ಜಗತ್ತ್‌ಡೇ ಮಾಮಲ್ಲ ಮೂತ್ರಕೋಶದ ಕಲ್ಲ್‌ ಆಪರೇಷನ್ ಮಲ್ತ್ ದೆತ್ತಿನ ಮಣಿಪಾಲ ಆಸ್ಪತ್ರೆದ ವೈದ್ಯೆರ್..!

ಒಡಿಪು: ಪೊಂಜೊವು ಒರ್ತಿನ ಬಂಜಿಡ್ ಇತ್ತಿನ 11.5*7.5 ಸೆಂ.ಮೀ ಅಳತೆದ 672 ಗ್ರಾಂ ತೂಕದ ಮೂತ್ರಕೋಶದ ಕಲ್ಲ್‌ನ್ ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆದ ವೈದ್ಯೆರ್ ಯಶಸ್ವಿಯಾದ್ ಆಪರೇಶನ್ ಮಲ್ತ್‌ದ್ ಪಿದಯಿ ದೆತ್ತ್ ದೆರ್.

60 ವರ್ಷ ಪ್ರಾಯದ ಪೊಂಜೊವು ಕರಿನ ಆಜಿ ವರ್ಷರ್ದಿಂಚಿ ಉರಿ ಪಡಿಕೆ ಇತ್ತಿನೆಡ್ದಾವರ ಕೈತಲ್‌ದ ಆಸ್ಪತ್ರೆಗ್ ಭೇಟಿ ಕೊರೊಂದಿತ್ತೆರ್. ಇಂಚಿಪ್ಪಗ್ ಮಣಿಪಾಲದ ಕಸ್ತೂರ್ಬಾ ಮೆಡಿಕಲ್ ಆಸ್ಪತ್ರೆಗ್ ಭೇಟಿ ಕೊರ್ದು ಅಲ್ಪ ಸಿಟಿ ಸ್ಕ್ಯಾನ್ ಮಲ್ಪುನಗ ಮೂತ್ರಕೋಶೊಡು ಕಲ್ಲ್ ಇಪ್ಪುನವು ತೋಜಿದ್ ಬತ್ತ್ಂಡ್.

ಮೂತ್ರಕೋಶ ವಿಭಾಗದ ಪ್ರಾಧ್ಯಾಪಕೆರ್ ಬೊಕ್ಕ ಉಪ ವೈದ್ಯಕೀಯ ಅಧೀಕ್ಷಕೆರ್ ಡಾ. ಪದ್ಮರಾಜ್ ಮೆರೆನ ಮುತಾಲಿಕೆಡ್ ಅಂಚೆನೆ ಅಲ್ಪದ ಡಾಕ್ಟರ್ ನಕ್ಲೆನ ಕೂಟ ಸೇರೊಂದು ಸಿಸ್ಟೊಲಿಥೊಟಮಿ ಶಸ್ತ್ರಚಿಕಿತ್ಸೆ ಮಲ್ತ್‌ದ್ ಕಲ್ಲ್‌ನ್ ದೆತ್ತ್‌ದೆರ್.