆನ್ ತೆರಿಯೊಡಾಂಡ ವೇದಾಂಗಲೊನ್ ತೆರಿಯೊಡು. ನಮ ಕಾಂಡೆ ಲಕ್ ದ್ ಸಮೃದ್ಧಿ ತೂವೊಡು. ಅಯಿಕ್ಕ್ ಬೋಡಾದ್ ಬಿಸು ಆಚರಣೆ ಮಲ್ತೊಂದುಲ್ಲ. ಕಲಸೆ ನಿಲಿಕೆ ಅರಿ, ಬೇತೆ ಬೇತೆ ಕಾಯಿ ಕಜಿಪು, ಕನ್ನಡಿ ದೀದ್ ಕಣಿ ದೀಪ,ಅಯಿಟ್ಟ್ ದೇವೆರೆನ್ ತೂಪ, ಅಪ್ಪೆ ಅಮ್ಮನ ಆಶೀರ್ವಾದ ದೆತೊನುವ. ಆಂಡ ಇತ್ತೆ ಇಲ್ಲಡ್ ಕಣಿ ದೀಪಿನ ಕ್ರಮಲ ಕಮ್ಮಿ ಆತ್ಂಡ್. ದೇವಸ್ಥಾನಗ್ ಪೋದು ಕಣಿ ತೂವೊಡಾದ್ ಬೈದ್ಂಡ್. ಕೃಷಿ ಸಂಸ್ಕೃತಿ ನಾಶ ಆಯಿನೆತ್ತ ಪರಿಣಾಮವಾದ್ ಗ್ಲೋಬಲ್ ವಾರ್ಮಿಂಗ್ ಎಚ್ಚಾದ್ ಬೂಮಿಡ್ ಬೆಚ್ಚ ಜಾಸ್ತಿ ಆತ್ಂಡ್. ತೋಡು, ತುದೆತ್ತ ನೀರ್ ಆಜಿದ್ ದೂರದ ವಾರಾಹಿ, ತುಂಬೆರ್ದ್ ಕೆಮಿಕಲ್ ಪಾಡ್ದಿನ ನೀರ್ ನ್ ಪರೊಡಾದ್ ಬೈದ್ಂಡ್ ಪಂದ್ ಪಂಡೆರ್.
ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ರ್ ಲೇಸ್ ಉದಿಪನ ಮಲ್ತ್ ದ್ ಎಡ್ಡೆಪ್ಪು ಬಯಕಿಯೆರ್. ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ರ್ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಅಶೋಕ್ ಕುಮಾರ್ ಶೆಟ್ರ್, ಮಹಿಳಾ ಸಂಘದ ಚಂದ್ರಕಲಾ, ಗಂಗಾಧರ ಶೆಟ್ರ್ ಮಿತ್ತರ್ಮೆಡ್ ಇತ್ತೆರ್.
ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ ಪ್ರಾಸ್ತಾವಿಕ ವಾದ್ ಪಾತೆರಿಯೆರ್. ಜತೆ ಕಾರ್ಯದರ್ಶಿ ಸಾಯಿನಾಥ್
ಶೆಟ್ರ್ ಸೊಲ್ಮೆ ಸಂದಾಯೆರ್. ಶರತ್ ಶೆಟ್ಟಿ ಕಿನ್ನಿಗೋಳಿ ಲೇಸ್ ಸುಧಾರಿಕೆ ಮಲ್ತೆರ್. ಮಹಿಳಾ ಸಂಘದ ಸದಸ್ಯೆರೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತಿ ಬೊಕ್ಕ ಬಿಸು ವನಸ್ ದ ವ್ಯವಸ್ಥೆ ಇತ್ತ್ಂಡ್.
ಕಡಂದಲೆ: ತೊಂದಡ್ಪು ಶ್ರೀ ಗುರು ನಿತ್ಯಾನಂದ ಸ್ವಾಮಿ ಭಜನಾ ಮಂದಿರದ ಪ್ರತಿಷ್ಠಾ ವರ್ಧಂತಿದ ಲೆಕ್ಕೊಡು 56ನೇ ವರ್ಷದ ಮಂಗಳ ಉಚ್ಚಯ ಎ.23 ಕ್ಕ್ ಐತಾರ ನಡಪರೆ ಉಂಡು.
ಬೊಲ್ಪುಗು ದೇವೆರೆನ ಪಾರ್ತನೆ, ಗಣಹೋಮ, ಶ್ರೀ ಸತ್ಯನಾರಾಯಣ ಪೂಜೆ, ಪಂಚಾಮೃತ ಅಭಿಷೇಕ, ಮಹಾಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಅಂಚೆನೆ ಬಯ್ಯಗ್ 6.30 ರ್ದ್ ರಾತ್ರೆ 12.30 ಮುಟ್ಟ ಬೇತೆ ಬೇತೆ ಭಜನೆ ಮಂಡಳಿರ್ದ್ ಭಜನೆ ನಡಪರೆ ಉಂಡು ಪಂದ್ ಕಡಂದಲೆ, ತೊಂದಡ್ಪು ಶ್ರೀ ಗುರು ನಿತ್ಯಾನಂದ ಭಜನಾ ಮಂದಿರದ ಆಡಳಿತ ಮಂಡಳಿ ಲೆಪ್ಪೋಲೆಡ್ ತೆರಿಪಾದೆರ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಎ.14-21 ಮುಟ್ಟ ನಡಪರೆ ಇಪ್ಪುನ ಜಾತ್ರೆದ ಅಂಗವಾದ್ (ಇನಿ) ಎ.14 ಸುಕ್ರಾರ ಕೊಡಿ ಏರುಂಡು.
ಬೊಲ್ಪುಗು ಬಲಿ ಪಿದಾಡ್ ದ್, ಕೊಡಿ ಏರುಂಡು. ಬೊಕ್ಕ ದೈವ ದೇವೆರೆನ ದರ್ಶನ ಬಲಿ, ಭೋಜನ ಶಾಲೆಗ್ ಪ್ರಸಾದ ಕೊನೊಯೆರೆ, ಮಹಾಪೂಜೆ, ಪಲ್ಲಪೂಜೆ ಸಮರ್ಪಣೆ ಅವರೆ ಉಂಡು. ಬಯ್ಯಗ್ ಬಲಿ, ಮಲ್ಲ ಅಜಕಾಯಿ, ರಾಜಾಂಗಣ ರಾತ್ರೆ ಪ್ರಸಾದ ಕೊರಿಯೆರೆ ಉಂಡು. ಅವೆರ್ದ್ ಬೊಕ್ಕ ಬಂಗಾರ್ ದ ತೇರ್ ಉಚ್ಚಯ, ಬೊಳ್ಳಿಪಲ್ಲಕ್ಕಿ ಉಚ್ಚಯ, ವಸಂತ ಮಂಟಪ ಪೂಜೆ, ಅಷ್ಟಾವಧಾನ ನಡಪರೆ ಉಂಡು.
ಅಂಚೆನೆ ಮುಲ್ಪದ ಸರಸ್ವತೀ ಸದನಡ್ ಬೊಲ್ಪುಗು ಭಜನೆ, ನಲಿಕೆ ಭಜನೆ ಬೊಕ್ಕ ಬಯ್ಯಗ್ ನೃತ್ಯ ವಿದ್ಯಾನಿಲಯ ವಿದುಷಿ ಸಂಧ್ಯಾ ಕೇಶವ ರಾವ್ ಬೆಂಗ್ಲೂರ್ ಮೊಕ್ಲೆರ್ದ್ ಭರತನಾಟ್ಯ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಶಿವಮೊಗ್ಗ: ಉಂದು ಯನ್ನ ಕಡೆತ್ತ ಚುನಾವಣೆ ಪಂಡ್ದ್ ಗೃಹಸಚಿವೆರ್ ಅರಗ ಜ್ಞಾನೇಂದ್ರ ಮೇರ್ ಪಂಡೆರ್.
ತೀರ್ಥಹಳ್ಳಿ ಕ್ಷೇತ್ರಗ್ ಬಿಜೆಪಿರ್ದ್ ಟಿಕೆಟ್ ಘೋಷಣೆ ಆತಿಜಿ. ಆಂಡ ಟಿಕೆಟ್ಗಾದ್ ಯಾನ್ ದಿಲ್ಲಿಗ್ ಪೋಪುಜಿ ಪಂದ್ ಪಂಡೆರ್. ಇನಿ ಶಿವಮೊಗ್ಗದ ಹೊಸನಗರದ ಕೋಡೂರುಡ್ ಕಾರ್ಯಕರ್ತೆರ್ನ ಸಭೆಟ್ಟ್ ಪಾತೆರಿನ ಆರ್, ಯಾನ್ ವೋಟುಡು ಸ್ಪರ್ಧೆ ಮಲ್ಪರೆಂದ್ ಟಿಕೆಟ್ ಪಡೆಯರೆ ಅತ್ತ್ಂಡ ಮಂತ್ರಿ ತಾನೊಗಾದ್ ದೆಲ್ಲಿಗ್ ಪೋಪುಜಿ ಪಂದ್ ಪಂಡೆರ್.
ಬೊಲ್ತೇರ್: ತನ್ನ ಅಭಿವೃದ್ದಿದ ಬೇಲೆದ ಮುಕೇನ ಬೊಲ್ತೇರ್ ವಿಧಾನಸಭಾ ಕ್ಷೇತ್ರನ್ ಬಿಜೆಪಿದ ಭದ್ರಕೋಟೆ ಆದ್ ಮಲ್ತಿನ ಶಾಸಕೆರ್ ಹರೀಶ್ ಪೂಂಜ, ಈ ಸರ್ತಿದ ವಿಧಾನಸಭಾ ವೋಟುಗು ಬಿಜೆಪಿದ ಆಭ್ಯರ್ಥಿಯಾದ್ ಎ.17 ಕ್ಕ್ ನಾಮಪತ್ರ ಸಂದಾಯರೆ ಉಲ್ಲೆರ್.
ಎ.17 ಕ್ಕ್ ಕಾಂಡೆ 10 ಗಂಟೆಗ್ ಬೊಲ್ತೇರ್ದ ಕುತ್ಯಾರು ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಪೂಜೆ ಮಲ್ತ್ದ್ ಅಯಿರ್ದ್ ಬೊಕ್ಕ ಮೆರವಣಿಗೆದ ಮುಕೇನ ತಾಲೂಕು ಆಡಳಿತ ಸೌಧಗ್ ಪೋದು ನಾಮಪತ್ರ ಸಂದಾಯರೆ ಉಲ್ಲೆರ್.
ಕಜಕಿಸ್ತಾನಡ್ ಏಷ್ಯನ್ ಕುಸ್ತಿ ಚಾಂಪಿಯನ್ ಶಿಪ್ ನಡತೊಂದು ಉಂಡು.
ಆಂಜೋವ್ ಲೆನ 57 ಕೆಜಿ. ವಿಭಾಗದ ಫೈನಲ್ ಡ್ ಭಾರತದ ಅಮನ್ ಶೆರಾವತ್ ಬೊಕ್ಕ ಕಿರ್ಗಿಸ್ತಾನ್ ದ ಅಲ್ಮಾಜ್ ಮಾನ್ಬೆಕೊ ಎದುರುಬದುರ್ ಆಯೆರ್. ನೆಟ್ಟ್ ಅಮನ್ ಶೆರಾವತ್ 9-4 ಅಂಕಡ್ ಅಲ್ಮಾಸ್ ಕೂಟನ್ ಸೋಪಾದ್ ಗೆಂದಿಯೆರ್. ಈ ಗೆಲ್ಮೆ ಭಾರತಗ್ ಬಂಗಾರ್ ದ ಪದಕನ್ ಕನತ್ ಕೊರ್ತುಂಡು.
India wins gold in the Asian Wrestling Championship
At the Asian Wrestling Championship being held at Kajakistan in the men’s 57 kg category India’s Aman Sherawat and Almaz Manbaco from reached the finals.Aman Sherawat won with a 9-4 lead to win the gold.
