ಇಟೆಲಿದ ಸುರುತ ಪೊಂಜೊವು ಪ್ರಧಾನಿ ಜಾರ್ಜಿಯಾ ಮೆಲೋನಿ

ಇಟಲಿ : ಬಲಪಂಥೀಯ ನಾಯಕಿ ಜಾರ್ಜಿಯಾ ಮೆಲೋನಿ ಮೇರ್ ಇಟೆಲಿದ ಪ್ರಧಾನಿಯಾದ್ ಆಯ್ಕೆ ಆತೆರ್.

ಮೆಲೋನಿ ಇಟಾಲಿಯನ್ ಸರ್ಕಾರದ ಮುಖ್ಯಸ್ಥೆರಾದ್ ಸುರುತ ಪೊಂಜೋವ್ ಪನ್ಪುನ ಪುದರ್ ಬೈದ್ಂಡ್. ಸಂಸತ್ತ್ ಡ್ ಮಾತ ಪಕ್ಷದೊಟ್ಟಿಗೆ ಪಾತೆರಿ ಬೊಕ್ಕ ಅಧ್ಯಕ್ಷೆರ್ ಸರ್ಗಿಯೋ ಮ್ಯಾಟರೆಲ್ಲಾ, ಮೆಲೋನಿಗ್ ಸರ್ಕಾರನ್ ರಚನೆ ಮಲ್ಪುನ ಜಬದಾರಿ ಕೊರ್ಯೆರ್. ಅಂಚನೆ ಮೇರ್ ನನದ ದಿನಟ್ ತನ್ನ ಸರ್ಕಾರನ್ ರಚನೆ ಮಲ್ಪೆರೆ ಉಲ್ಲೆರ್. ಬೊಕ್ಕ ಸಚಿವೆರ್ ಪ್ರಮಾಣ ವಚನ ಸ್ವೀಕಾರ ಮಲ್ಪುವೆರ್. ಮೇರೆಗ್ ಪ್ರಧಾನ ಮಂತ್ರಿಯಾದ್ ಪುದರ್ ದೀಯಿನ ಒಂತೆ ಪೊರ್ತುದ ಬೊಕ್ಕ, ಮೆಲೋನಿ ಜಿಯಾನ್ಕಾರ್ಲೊ ಜಿಯೊರ್ಗೆಟ್ಟಿ ಮೇರೆನ್ ಆರ್ಥಿಕ ಮಂತ್ರಿ ಮಲ್ತೆರ್.