ಕುಡ್ಲ: ಕುಡ್ಲ ಪೇಂಟೆದ ಕಂಕನಾಡಿದ ಕೈತಲ್ ಇಪ್ಪುನ ಕಪಿತಾನಿಯೊ ಶಾಲೆದಲ್ಪ ರಿಕ್ಷಾವೊಂಜಿ ಪೋವೊಂದು ಇಪ್ಪುನಗ ಪುಡಾದ್ ರಡ್ಡ್ ಜನಕ್ ಮಸ್ತ್ ಪೆಟ್ಟಾಯಿನ ಘಟನೆ ನಡತ್ಂಡ್.
ಈ ಘಟನೆಡ್ ಪೆಟ್ಟಾಯಿನ ಡ್ರೈವರ್ ಬೊಕ್ಕ ಪ್ರಯಾಣಿಕೆರ್ ಒರಿ ಪೇಂಟೆದ ಖಾಸಗಿ ಆಸ್ಪತ್ರೆಯೊಂಜೆಟ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್.
ಈ ಘಟನೆದ ಜಾಗೆಗ್ ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಎನ್ ಶಶಿ ಕುಮಾರ್, ಬಾಂಬ್ ನಿಷ್ಕ್ರಿಯ ದಳ ಬೊಕ್ಕ ಜಾಗ್ರತ ದಳದಕುಲು ಭೇಟಿ ಕೊರ್ದು ತನಿಖೆ ಮಲ್ದೆರ್.
ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ ಬಹುಜನ ಸಮಾಜ ಪಾರ್ಟಿ(BSP)ದ ಜಿಲ್ಲಾಧ್ಯಕ್ಷೆರ್ ದಾಸಪ್ಪ ಎಡಪದವು ಮೇರ್ ಸನಿಯಾರ ಬೊಲ್ಪುಗು 4 ಗಂಟೆಗ್ ತಿಗಲೆ ಬೇನೆಡ್ ತೀರ್ ಪೋಯೆರ್.
ಮೆರೆಗ್ ಬೊಲ್ಪುಗು ತಿಗಲೆ ಬೇನೆ ಬತ್ಂಡ್ ಪಂದ್ ಕುಟುಂಬದಕುಲು ಕೂಡ್ಲೆ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಆಸ್ಪತ್ರೆಗ್ ಎತ್ತುನ ದುಂಬೆ ಮೇರ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್. ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬಹುಜನ ಚಳುವಳಿದ ಪ್ರಮುಖ ನಾಯಕೆರಾದ್, ಜಿಲ್ಲೆದ ದಲಿತ ಪರ ಹೋರಾಟ, ಸಂಘಟನೆದ ಪೋಷಕೆರಾದಿತ್ತೆರ್.
ಕಾರ್ಲ: ಇಲ್ಲಲ್ ತೂ ಪೊತ್ತ್ ದ್ ಇಲ್ಲ್ ಅರ್ಧ ಭಸ್ಮ ಆಯಿನ ಘಟನೆ ಒಡಿಪು ಜಿಲ್ಲೆ ಕಾರ್ಲದ ಕಾಂತಾವರ ಗ್ರಾಮಡ್ ಶನಿಯಾರ ಬೊಲ್ಪುಗು 9:30 ಕ್ ನಡತ್ಂಡ್.
ಈ ಇಲ್ಲಲ್ ಸಂಜೀವ ಬೊಕ್ಕ ಪ್ರೇಮ ಮೊಕುಲು ಕರಿನ ನಾಲ್ ವರ್ಷೊದಿಂಚ ಇತ್ತೆರ್. ಮೊಕುಲು ಬೇಲೆಗ್ ಪೋಯಿನ ಪೊರ್ತುಡು ಈ ಘಟನೆ ನಡತ್ಂಡ್. ನೆಟ್ ಅಂದಾಜಿ 1 ಲಕ್ಷ ರೂ. ನಷ್ಟ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಬಂಟ್ವಾಳ: ಇಂಟರ್ ಲಾಕ್ ದಿಂಜಾದ್ ಪೋವೊಂದು ಇತ್ತಿನ ಲಾರಿಯೊಂಜಿ ಡ್ರೈವರ್ ನ ಕೈ ತತ್ತ್ ದ್ ಮಾರ್ಗದ ಬರಿಟ್ಟ್ ಇತ್ತಿನ ಗುಂಡಿಗ್ ಬೂರ್ದು ಡ್ರೈವರ್ ಸೇರ್ದ್ ಮೂಜಿ ಜನಕ್ ಪೆಟ್ಟಾಯಿನ ಘಟನೆ ಬಂಟ್ವಾಳ ಟ್ರಾಫಿಕ್ ಪೋಲೀಸ್ ಠಾಣೆ ವ್ಯಾಪ್ತಿದ ಬರಿಮಾರ್ ಡ್ ನಡತ್ಂಡ್.
ಈ ಘಟನೆಡ್ ಲಾರಿ ಡ್ರೈವರ್ ಲಾರೆನ್ಸ್ ಪಿಂಟೋ, ಲಾರಿಡ್ ಇತ್ತಿನ ಅಂಕಿತ್ ಕುಮಾರ್, ಬೊಕ್ಕ ರಾಮ್ ಪ್ರವೀಶ್ ಕುಮಾರ್ ಗ್ ಪೆಟ್ಟಾತ್ಂಡ್. ಮೊಕುಲು ಕುಡ್ಲ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಈ ಬಗೆಟ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಕುಡ್ಲ: ಕಾರಿಂಜ ಕ್ಷೇತ್ರದ ಸುತ್ತಮುತ್ತ ನಡತೊಂದು ಇಪ್ಪುನ ಅಕ್ರಮ ಗಣಗಾರಿಕೆದ ವಿರುದ್ದ ಆಯಿನಾತ್ ಬೇಗ ಕಾನೂನು ಕ್ರಮ ದೆತೊನೊಡು ಪಂದ್ ಹಿಂದು ಜಾಗರಣ ವೇದಿಕೆ ಇನಿ ಮುಖ್ಯಮಂತ್ರಿಲೆನ್ ಬಿನ್ನಾಪು ಸಂದಾಯೆರ್.
ಈ ಪೊರ್ತುಡು ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್, ಸುರತ್ಕಲ್ ಶಾಸಕೆರ್ ವೈ. ಭಾರತ್ ಶೆಟ್ಟಿ, ಹಿಂಜಾವೇ ಪ್ರಾಂತ ಪ್ರಮುಖೆರ್ ರಾಧಾಕೃಷ್ಣ ಅಡ್ಯಂತಾಯ, ಕಿಶೋರ್ ಕುಮಾರ್, ರತ್ನಾಕರ ಶೆಟ್ಟಿ, ಪ್ರಮುಖೆರ್ ಜಗದೀಶ ನೆತ್ತರಕೆರೆ, ನರಸಿಂಹ ಮಾಣಿ, ಪ್ರಶಾಂತ್ ಕೆಂಪು ಗುಡ್ಡೆ, ತಿರುಲೇಶ್ ಬೆಳ್ಳೂರು, ರವಿ ಕೆಂಪು ಗುಡ್ಡೆ, ಹರೀಶ್ ಅಮ್ಟಾಡಿ, ತಿಲಕ್ ನಲ್ಕೇಮಾರ್ ಇತ್ತೆರ್.
ಹೈದರಾಬಾದ್: ನಿರ್ಮಾಪಕೆರ್ ಬನ್ನಿ ವಾಸು ಮೆರೆರ್ದ್ ಮೋಸ ಆತ್ಂಡ್ ಪಂದ್ ಆರೋಪ ಮಲ್ತಿನ ತೆಲುಗು ನಟಿ ಸುನಿತಾ ಬೋಯಾ ಮೇರ್ ಹೈದರಾಬಾದ್ ದ ಗೀತಾ ಆರ್ಟ್ಸ್ ಕಚೇರಿದ ಎದುರು ನ. 17 ಗುರುವಾರದಾನಿ ರಾತ್ರೆ ಬೆತ್ತಲೆ ಆದ್ ಪ್ರತಿಭಟನೆ ಮಲ್ದೆರ್.
ಮೇರ್ ಸುಮಾರ್ ಪಿಕ್ಚರ್ ಡ್ ಜೂನಿಯರ್ ಆರ್ಟಿಸ್ಟ್ ಆದ್ ಬೇಲೆ ಮಲ್ದೆರ್. ಆತೆ ಅತ್ತಂದೆ ಬನ್ನಿ ವಾಸು ನಿರ್ಮಾಣದ ಕೆಲವು ಪಿಕ್ಚರ್ ಡ್ ನಟನೆ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.
ಬೆಂಗ್ಲೂರ್: ಎಂ.ಆರ್.ಜಿ. ಗ್ರೂಪ್ ದ ಸ್ಥಾಪಕಾಧ್ಯಕ್ಷೆರ್ ಕೆ.ಪ್ರಕಾಶ್ ಶೆಟ್ಟಿ ಮೆರೆಗ್ ಎಸ್.ಐ.ಎಚ್.ಆರ್.ಎ. ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.
ದಕ್ಷಿಣ ಭಾರತದ ಹೊಟೇಲ್ ಬೊಕ್ಕ ರೆಸ್ಟೋರೆಂಟ್ ಲೆನ ಸಂಘದ ವಾರ್ಷಿಕ ಸಮ್ಮೇಳನಡ್ ನಡತಿನ ಈ ಪ್ರಶಸ್ತಿ ಪ್ರದಾನ ಲೇಸ್ ಡ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕರ್ನಾಟಕದ ಪ್ರವಾಸೋದ್ಯಮ ಸಚಿವೆರ್ ಆನಂದ ಸಿಂಗ್, ತಮಿಳುನಾಡ್ ದ ಪ್ರವಾಸೋದ್ಯಮ ಸಚಿವೆರ್ ಡಾ. ಮತಿವೆಂತನ್, ಪುದುಚೇರಿ ಪ್ರವಾಸೋದ್ಯಮ ಸಚಿವೆರ್ ಕೆ. ಲಕ್ಷ್ಮೀನಾರಾಯಣನ್ ಇತ್ತೆರ್.
M R G group president K Prakash Shetty honoured with S I H R A award
Bangalore: K Prakash Shetty founder President of M R G group was honoured with
SI H R A award.The award was presented at the annual meet up of South Indian hotels and restaurants association by the CM Basavaraj Bommai. Karnataka tourism minister Anand Singh, Tamilnadu tourism minister Dr Mathiventan and Pondicherry tourism minister K Lakshmi Narayan were present on the occasion.
ಮಣಿಪಾಲ್: ರೇಡಿಯೋ ಮಣಿಪಾಲ್ 90.4 Mhz ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 70 ನೇ ಸಂಚಿಕೆ ನ.19 ಶನಿಯಾರ ಬಯ್ಯಗ್4:15 ಕ್ ಪ್ರಸಾರ ಆತ್ಂಡ್.
ಈ ಸಂಚಿಕೆನ್ ಉಪನ್ಯಾಸೆಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ನಡಪಾದ್ ಕೊರಿಯೆರ್. ಈ ಸಂಚಿಕೆ ಕೂಡ ನ.20 ಕ್ ಮಧ್ಯಾನ್ನ 12:15 ಕ್ ಮರುಪ್ರಸಾರ ಅಪುಂಡು.
ಎಚ್ಚಿನ ಕಡೆಟ್ಟ್ ನಾಯಿಲೆಗ್ ಇತ್ತೆ ಮೆದುಳು ಜ್ವರ ಬೈದ್ಂಡ್. ಈ ಜ್ವರ ಬತ್ತ್ಂಡ ನಾಯಿಲು ಬದುಕುಜ. ಉಂದು ಗಾಳಿಡ್ ಪಸರೊಂದು ಬರ್ಪುನ ರೋಗ ಆತ್ಂಡ್.
ಅಂಚಾದ್ ಜ್ವರ ಬರ್ಪುನ ದುಂಬೇ ನಾಯಿಲೆಗ್ ಇಂಜೆಕ್ಷನ್ ಕೊರುಪಾವೊನವು ಎಡ್ಡೆ. ನಾಯಿಲೆನ್ ಪ್ರತಿ ವರ್ಷ ಇಂಜೆಕ್ಷನ್ ಪಾಡೊಂದು ಇತ್ತ್ಂಡ ಈ ರೋಗನ್ ತಡೆಗಟ್ಟೊಲಿ.
ಪಾಕಿಸ್ತಾನ: 70 ವರ್ಷದರೆನ್ 19 ವರ್ಷದ ಪೊಣ್ಣು ಮೋಕೆ ಮಲ್ತ್ ದ್, ಮದಿಮೆ ಆಯಿನ ಘಟನೆ ಪಾಕಿಸ್ತಾನಡ್ ನಡತ್ಂಡ್.
ಶುಮೈಲಾ(19) ಪನ್ಪುನ ಪೊಣ್ಣು ಲಿಯಾಖತ್ ಅಲಿ(70) ಪನ್ಪುನರೆನ್ ಮದಿಮೆ ಆತೆರ್ ಪಂದ್ ತೆರಿದ್ ಬೈದ್ಂಡ್.
