November 7, 2022

ಬಂಟರ ಯಾನೆ ನಾಡವರ ಮಾತೃ ಸಂಘದ ಗುರ್ಕಾರ್ಲಾದ್ ನಾಲ್ನೇ ಸರ್ತಿಗ್ ಲ ಅವಿರೋಧ ಆಯ್ಕೆ ಆಯಿನ ಮಾಲಾಡಿ ಅಜಿತ್ ಕುಮಾರ್ ರೈ ಕೊಡಿಯಾಲ್ ಗುತ್ತು

ಕುಡ್ಲ : ದಕ್ಷಿಣ ಕನ್ನಡ, ಒಡಿಪು, ಕಾಸ್ರೋಡು ಅಂಚೆನೆ ಜಗತ್ತ್ ಇಡೀಕ್ಕ ಸದಸ್ಯೆರ್ ಉಪ್ಪುನ ಬಂಟರ ಯಾನೆ ನಾಡವರ ಮಾತೃ ಸಂಘದ ಗುರ್ಕಾರ್ಲಾದ್ ಅಜಿತ್ ಕುಮಾರ್ ರೈ ಮೇರ್ 2022-2025 ಸಾಲ್ ಗ್ ಅವಿರೋಧವಾದ್ ಆಯ್ಕೆ ಆಯೆರ್.

ಅಜಿತ್ ಕುಮಾರ್ ರೈ ಮೇರ್ ಬಂಟರ ಮಾತೃ ಸಂಘೊಗು ಬುಡಂದೆ ನಾಲ್ನೇ ಸರ್ತಿಗ್ ಗುರ್ಕಾರ್ಲಾದ್ ಅಜತ್ ಬೈದೆರ್. ಈ ಪೊರ್ತುಡು ಪಾತೆರ್ನ ಆರ್ , ದುಂಬುದ ದಿನೊಟ್ಟು ಬಂಟರ ಯಾನೆ ನಾಡವರ ಮಾತೃ ಸಂಘದ ಮಾಮಲ್ಲ ಯೋಜನೆ ಆಯಿನ ಶತಮಾನೋತ್ಸವ ಕಟ್ವಾಣ, ಜಗತ್ತಿಡೀಯ ಉಪ್ಪುನ ಸಮಾಜ ಬಾಂಧವೆರೆನ್ ಒಂಜೇ ವ್ಯವಸ್ಥೆ ದ ಅಡಿಟ್ಟ್ ಕನವರೆ ಆರ್ಥಿಕ, ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ಮಲ್ತ್ ದ್ ಸಮಾಜದ ಸಮಗ್ರ ಅಭಿವೃದ್ದಿಗಾದ್ ಪುನೆಪೆ ಪಂದ್ ಪಂಡೆರ್. ಮುಖ್ಯ ಚುನಾವಣಾಧಿಕಾರಿ, ವಕೀಲೆರಾಯಿನ ಬಿ. ಗುರುಪ್ರಸಾದ್ ಶೆಟ್ಟಿ ಮೇರ್ ಅಧ್ಯಕ್ಷೆರ್ ನ ಅವಿರೋಧ ಆಯ್ಕೆನ್ ಘೋಷಣೆ ಮಲ್ತೆರ್. ಉಪ ಚುನಾವಣಾಧಿಕಾರಿ, ವಕೀಲೆರಾಯಿನ ಬಿಪಿನ್ ರೈ ಅಂಚೆನೆ ಚುನಾವಣಾಧಿಕಾರಿ ದಿವಾಕರ ಸಾಮಾನಿ ಚೇಳಾಯಿರು ಗುತ್ತು ಇತ್ತೆರ್.

Bantara yane Nadavara Matru Sangha– Maladi Ajith Kumar Rai Kodial Guttu elected as President again

Mangalore: The Bantara yane Nadavara Matru Sangha–that has members from not only DK district, Udupi, Kasaragod ,but from world over has elected M Ajith Kumar Rai Kodial Guttu as it’s president yet again for the year 2022-2025.

He has been elected as President for the fourth time in a row.

After being elected yet again, M Ajith Kumar Rai said that there were a host of activities lined up in the cards, including the building of the the centenary celebration building, the much touted plans of conducting survey of all Bunts globally
on a social, economic and educational level and working for the all round development of the society.

The chief election officer advocate B Guruprasad Shetty announced the unopposed selection of the president .
Vice election officer advocate Bipin Rai and election officer Divakar Samani were present.

ಸುಪ್ರೀಂಕೋರ್ಟ್‌ದ ಶಬ್ಧಮಾಲಿನ್ಯ ನಿಯಮರ್ದ್ ಆಟ, ಕೋಲ, ಉಚ್ಚಯ, ಕಂಬುಲೊಗು ತಾಪತ್ರೆ!!

ಕುಡ್ಲ: ಶಬ್ದ ಮಾಲಿನ್ಯದ ವಿಚಾರೊಡು ಸುಪ್ರೀಂ ಕೋರ್ಟು ತೀರ್ಪುದ ಪ್ರಕಾರ ತುಳುನಾಡ್ ಡ್ ಈ ಸರ್ತಿ ಯಕ್ಷಗಾನ, ಕಂಬುಲ, ಕೋಲ, ನೇಮಲೆಗ್ ಭಾರಿ ತಡೆ ಬರ್ಪಿಲೆಕ ಉಂಡು.

ನೇರ್ದಾವೆರ ಯಕ್ಷಗಾನ ಮೇಳದ ಯಜಮಾನೆರ್, ಕಂಬುಲ ಸಂಘಟಕೆರ್, ಕೋಲ, ನೇಮದ ಆಯೋಜಕೆರ್ ಗೊಂದಲಡ್ ಉಲ್ಲೆರ್. 2005 ಇಸ್ವಿದ ಶಬ್ದ ಮಾಲಿನ್ಯ ನಿಯಂತ್ರಣ ಕಾನೂನು ಪಾಲನೆ ಮಲ್ಪುಲೆಕ್ಕ ಸುಪ್ರೀಂ ಕೋರ್ಟು ಖಡಕ್‌ ಆದೇಶ ಕೊರ್ತುಂಡು. ಈ ನಿಯಮದ ಪ್ರಕಾರ ರಾತ್ರೆ 10ರ್ದ್ ಬೊಲ್ಪುಗು 6 ಗಂಟೆ ಮುಟ್ಟ ಮೈಕ್ ಗಲಸೆರೆ ಇಜ್ಜಿ. ಉಂದು ಕರಾವಳಿ ಜಿಲ್ಲೆಡ್ ಜಾತ್ರೆ, ಉಚ್ಚಯಲೆಗ್ ಭಾರಿ ತೊಂದರೆ ಕೊರ್ಪಿಲೆಕ ಉಂಡು. ಬೊಲ್ಪುಗು 6 ರ್ದ್ ರಾತ್ರೆ 10 ಮುಟ್ಟ ಮಾತ್ರ ಮೈಕ್ ಗಲಸೊಲಿ. ಕೈಗಾರಿಕಾ ಪ್ರದೇಶಡ್ ಪಗೆಲ್ ಡ್ 75 ಡೆಸಿಬಲ್ ದಾತ್ ಶಬ್ದ ಬೊಕ್ಕ ರಾತ್ರೆ 10 ಡೆಸಿಬಲ್ ದಾತ್ ಗಲಸರೆ ಅವಕಾಶ ಉಂಡು. ವಾಣಿಜ್ಯ ಪ್ರದೇಶಡ್ ಪಗೆಲ್ ಡ್ 65 ಡೆಸಿಬಲ್ ಬೊಕ್ಕ ರಾತ್ರೆ 55 ಡೆಸಿಬಲ್ ಮುಟ್ಟ ಇಪ್ಪೊಡು. ವಸತಿ ವಲಯಲೆಡ್, ಕಟ್ಟಡೊಲೆಡ್ ಪಗೆಲ್ ಗ್ ಡ್ 55 ಡೆಸಿಬಲ್ ಬೊಕ್ಕ ರಾತ್ರೆಡ್ 45 ಡೆಸಿಬಲ್ ಗಲಸೊಲಿ. ಶಾಂತ ವಲಯಡ್ ಪಗೆಲ್ ಡ್ 50 ಡೆಸಿಬಲ್‌ ಬೊಕ್ಕ ರಾತ್ರೆ 40 ಡೆಸಿಬಲ್‌ ದಾತ್ ಶಬ್ಧಗ್ ಅನುಮತಿ ಕೊರ್ತುಂಡು. ಈ ರೀತಿದ ನಿಯಮಲೆನ್ ಪಾಲನೆ ಮಲ್ತೊಂದು ಆಟ, ಉಚ್ಚಯ, ಕಂಬುಲ ನಡಪಾವುನ ಕಷ್ಟ ಪಂದ್ ಸಂಘಟಕೆರ್ ಪನೊಂದುಲ್ಲೆರ್.