ಎಲ್ಯ ಪ್ರಾಯೊಡೇ ತೀರ್ ಪೋಯೆರ್ ಕುಸ್ತಿಪಟು, ಸೂಪರ್‌ ಸ್ಟಾರ್ ಸಾರಾ ಲೀ

ವಿಶ್ವ ಕುಸ್ತಿ ಪಟು ಸಾರಾ ಲೀ 30ನೇ ವರ್ಷೊದ ಎಲ್ಯ ಪ್ರಾಯೊಡು ತೀರ್ ಪೋಯೆರ್ ಪಂದ್ ಸಾರಾ ಲೀ ಮೆರೆನ ಅಮ್ಮ ಬೊಕ್ಕ ರೆಸ್ಲಿಂಗ್‌ ಸಂಸ್ಥೆದಕುಲು ತೆರಿಪಾದೆರ್.

ಸಾರಾ ಲೀ ಮೆರೆನ ಸಾವುದ ಸುದ್ದಿ ಕೇನ್ದ್ ಇಡೀ ಕುಸ್ತಿ ಜಗತ್ತ್ ಗ್ ಬೇಜಾರಾತ್ತ್ಂಡ್. ಸಾರಾ ಲೀ 2015ತ ವರ್ಲ್ಡ್‌ ರೆಸ್ಲಿಂಗ್‌ ಎಂಟರ್‌ಟೈನ್ ಮೆಂಟ್‌ (ಡಬ್ಲ್ಯೂ ಡಬ್ಲ್ಯೂಇ)ಸೂಪರ್‌ ಸ್ಟಾರ್‌ ಆದ್ ಇತ್ತೆರ್. ಬೊಕ್ಕ 2017 ಟ್ ಡಬ್ಲ್ಯೂ ಡಬ್ಲ್ಯೂಇ ರ್ದ್ ಪಿದಯಿ ಬತ್ತೆರ್. ಮೇರ್, 2015ರ್ದ್ 2017 ಮುಟ್ಟ ಡಬ್ಲ್ಯೂ ಡಬ್ಲ್ಯೂಇ ವ್ರೆಸ್ಲಿಂಗ್‌ ಡ್ ಮಿಂಚೊಂದು ಇತ್ತೆರ್. ಅಂಚನೆ ಸಾರಾ ಲೀನ ಸಾವುದ ಬಗೆಟ್ ಸುಮಾರ್ ಚರ್ಚೆ ನಡತ್ತೊಂದು ಉಂಡು. ಡಬ್ಲ್ಯೂ ಡಬ್ಲ್ಯೂಇ ರ್ದ್ ಪಿದಯಿ ಬತ್ತಿ ಬೊಕ್ಕ ಮೇರೆಗ್ ಮೂಂಕುಗು ಸಂಬಂಧಪಟ್ಟಿನ ಸೀಕ್ ಇತ್ತ್ಂಡ್ ಪಂದ್ ಕೆಲವು ಮಾಧ್ಯಮೊಲು ತೆರಿಪಾದ. ಮೇರೆಗ್ ಮದಿಮೆ ಆದಿತ್ತ್ ದ್ ಮೂಜಿ ಜೋಕುಲು ಉಲ್ಲೆರ್.