ಸುಬ್ರಮಣ್ಯ: ಸುಮಾರ್ ರಡ್ಡ್ ವರ್ಷರ್ದ್ ಬೊಕ್ಕ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಡ್ ಐತಾರ ಎಡೆಮಡೆಸ್ನಾನ ನಡತ್ಂಡ್.
ಸುಬ್ರಹ್ಮಣ್ಯ ಕ್ಷೇತ್ರೊಡು ಪಿರಾಕ್ ರ್ದ್ ನಡತೊಂದು ಬರೊಂದಿತ್ತಿನ ಎಡೆ ಮಡೆ ಸ್ನಾನಗ್ ನ್ಯಾಯಾಲಯ ನಿಷೇಧ ಪಾಡ್ದಿತ್ತ್ಂಡ್. ಬ್ರಾಣೆರ್ ವನಸ್ ಮಲ್ತಿನ ಇರೆತ್ತ ಮಿತ್ತ್ ಭಕ್ತೆರ್ ಈ ಸೇವೆನ್ ಮಲ್ತೊಂದಿತ್ತೆರ್. ಈ ಸೇವೆಗ್ ಕೆಲ ವರ್ಷರ್ದಿಂಚಿ ಭಾರೀ ವಿರೋಧ ವ್ಯಕ್ತ ಆದಿತ್ತ್ಂಡ್.
ಈ ಬಗೆಟ್ ಸುಪ್ರೀಂಕೋರ್ಟ್ ಈ ಪದ್ಧತಿನ್ ನಿಷೇಧ ಮಲ್ತಿಬೊಕ್ಕ ಕ್ಷೇತ್ರಡ್ ದೇವೆರೆಗ್ ದೀಯಿನ ನೈವೇದ್ಯನ್ ಕೈಕಂಜಿಲೆಗ್ ಕೊರ್ದು ಅವು ತಿಂತಿನ ಇರೆತ್ತ ಮಿತ್ತ್ ಭಕ್ತೆರ್ ಮಡಸ್ನಾನ ಪಾಡುನ ಎಡೆ ಮಡೆಸ್ನಾನ ಪದ್ದತಿನ್ ಸುರು ಮಲ್ತೆರ್. ಈ ಸರ್ತಿ ಒಟ್ಟು 116 ಭಕ್ತೆರ್ ಎಡೆ ಮಡೆಸ್ನಾನ ಮಲ್ದೆರ್.
pallavi shetty