ಮಸ್ತ್ ವರ್ಷರ್ದ್ ಬೊಕ್ಕ ಶಿಲ್ಪಾ ಶೆಟ್ಟಿ ಕನ್ನಡ ಸಿನಿಮಾಗ್ ?

ಬೆಂಗ್ಲೂರ್ : ‘ಜೋಗಿ’ ಪ್ರೇಮ್ ನಿರ್ದೇಶನಡ್, ಧ್ರುವ ಸರ್ಜಾ ನಾಯಕೆ ನಟೆಯಾದ್ ಅಭಿನಯ ಮಲ್ಪುನ ಹೊಸ ಸಿನಿಮಾದ ಶೀರ್ಷಿಕೆ ಸೆ.26 ಕ್ ಘೋಷಣೆಯಾಯರೆ ಉಂಡು.
ಈ ಪಿಚ್ಚರ್ ಡ್ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಪ್ರಮುಖ ಪಾತ್ರಡ್ ನಟನೆ ಮಲ್ಪುನ ಸಾಧ್ಯತೆ ಉಂಡು ಪನ್ಪಿನ ಸುದ್ದಿ ಕೇನೊಂದುಂಡು. ಈ ಪಿಚ್ವರ್ ಡ್ ನಟನೆ ಮಲ್ಪರೆ ಇತ್ತ್‌ದ್ ಕನ್ನಡಡ್ ಶಿಲ್ಪಾ ಶೆಟ್ಟಿ ಮೇರ್ ಮೂಜನೆ ಪಿಚ್ಚರ್ ಡ್ ನಟನೆ ಮಲ್ತಿಲೆಕ್ಕ ಆಪುಂಡು.

ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ನನಲ ಟೈಟಲ್ ಲಾಂಚ್ ಆವಂದಿನ ಈ ಪಿಚ್ಚರ್ ದ ಮುಹೂರ್ತ ಎ.24 ಕ್ ಮೈಸೂರ್ ದ ಚಾಮುಂಡೇಶ್ವರಿ ದೇವಲ್ಯಡ್ ನಡತ್ ದಿತ್ತ್ಂಡ್. ಅಕ್ಟೋಬರ್‌ ರ್ದ್ ಪಿಚ್ಚರ್ ಶೂಟಿಂಗ್ ಸುರು ಆಯರೆ ಉಂಡು.
ಪ್ರೇಮ್ ಈ ಪಿಚ್ಚರ್ ದ ತಾರಾಗಣನ್ ಕಡೆ ಮಲ್ಪುನೆಟ್ಟ್ ಬಿಜಿಯಾತೆರ್. ಕೆಲ ದಿನತ್ತ ಪಿರವ್ ಆತೆ ಸಂಜಯ್ ದತ್ ಪ್ರಮುಖ ಪಾತ್ರಡ್ ತೋಜುನ ಸಾಧ್ಯತೆ ಉಂಡು ಪಂದ್ ಪಂದಿತ್ತೆರ್ . ಇತ್ತೆ ಶಿಲ್ಪಾ ಶೆಟ್ಟಿ ಮೇರ್ ಈ ಪಿಚ್ಚರ್ ಡ್ ಪ್ರಮುಖ ಪಾತ್ರ ಮಲ್ಪರೆ ಉಲ್ಲೆರ್ ಪನ್ಪಿನ ಸುದ್ದಿ ಕೇನೊಂದುಂಡು . ಉಂದೊಂಜಿ ಪ್ಯಾನ್ ಇಂಡಿಯಾ ಪಿಚ್ಚರ್ ಆತಿನೆಡ್ದ್ ದಾವರ, ಸಂಜಯ್ ಬೊಕ್ಕ ಶಿಲ್ಪಾ ಶೆಟ್ಟಿ ಅಭಿನಯ ಮಲ್ಪುನ ಸಾಧ್ಯತೆನ್ ಅತ್ತ್ ಪನ್ಪಿಲೆಕ ಇಜ್ಜಿ. ಶಿಲ್ಪಾ ಒತ್ತೊನೆರ್ ಡ, ‘ಪ್ರೀತ್ಸೋದ್ ತಪ್ಪಾ’ಬೊಕ್ಕ ‘ಆಟೋ ಶಂಕರ್ ‘ ಆಯಿಬೊಕ್ಕ ಉಂದು ಕನ್ನಡಡ್ ಅರ್ ಮಲ್ಪಿನ ಮೂಜನೆ ಪಿಚ್ಚರ್ ಆಪುಂಡು.