ಧರ್ಮಸ್ಥಳ ಮೇಳದ ಯಕ್ಷಗಾನ ತಿರ್ಗಾಟ ಸುರು

ಉಜಿರೆ: ಸುಮಾರ್ 200 ವರ್ಷದ ಪರಪೋಕು ಇಪ್ಪುನ ಧರ್ಮಸ್ಥಳದ ಶ್ರೀ ಮಂಜುನಾಥೇಶ್ವರ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಪರಕೆದ ಯಕ್ಷಗಾನ ಪ್ರದರ್ಶನ ತಿರ್ಗಾಟ ಶನಿವಾರ ಸುರು ಆತ್ಂಡ್.

2023 ತ್ತ ಮೇ 23 ಮುಟ್ಟ ಬಯಲಾಟ ಸೇವೆ ಪ್ರದರ್ಶನ ಆಯರೆ ಇತ್ತ್‌ದ್, ಆಯಿರ್ದ್ ಬೊಕ್ಕ ಮೂಜಿ ದಿನ ಧರ್ಮಸ್ಥಳಡ್ ಸೇವಾ ಬಯಲಾಟ ಪ್ರದರ್ಶನ ಆದ್ ಕಡೆ ಆಯರೆ ಉಂಡು.

ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್, ಹೇಮಾವತಿ ವಿ. ಹೆಗ್ಗಡೆರ್, ಡಿ. ಹರ್ಷೇಂದ್ರ ಕುಮಾರ್ ಅಂಚನೆ ಸುಪ್ರಿಯಾ ಹೆಚ್. ಕುಮಾರ್ ಮೇಳದ ತಿರ್ಗಾಟಗ್ ಚಾಲನೆ ಕೊರಿಯೆರ್.
ಕೆಲ ದಿನರ್ದಿಂಚಿ ಧರ್ಮಸ್ಥಳಡ್ ಸೇವಾಕರ್ತೆರ ಮುತಾಲಿಕೆಡ್ ಪರಕೆದ ಆಟ ಆದಿತ್ತ್‌ದ್, ನನ ದುಂಬುಗು ದಕ್ಷಿಣಕನ್ನಡ, ಒಡಿಪು, ಚಿಕ್ಕಮಗಳೂರು ಜಿಲ್ಲೆಲೆಡ್ ಪ್ರತಿ ದಿನ ಬಯ್ಯ 7 ಗಂಟೆರ್ದ್ ರಾತ್ರೆ 12 ಗಂಟೆ ಮುಟ್ಟ ಕಾಲಮಿತಿದ ಪರಕೆದ ಆಟ ನಡಪರೆ ಉಂಡು.