September 6, 2022

ಉಳ್ಳಾಲ: ತಾರಾಯಿ ದೆಪ್ಪುನಗ ಪಿಲಿ ಕುಂಡೆಲ್ ಹಾಕ್ ದ್ ಮೂಜಿ ಜನಕ್ಕ್ ಪೆಟ್ಟ್

Sep 6, 2022

ಉಳ್ಳಾಲ: ತಾರಾಯಿ ದೆಪ್ಪರೆ ತಾರೆ ಬರ್ತಿನ ಪೊರ್ತುಡು ಗೂಡು ಕಟ್ಟ್ ದಿನ ಪಿಲಿ ಕುಂಡೇಲ್ ತುಚ್ಚಿದ್ ತಾರೆಡಿತ್ತಿನ ಜನ ತಿರ್ತ್ ಬೂರ್ದು ಮಸ್ತ್ ಪೆಟ್ಟಾಂತ್ಂಡ್.

ಅಂಚನೆ ಸಾದಿಡ್ ಪೊವೊಂದಿತ್ತಿನ ಅಮ್ಮೆರ್ ಬೊಕ್ಕ ಮಗಲೆಗ್ಲಾ ಕುಂಡೆಲ್ ದ ಪುರಿಕುಲು ಹಾಕಿನ ಘಟನೆ ತೊಕ್ಕೊಟ್ಟು ಕೈತಲ್‌ದ ಉಳ್ಳಾಲ ಬೈಲ್ ಡ್ ನಡತ್‌ಂಡ್.

ಉಳ್ಳಾಲ ಬೈಲ್ ದ ಜಿತನ್ ರೆಸ್ಕಿನ (40) ಮೆರೆಗ್ ಕುಂಡೇಲ್ ದಾಳಿ ಮಲ್ತ್ ದ್ ಮಸ್ತ್ ಪೆಟ್ಟಾದಿತ್ತ್‌ದ್, ಪೇಂಟೆದ ಫಾದರ್ ಮುಲ್ಲರ್‍ಸ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್.

ಭಾರತೀಯ ಕ್ರಿಕೆಟ್ ಗ್ ವಿದಾಯ ಪಂಡೆರ್ ಸುರೇಶ್ ರೈನಾ

Sep 6, 2022

ಸುರೇಶ್ ರೈನಾ ಭಾರತದ ಮಾತ ಮಾದರಿದ ಕ್ರಿಕೆಟ್ ರ್ದ್ ನಿವೃತ್ತಿ ಪಡೆಯೊನುವೆ ಪಂದ್ ಘೋಷಣೆ ಮಲ್ತ್‌ದೆರ್.

ಈ ಬಗೆಟ್ ಟ್ವಿಟರ್ ಡ್ ಬರೆಯಿನ ಆರ್, ಯನ್ನ ದೇಶ ಬೊಕ್ಕ ಉತ್ತರ ಪ್ರದೇಶ ರಾಜ್ಯನ್ ಪ್ರತಿನಿಧಿಸಿದಿನೆಕ್ಕ್ ಎಂಕ್ ಗೌರವ ಉಂಡು. ಯಾನ್ ಕ್ರಿಕೆಟ್ ದ ಮಾತ ಸ್ವರೂಪಲೆಗ್ ನಿವೃತ್ತಿ ಪೋಷಣೆ ಮಲ್ಪರೆ ಬಯಸುವೆ ಪಂಡೆರ್.

ಈ ಮುಖೇನ ರೈನಾ ನನ ದುಂಬುಗ್ ಐಪಿಎಲ್ ಅಂಚನೆ ದೇಶೀಯ ಕ್ರಿಕೆಟ್ ಡ್ ತೋಜುಜೆರ್. ವಿದೇಶಿ ಲೀಗ್ ಡ್ ತೋಜುವೆರ್ ಪನ್ಪಿನ ಪಾತೆರ ಉಂಡು.

Suresh Raina says goodbye to Indian cricket

Suresh Raina has retired from all forms of Cricket in India.Tweeting in this regard he said he was proud to have represented his country India and his state UP in the game. He announced his retirement from all types of cricket in India.There are rumours doing rounds that he may be seen in foreign league cricket.

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

Sep 6, 2022

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಪರಿಸರದ ಪಾಠಲು ಸರಣಿ ಕಾರ್ಯಕ್ರಮ ಸೆ. 6 ತಾರೀಕ್ ಗ್ ಅಂಗಾರೆದಾನಿ ಬಯ್ಯಗ್ 5.30 ಗಂಟೆಗ್ ಪ್ರಸಾರ ಆಯೆರೆ ಉಂಡು.

ಈ ಕಾರ್ಯಕ್ರಮಡ್ ಸಂಪನ್ಮೂಲ ವ್ಯಕ್ತಿ ಅಂಚನೆ ಪಂಚಾಯತ್ ರಾಜ್ ರಾಜ್ಯ ಸಂಪನ್ಮೂಲ ವ್ಯಕ್ತಿ ಡಾ.ಕೃಷ್ಣ ಕೊತಾಯ ಬೊಕ್ಕ ಮಲ್ಲ ಬಿನ್ನೆರಾದ್ ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ಸ್ ಡ್ ಸಹ ಪ್ರಾಧ್ಯಾಪಕೆರ್ ಬೊಕ್ಕ ಮಾಧ್ಯಮ ಅಧ್ಯಯನ ವಿಭಾಗದ ಮುಖ್ಯಸ್ಥರಾಯಿನ ಡಾ.ಶುಭಾ ಹೆಚ್.ಎಸ್ ಈ ಬಗೆಟ್ ಪಾತೆರಿಯರೆ ಉಲ್ಲೆರ್. ಈ ಕಾರ್ಯಕ್ರಮ ಸೆಪ್ಟೆಂಬರ್ 7 ಕ್ಕ್ ಮಧ್ಯಾಹ್ನ 1.30 ಗಂಟೆಗ್ ಮರು ಪ್ರಸಾರ ಆಯರೆ ಉಂಡು.

ಕುಡ್ಲ: ಬಿಬಿಎ 2ನೇ ಸೆಮಿಸ್ಟರ್ ಪರೀಕ್ಷೆಗ್ 1ನೇ ಸೆಮಿಸ್ಟರ್ ದ ಪ್ರಶ್ನೆಪತ್ರಿಕೆ

Sep 6, 2022

ಕುಡ್ಲ: ಕುಡ್ಲ ವಿಶ್ವವಿದ್ಯಾಲಯದ ಪದವಿ ಪರೀಕ್ಷೆಡ್ ಬಿಬಿಎ ರಡ್ಡನೇ ಸೆಮಿಸ್ಟರ್ ದ ಕನ್ನಡ ಪರೀಕ್ಷೆಗ್ ಪರತ್ ಪ್ರಶ್ನೆ ಪತ್ರಿಕೆನ್ ಕೊರ್ದು ಎಡವಟ್ಟ್ ಮಲ್ತಿ ಬೊಕ್ಕ ಪರೀಕ್ಷೆನ್ ದುಂಬುಗು ದೀತೆರ್.

ಈ ಬಗೆಟ್ ವಿವಿ ವ್ಯಾಪ್ತಿದ ೩೪ರ್‍ದ್ ಎಚ್ಚ ಕಾಲೇಜ್‌ಡ್ ಪರೀಕ್ಷೆನ್ ದುಂಬು ದೀತೆರ್. ಬಿಬಿಎ ರಡ್ಡನೇ ಸೆಮಿಸ್ಟರ್ ಪರೀಕ್ಷೆಗ್ ಒಂಜನೇ ಸೆಮಿಸ್ಟರ್ ದ ಪ್ರಶ್ನೆಪತ್ರಿಕೆನ್ ಕೊರ್ದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾಸ್ರೋಡ್: ಕಡಲ್ ಗ್ ಲಾಗಿನ ಅಪ್ಪೆ, ಅರೆನ ಮೂಜಿ ಜೋಕುಲೆನ್ ಬಚಾವ್ ಮಲ್ದಿನ ಜನಕುಲು

Sep 6, 2022

ಕಾಸ್ರೋಡ್: ಕಡಲ್‌ಗ್ ಲಾಗಿದ್ ಆತ್ಮಹತ್ಯೆ ಮಲ್ಪರೆ ಪ್ರಯತ್ನ ಮಲ್ತಿನ ಅಪ್ಪೆ ಅಂಚನೆ ಮೂಜಿ ಜೋಕುಲೆನ್ ಜನಕುಲು ಅಂಚನೆ ಪೊಲೀಸೆರ್ ರಕ್ಷಣೆ ಮಲ್ತಿನ ಘಟನೆ ಬೇಕಲ ಠಾಣಾ ವ್ಯಾಪ್ತಿದ ಚೆಂಬರಿಕಡ್ ನಡತ್‌ದ್ಂಡ್.

ಇಲ್ಲಡ್ ಜೋಕುಲ್ ಬೊಕ್ಕ ಅಪ್ಪೆ ನಾಪತ್ತೆ ಆದಿತ್ತ್‌ದ್, ಮಾಹಿತಿ ತೆರಿನಗ ಅಕುಲು ರಿಕ್ಷಾಡ್ ಚೆಂಬರಿಕೆ ಕಡಲ್ ಬರಿಕ್ ಪೋದಿತ್ತೆರ್ ಪಂದ್ ಆಟೋ ಡ್ರೈವರ್ ಪಂಡೆರ್. ಅಪಗನೆ ಪೊಲೀಸೆರ್ ಕಡಲ್ ಡ್ ರಕ್ಷಣಾ ಕಾರ್ಯಾಚರಣೆ ಮಲ್ತ್ ದ್ ಪೊಂಜೊವು ಬೊಕ್ಕ ಮೂಜಿ ಜೋಕುಲೆನ್ ಒರಿಪಾವುನಲ್ಪ ಯಶಸ್ವಿಯಾತೆರ್.

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ಸಂಘದ 2021-22ನೇ ಸಾಲ್‌ದ ವಾರ್ಷಿಕ ಮಹಾಸಭೆ

Sep 6, 2022

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ಸಂಘದ 2021-22 ನೇ ಸಾಲ್‌ದ ವಾರ್ಷಿಕ ಮಹಾಸಭೆ ಆ. 28 ತಾರೀಕ್‌ಗ್ ಸಂಘದ ಅಧ್ಯಕ್ಷೆರ್ ಆಯಿನ ಬಿ.ಎಂ.ರಾಜಗೋಪಾಲ್ ಮೆರೆನ ಅಧ್ಯಕ್ಷತೆಡ್ ಕರ್ನಾಟಕ ರಾಜ್ಯ ಸರಕಾರಿ ನೌಕರೆರ್‍ನ ಸಂಘದ ನಂದಿನಿ ಸಭಾಂಗಣಡ್ ನಡತ್ಂಡ್. ಉಂದುವೇ ಪೊರ್ತುಡು 75 ವರ್ಷ ಅಯಿನ ಸಂಘದ ಪೆರಿಯ ಸದಸ್ಯೆರೆನ್ ಮಾನಾದಿಗೆ ಮಲ್ತೆರ್.

ಲೇಸ್ ಗ್ ಮಲ್ಲ ಬಿನ್ನೆರಾದ್ ರಾಮದಾಸ್ ಗೌಡ ಎಸ್. ನಿವೃತ್ತ ಪೊಲೀಸ್ ಅಧೀಕ್ಷಕೆರ್ ಕೆ.ಎಸ್.ಆರ್.ಪಿ. ಕುಡ್ಲ ಮೇರ್ ಬತ್ತಿತ್ತೆರ್. ಸಂಘದ ಗೌರವಾಧ್ಯಕ್ಷೆರ್ ಡಾ.ಯು. ಸೂರ್ಯನಾರಾಯಣ ಮಯ್ಯ, ಉಪಾಧ್ಯಕ್ಷೆರ್ ಬಿ. ಉಮೇಶ್ ಕುಮಾರ್ ಬೊಕ್ಕ ಎಸ್. ರಾಮಚಂದ್ರ, ಪ್ರಧಾನ ಕಾರ್ಯದರ್ಶಿ ಎನ್. ರಾಮಚಂದ್ರ ಭಟ್, ಜೊತೆ ಕಾರ್ಯದರ್ಶಿ ಹೆರಾಲ್ಡ್ ಫ್ರಾಂಕ್, ಕೋಶಾಧಿಕಾರಿ ಮೋಹನ್ ಕುಮಾರ್ ನಂಬಿಯಾರ್, ಕಾರ್ಯಕಾರಿ ಸಮಿತಿ ಸದಸ್ಯೆರ್ ಆಯಿನ ಎನ್. ಸೀತಾರಾಮ, ಕೆ. ರಾಮರಾವ್, ಬಿ. ಕೃಷ್ಣಮೂರ್ತಿ, ಅನಂತರಾಮ ಹೇರಳೆ, ಎಂ. ದಿವಾಕರ, ಅನಂತಕೃಷ್ಣ ನಾಯ್ಕ್, ರಘುವೀರ ಭಂಡಾರಿ, ಕೆ.ಎನ್.ರಮೇಶ್, ಮಾಲತಿ ಶೆಣೈ, ಜಲಜಾಕ್ಷಿ ಕುಲಾಲ್ ಪಿ., ಎಂ.ಎಲ್. ಜಯಂತಿ, ಲಲಿತಾ ಶೆಟ್ಟಿ, ರತ್ನ ಲೇಸ್ ಡ್ ಇತ್ತೆರ್.

ಸಂಘದ ಉಪಾಧ್ಯಕ್ಷೆರ್ ಎಸ್. ರಾಮಚಂದ್ರ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಜಲಜಾಕ್ಷಿ ಕುಲಾಲ್ ಪಿ. ಲೇಸ್ ಸುದಾರಿಕೆ ಮಲ್ತೆರ್. ಎಂ. ದಿವಾಕರ ಸೊಲ್ಮೆ ಸಂದೈತ ಮಲ್ತೆರ್.

ಕುಡ್ಲ: ಸೆ.8ಗ್ ಸೂಪರ್‌ಹಿಟ್ ತುಳು ಪಿಚ್ಚರ್ “ರಾಜ್ ಸೌಂಡ್ಸ್ & ಲೈಟ್ಸ್” ದ 100 ದಿನತ್ತ ಗೌಜಿ

Sep 6, 2022

ಕುಡ್ಲ: ರಾಹುಲ್ ಅಮೀನ್ ನಿರ್ದೇಶನದ ತುಳು ಚಿತ್ರ ರಾಜ್ ಸೌಂಡ್ಸ್ & ಲೈಟ್ಸ್ ತನ್ನ 100 ದಿನತ್ತ ಸಂಭ್ರಮನ್ ಸೆ.8 ತಾರೀಕ್ ಗ್ ಬಯ್ಯ 5 ಗಂಟೆಗ್ ಕುಡ್ಲದ ಟೌನ್‌ಹಾಲ್‌ಡ್ ಭಾರೀ ಗೌಜಿಡ್ ನಡಪರೆ ಉಂಡು. ಅಂಚನೆ ಆನಿ ಪೊಸ ಪಿಚ್ಚರ್‌ದ ಪುದರ್‌ನ್‌ಲ ಘೋಷಣೆ ಮಲ್ಪರೆ ಉಲ್ಲ ಪಂದ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ಪಿಚ್ಚರ್‌ದ ನಾಯಕೆ ನಟೆ ವಿನಿತ್ ಕುಮಾರ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ರಾಜ್ ಸೌಂಡ್ಸ್ & ಲೈಟ್ಸ್ ಪಿಚ್ಚರ್‌ದ ಯಶಸ್ಸ್‌ಗ್ ಕಾರಣ ಆತಿನ ಮಸ್ತ್ ಜನಕ್ಕ ಆನಿ ಮಾನಾದಿಗೆ ಮಲ್ಪರೆ ಉಂಡು. ಈ ಪಿಚ್ಚರ್ ಒಂಜಿ ಸಂಪೂರ್ಣವಾದ್ ಕಾಮಿಡಿ ಅಂಚನೆ ಕುಟುಂಬದಕುಲು ಕುಲ್ದು ತೂಪಿನ ಪಿಚ್ಚರ್ ಆತ್ಂಡ್. ಆನಂದ್ ಎನ್ ಕುಂಪಲ ಈ ಪಿಚ್ಚರ್ ನ್ ನಿರ್ಮಾಣ ಮಲ್ತ್ ದೆರ್. ಅಂಚನೆ ಬಿ ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ-ನಿರ್ಮಾಣ ಮಲ್ತ್ ದೆರ್ ಪಂದ್ ಪಂಡೆರ್.

ಈ ಪಿಚ್ಚರ್ ದ ನಿರ್ದೇಶಕೆರ್ ಆಯಿನ ರಾಹುಲ್ ಅಮೀನ್ ಪಾತೆರ್ದ್, ಈ ಪಿಚ್ಚರ್ 100 ದಿನ ಬಲ್ತ್‌ದ್ಂಡ್. ಉಂದೆಕ್ಕಾದ್ ಯಂಕುಲೆಗ್ ಸಕಾರ ಮಲ್ತಿನ ಮಾತೆರೆಗ್ಲಾ ಸೊಲ್ಮೆ ಸಂದೈತ ಮಲ್ಪುವ. ನನ ದುಂಬು ಬರ್ಪಿನ ನಮ್ಮ ಪೊಸ ಪಿಚ್ಚರ್ ಗ್ ಇಂಚನೆ ಸಾಕಾರ ಕೊರ್ಲೆ ಪಂದ್ ಪಂಡೆರ್.

ಪಿಚ್ಚರ್ ಡ್ ವಿನೀತ್ ಕುಮಾರ್, ಯಶ ಶಿವಕುಮಾರ್, ಅರವಿಂದ್ ಬೋಳಾರ್, ಕರಿಷ್ಮಾ ಅಮೀನ್, ಭೋಜರಾಜ್ ವಾಮಂಜೂರು, ನವೀನ್ ಡಿ ಪಡೀಲ್, ಪ್ರಸನ್ನ ಶೆಟ್ಟಿ ಬೈಲೂರು, ಚೈತ್ರಾ ಶೆಟ್ಟಿ, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ರೂಪ ವರ್ಕಾಡಿ, ಮೆರ್ವಿನ್ ಶಿರ್ವ, ನಮಿತ್ ಕುಳೂರ್ ಅಂಚನೆ ಮಸ್ತ್ ಜನ ನಟನೆ ಮಲ್ತ್‌ದೆರ್.

ರಾಜ್ ಸೌಂಡ್ಸ್ & ಲೈಟ್ಸ್ ಆಸ್ಟ್ರೇಲಿಯಾ, ಕೆನಡಾ, ಒಮನ್, ಕುವೈತ್, ಬಹ್ರೇನ್ ಬೊಕ್ಕ ಸೌದಿ ಅರೇಬಿಯಾಡ್‌ಲ ಬುಡುಗಡೆ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರ್‍ದ್ ಕಡಬಗ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು

Sep 6, 2022

ಪುತ್ತೂರ್: ಪುತ್ತೂರ್‍ದ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು ಮೆರೆನ್ ಕಡಬ ತಾಲೂಕ್‌ಗ್ ವರ್ಗಾವಣೆ ಮಲ್ತ್‌ದೆರ್ ಪಂದ್ ತೆರಿದ್ ಬೈದ್ಂಡ್.

2020ಟ್ ರಮೇಶ್ ಬಾಬು ಮೇರ್ ಮೈಸೂರ್‍ದ್ ದ್ ಪುತ್ತೂರ್ ತಹಶೀಲ್ದಾರ ಆದ್ ಜೂನ್ ತಿಂಗೊಲ್ಡ್ ವರ್ಗಾವಣೆ ಆದಿತ್ತೆರ್. ಇತ್ತೆ ಕಡಬ ತಹಶೀಲ್ದಾರ ಆದ್ ವರ್ಗಾವಣೆ ಆತೆರ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಸರಕಾರದ ಆದೇಶ ಪತ್ರ ಬರಿಯರೆ ಮಾತ್ರ ಬಾಕಿ.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ದಕ್ಷಿಣ ಕನ್ನಡ ಬೊಕ್ಕ ಕೊಡಗು ಜಿಲ್ಲೆದ ರಾಷ್ಟ್ರೀಯ ಹೆದ್ದಾರಿ ವಿಭಾಗ ತಾನೊಗ್ ಆಯ್ಕೆಯಾಯಿನ ಶಿವಪ್ರಸಾದ್ ಅಜಿಲೆರ್

Sep 6, 2022

ದಕ್ಷಿಣ ಕನ್ನಡ ಬೊಕ್ಕ ಕೊಡಗು ಜಿಲ್ಲೆದ ರಾಷ್ಟ್ರೀಯ ಹೆದ್ದಾರಿ ವಿಭಾಗ ತಾನೊಗ್ ಆಳದಂಗಡಿ ಶ್ರೀ ಸತ್ಯದೇವತೆ ದೈವಸ್ಥಾನದ ಆಡಳಿತದಾರೆರ್ ಅಯಿನ ಶಿವಪ್ರಸಾದ್ ಅಜಿಲೆರ್ ಆಯ್ಕೆಯಾತೆರ್.

ಮೇರ್ ಆಳದಂಗಡಿ ಸೀಮೆದ ಅರಸೆರ್ ಆಯಿನ ಡಾ ಪದ್ಮಪ್ರಸಾದ್ ಅಜಿಲೆರ್‍ನ ಮೆಗ್ಯೆ ಅಂಚನೆ 1008 ಶ್ರೀ ಆದಿನಾಥ ಸ್ವಾಮಿ ಪೊಸ ಬಸದಿದ ಗೌರವ ಸಲಹೆಗಾರೆರ್ ಆತೆರ್.

DK and Kodagu district NH division- Shivaprasad Ajila promoted as Executive Engineer

Shivaprasad Ajila has been promoted as Executive Engineer NH division, DK district and Kodagu. He is also the managing trustee of Sri Satyadevatha Daivastana,Aladangady.

2023ನೇ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಉಂತುನು ಏರ್ ??

Sep 6, 2022

2023ನೇ ಇಸ್ವಿಡ್ ನಡಪರೆ ಉಪ್ಪುನ ವಿಧಾನಸಭಾ ಕ್ಷೇತ್ರದ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಏರ್ ಉಂತುವೆರ್ ಪನ್ಪಿನ ಪ್ರಶ್ನೆ ಮಾತ ಜನಕ್ಲೆನ ಮನಸ್ಸ್‌ಡ್ ಬಲ್ತೊಂದು ಉಂಡು. ಪುತ್ತೂರ್ ವಿಧಾನ ಸಭಾ ಕ್ಷೇತ್ರಡ್ ಬಿಜೆಪಿ ಏಪಲ ಗೆಂದುನ ತಾನೊಡು ಉಂಡು. ಬಿಜೆಪಿದ ಹಾಲಿ ಶಾಸಕೆರ್ ಸಂಜೀವ ಮಠಂದೂರು, ಉದ್ಯಮಿ ಆಶೋಕ್ ರೈ ಅಂಚನೆ ಹಿಂದೂ ಸಂಘಟನೆದ ಮುಖಂಡೆರ್ ಆಯಿನ ಅರುಣ್ ಕುಮಾರ್ ಪುತ್ತಿಲ ಮೊಕ್ಲೆಡ್ ಒರಿ ಏರಡಲ ಈ ಸರ್ತಿ ಬಿಜೆಪಿರ್ದ್ ವೋಟುಗ್ ಉಂತುವೆರ್ ಪನ್ಪಿನ ನಿರೀಕ್ಷೆ ಉಂಡು.

2018 ನೇ ಇಸ್ವಿಡ್ ನ್ಯಾಯಯುತ ವಾದ್ ಟಿಕೆಟ್ ತಿಕ್ಕೊಡಾಯಿನವ್ ಅರುಣ್ ಕುಮಾರ್ ಪುತ್ತಿಲ ಮೆರೆಗ್. ದಾಯೆ ಪಂಡ ಹಿಂದೂ ಸಂಘಟನೆಡ್ ದುಂಬುರ್ದ್ ಲ ಬೇಲೆನ್ ಮಲ್ತೊಂದು ಬೈದಿನಾರ್. ಆಂಡ ಅವ್ ಸಂಜೀವ ಮಠಂದೂರು ಮೆರೆನ ಪಾಲ್‌ಗ್ ಒಲಿದಿತ್ತ್ಂಡ್. ಅರುಣ್ ಮೇರ್ ಇತ್ತೆಲ ಹಿಂದೂ ಸಂಘಟನೆದ ಕೊಡಿನ್ ಪತ್ತೊಂದು ಸಂಘಟನೆದ ಪರವಾಯಿನ ಬೇಲೆಡ್ ಪಾಲ್ ಪಡೆಯೊಂದು ಉಲ್ಲೆರ್. ಈ ಸರ್ತಿಯಾಂಡಲ ಅರೆಗ್ ಟಿಕೆಟ್ ತಿಕ್ಕು ಪನ್ಪಿನ ನಿರೀಕ್ಷೆಡ್ ಉಲ್ಲೆರ್.

ನನ ಕಾಂಗ್ರೆಸ್ ಡ್ ಮಾಜಿ ಶಾಸಕಿ ಶಕುಂತಲ ಶೆಟ್ಟಿ, ಕಾಂಗ್ರೆಸ್ ಮುಖಂಡೆರ್ ಕಾವು ಹೇಮನಾಥ್ ಶೆಟ್ಟಿ, ಕಾಂಗ್ರೆಸ್ ನಾಯಕಿ ದಿವ್ಯಪ್ರಭಾ ಚಿಲ್ತಡ್ಕ ವೋಟುಗ್ ಟಿಕೆಟ್ ತಿಕ್ಕುನ ನಿರೀಕ್ಷೆ ಉಂಡು.

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

September 6, 2022

ಉಳ್ಳಾಲ: ತಾರಾಯಿ ದೆಪ್ಪುನಗ ಪಿಲಿ ಕುಂಡೆಲ್ ಹಾಕ್ ದ್ ಮೂಜಿ ಜನಕ್ಕ್ ಪೆಟ್ಟ್

ಭಾರತೀಯ ಕ್ರಿಕೆಟ್ ಗ್ ವಿದಾಯ ಪಂಡೆರ್ ಸುರೇಶ್ ರೈನಾ

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಕುಡ್ಲ: ಬಿಬಿಎ 2ನೇ ಸೆಮಿಸ್ಟರ್ ಪರೀಕ್ಷೆಗ್ 1ನೇ ಸೆಮಿಸ್ಟರ್ ದ ಪ್ರಶ್ನೆಪತ್ರಿಕೆ

ಕಾಸ್ರೋಡ್: ಕಡಲ್ ಗ್ ಲಾಗಿನ ಅಪ್ಪೆ, ಅರೆನ ಮೂಜಿ ಜೋಕುಲೆನ್ ಬಚಾವ್ ಮಲ್ದಿನ ಜನಕುಲು

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ಸಂಘದ 2021-22ನೇ ಸಾಲ್‌ದ ವಾರ್ಷಿಕ ಮಹಾಸಭೆ

ಕುಡ್ಲ: ಸೆ.8ಗ್ ಸೂಪರ್‌ಹಿಟ್ ತುಳು ಪಿಚ್ಚರ್ “ರಾಜ್ ಸೌಂಡ್ಸ್ & ಲೈಟ್ಸ್” ದ 100 ದಿನತ್ತ ಗೌಜಿ

ಪುತ್ತೂರ್‍ದ್ ಕಡಬಗ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು

ದಕ್ಷಿಣ ಕನ್ನಡ ಬೊಕ್ಕ ಕೊಡಗು ಜಿಲ್ಲೆದ ರಾಷ್ಟ್ರೀಯ ಹೆದ್ದಾರಿ ವಿಭಾಗ ತಾನೊಗ್ ಆಯ್ಕೆಯಾಯಿನ ಶಿವಪ್ರಸಾದ್ ಅಜಿಲೆರ್

2023ನೇ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಉಂತುನು ಏರ್ ??

You Missed

ಹೋಟೆಲ್ ಗ್ಯಾಸ್‌ದ ರೇಟ್‌ಡ್ 183.50 ರೂ. ಕಮ್ಮಿ

ಇಲ್ಲ್‌ದ ಮಿತ್ತ್ ಗೋಡೆ ಮಗ್‌ರ್ದ್ 3 ಜನ ಸಾವು

“ಕೃಷ್ಣಣ್ಣ ಬೇಗ ಬಲೆ” ನಾಟಕದ ಮೂರ್ತ

ತುಳುವ ಮಹಾಸಭೆ ಇಂಟರ್ ನ್ಯಾಷನಲ್‌ದ ಗುರ್ಕಾರೆ ಆದ್ ಸರ್ವೋತ್ತಮ ಶೆಟ್ಟಿ ಆಯ್ಕೆ