ತಲಪಾಡಿ: ತಲಪಾಡಿ ಗ್ರಾಮ ಪಂಚಾಯತ್ ವೈಭವ್ ಶೆಟ್ಟಿ ಸದಸ್ಯೆರ್ ಮೆರೆನ ಸಾರಥ್ಯಡ್ ದರ್ಮಾರ್ಥ ಆಯುಷ್ಮನ್ ಭಾರತ್ ಕಾರ್ಡ್ ಮಲ್ಪುನ ಶಿಬಿರ ಸೆ.25 ಐತಾರ ಬೊಲ್ಪುಗು 9 ರ್ದ್ ಬಯ್ಯ 4 ಗಂಟೆ ಮುಟ್ಟ ತಲಪಾಡಿ ಶ್ರೀ ರಾಮ ಭಜನಾ ಮಂದಿರದ ಕಯಿತಲ್ ಪವನ್ ಕಾಂಪ್ಲೆಕ್ಸ್ ಡ್ ನಡಪರೆ ಉಂಡು.
ಈ ಕಾರ್ಡ್ ರ್ದ್ ಬಿ.ಪಿ.ಎಲ್ ಕಾರ್ಡ್ ದಕಲೆಗ್ 5 ಲಕ್ಷ ಮುಟ್ಟ ದರ್ಮಗ್ ಮರ್ದ್ ಬೊಕ್ಕ ಎ.ಪಿ.ಎಲ್. ಕಾರ್ಡ್ ದಕಲೆಗ್ ಮರ್ದ್ ದ ಬಿಲ್ ಟ್ಟ್ 30% ರಿಯಾಯಿತಿ ತಿಕ್ಕುಂಡು.
ಕಾರ್ಡ್ ಮಲ್ಪೆರೆ ಬನ್ನಗ ಆಧಾರ್ ಕಾರ್ಡ್ ಜೆರಾಕ್ಸ್, ಬೊಕ್ಕ ಆಧಾರ್ ಕಾರ್ಡ್ ಗ್ ಸೇರ್ಸಾದಿನ ಪೋನ್ ನಂಬರ್, ರೇಷನ್ ಕಾರ್ಡ್ ನ್ ಪತೊಂದು ಬರೊಡು. ಒರಿಯೆ ಒಂಜಿ ಇಲ್ಲದ ಮಾತ ಜನತಲ ಕಾರ್ಡ್ ಲೆನ್ ಪತೊಂದು ಬರೊಲಿ . ಅಂಚನೆ ಈ ಶಿಬಿರಗ್ ಬತ್ತಿನಕಲೆಗ್ ದರ್ಮಗ್ ಆಯುರ್ವೇದ ಬೊಕ್ಕ ಕೂಲಿದ ಚಿಕಿತ್ಸೆ ಶಿಬಿರ, ಶಾರದ ಆಯುರ್ವೇದ ವೈದ್ಯಕೀಯ ಕಾಲೇಜ್ ಬೊಕ್ಕ ಆಸ್ಪತ್ರೆದ ಹೊರರೋಗಿ ವಿಭಾಗಡ್ ಒಂಜಿ ತಿಂಗೊಲ್ ನಡಪುಂಡು. ಈ ಶಿಬಿರಗ್ ಮತೆರ್ಲಾ ಬತ್ತ್ ದ್ ನೆತ್ತ ಉಪಯೋಗನ್ ದೆತ್ತೊನೊಡ್ ಪಂದ್ ವೈಭವ್ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty