ಇಷ್ಟಾರ್ಥ ಸಿದ್ಧಿಮಲ್ಪುನ ಮಾಮಲ್ಲ ದೈವ ಪಂಚಧೂಮಾವತಿ ನೆಲೆ ಆತಿನ ಶಕ್ತಿದ ಕೇಂದ್ರ ತೋನ್ಸೆ ಗರೋಡಿ
ಬಡಕಾಯಿ ಬಾರ್ಕೂರುರ್ದು ತೆನ್ಕಾಯಿ ನೀಲೇಶ್ವರ ಗಡಿ ಮುಟ್ಟ, ಮೂಡಾಯಿ ಘಟ್ಟೊಡ್ದು ಪಡ್ಡಾಯಿ ಕಡಲಬರಿ ಮುಟ್ಟ, ಪರಶುರಾಮನ ಕುಡರಿಗ್ ಪುಟ್ಟಿನ ನಾಗನಡೆತ ಪಂಚವರ್ಣದ ಪುಣ್ಯ ಭೂಮಿಡ್ ಅಪ್ಪೆ ದೇಯಿ ಬೈದೆದಿನ ಪುಣ್ಯಗರ್ಭೊಡು ಪುಟ್ಟಿನ ಅಮರ್ ಬೊಳ್ಳಿಲು ಕೋಟಿ ಚೆನ್ನಯೆರ್ ವಿದ್ಯೆ ಕಲ್ತ್ ದಿನ ಇತಿಹಾಸ ಪ್ರಸಿದ್ದ 66 ಗರೋಡಿಲೆಡ್ ಒಂಜಾಯಿನ, ಬಡಕಾಯಿದ ಕುಕ್ಕುಡೆ ಗರೋಡಿಡ್ ಅವಳಿವೀರೆರೆನ ಆವೇಶೊಡು ಪಾರಾಯಿನ ಕಲ್ಪವೃಕ್ಷದ ತಾರಾಯಿ ಬತ್ತ್ ದ್ ಬೂರ್ದಿನ ಪುಣ್ಯಭೂಮಿಯೇ ಕುದುರೆ ಬಾಕ್ಯಾರ್ ದ ತೋನ್ಸೆ ಗರೋಡಿಲಾ ಒಂಜಿ ಆದುಂಡು. ಅನಾದಿಕಾಲದ ರಾಜಮನೆತನದ ಅಂಗರಕ್ಷಕೆರಾಯಿನ ಬಿರು ಪಗರಿಡ್ ಪುಗರ್ತೆ ಪಡೆದಿನ ನಮ ಬಿರ್ವೆರ್ ಲ, ಅಪ್ಪೆ ದೇಯಿ ಬೈದೆದಿನ ನಾಟಿ ವಿದ್ಯೆನ್ ಕಲ್ತ್ ದ್ ಬೈದ್ಯೆರ್ ಅತಿನವು ಇತಿಹಾಸನೇ ಪನ್ಪುಂಡು.
ಆಂಚಿತ್ತಿನ ಬಿರ್ವೆರೆನ ಗುರ್ಕಾರ್ಮೆಡ್ ನಡತೊಂದು ಇಪ್ಪುನ ತೋನ್ಸೆ ಶ್ರೀ ಬ್ರಹ್ಮ ಬೈದರ್ಕಳ ಪಂಚ ಧೂಮಾವತಿ ಗರೋಡಿಗ್ 21 ಗುರ್ಕಾರೆರ್ 1800 ಬಿರ್ವೆರ್ ಇಲ್ಲ್ , 5 ಗ್ರಾಮದ ಮಹಾಮಲ್ಲ ಸೀಮೆ ನಮ್ಮವು. ನಂಬಿನಕಲೆಗ್ ಇಂಬು ಕೊರ್ಪಿನ ಅಂಚೆನೆ ಸತ್ಯ ಗೆಂದಾದ್ ಕೊರ್ಪಿನ ಬ್ರಹ್ಮ ಬೈದೇರ್ಲು ಬೊಕ್ಕ 5 ಗ್ರಾಮದ ಭಕ್ತೆರೆನ ಇಷ್ಟಾರ್ಥ ಸಿದ್ಧಿ ಮಲ್ಪುನ ಮಾಮಲ್ಲ ದೈವ ಪಂಚ ಧೂಮಾವತಿ ನೆಲೆ ಆತಿನ ಶಕ್ತಿದ ಕೇಂದ್ರನೇ ನಮ್ಮ ತೋನ್ಸೆ ಗರೋಡಿ.
ತೋನ್ಸೆ ಗರೋಡಿದ ಅಭಿವೃದ್ಧಿಗಾದ್ ಸಂಘಟನೆಯಿಂದ ಬಲಯುತರಾಗಿ ಪಂದ್ ಪಂತಿನ ಬ್ರಹ್ಮ ಶ್ರೀ ನಾರಾಯಣ ಗುರುಕುಲೆನ ಸಂದೇಶದ ಲೆಕನೆ ಬೊಂಬಯಿದ ಕರ್ಮ ಭೂಮಿಡ್ ಊರುದ ಶ್ರೀ ಬ್ರಹ್ಮ ಬೈದರ್ಕಳ ಪಂಚ ಧೂಮಾವತಿ ಗರೋಡಿ ಅಭಿವೃದ್ದಿ ಸಮಿತಿದ ಆನಿದ ಅಧ್ಯಕ್ಷೆರಾದಿತ್ತಿನ ಜನಾರ್ದನ ತೋನ್ಸೆ ಮೆರೆನ ಅನುಮತಿಡ್ ನಮ ಮಾತೆರೆಗ್ಲ ಹೆರಿಯೆರಾಯಿನ ತೋನ್ಸೆ ಗರೋಡಿದ ಲೆಪ್ಪು ಗುಕಾರ್ಲು ಶಂಕರ್ ಸುವರ್ಣೆರೆನ ಕಾರ್ಯದಕ್ಷತೆಡ್ ಸಂಘಟನಾ ಚತುರೆ, ಮುಂಬಯಿ ಮಹಾನಗರೊಡು ಪುಗಾರ್ತೆ ಪಡೆದಿನ ಬಿಲ್ಲವೆರೆನ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರಾಯಿನ, ನಿತ್ಯಾನಂದ ಡಿ. ಕೋಟ್ಯಾನ್ ಮೆರೆನ ಘನ ಅಧ್ಯಕ್ಷತೆಡ್ 200 ಜನ ಸದಸ್ಯೆರ್, ಬೊಕ್ಕ ಮಹಾದಾನಿಲೆನ ಸಹಕಾರೋಡು 2008 ನೇ ಇಸ್ವಿಡ್ ಸುರುಆಯಿನ ಶ್ರೀ ಬ್ರಹ್ಮಬೈದರ್ಕಳ ಪಂಚ ಧೂಮಾವತಿ ಗರೋಡಿ ಮುಂಬಯಿ ಸಮಿತಿ ರಚನೆ ಆತಿನ ಮಾತೆರೆಗ್ ಲ ತೆರಿದಿನ ವಿಷಯ.
ಗುರು ಹೆರಿಯೆರೆನ ಮಾರ್ಗದರ್ಶನೋಡು ಸದಸ್ಯ ಭಾಂದವೆರೆನ ಉಪಸ್ಥಿತಿ ಟ್ಟ್ ತಯಾರಾಯಿನ ಕಾರ್ಯಕಾರಿ ಸಮಿತಿ, ಸೂಕ್ತ ಸಲಹೆ ಸೂಚನೆ ಕೊರ್ಪಿನ ಸಲಹಾ ಸಮಿತಿಡ್ – ಶಂಕರ್ ಸುವರ್ಣೆರ್, ವಿಠ್ಠಲ್ ಸಿ.ಪೂಜಾರಿ, ಮುತ್ತಪ್ಪ ಕೋಟ್ಯಾನ್, ಸೋಮ ಸುವರ್ಣೆರ್ , ವಿದ್ಯಾ ಉಪ ಸಮಿತಿಡ್ ವಿಶ್ವನಾಥ್ ಆರ್ ತೋನ್ಸೆ, ರವಿರಾಜ್ ಕಲ್ಯಾಣಪುರ, ಭಾರತಿ ಸುವರ್ಣೆರ್, ಅಂಚೆನೆ ಮಹಿಳಾ ಸಮಿತಿಡ್, ಲಕ್ಷ್ಮಿ ಡಿ.ಅಂಚನ್, ಭಾರತಿ ಸುವರ್ಣ, ಕಸ್ತೂರಿ ಆರ್. ಕಲ್ಯಾಣ ಪುರ, ಮೃದುಲಾ ಅರುಣ್ ಕೋಟ್ಯಾನ್ ಬೊಕ್ಕ ಸಾಂಸ್ಕೃತಿಕ ಸಮಿತಿಗ್ ವಿಠ್ಠಲ್ ಎಸ್ ಪೂಜಾರಿ, ಉದಯ ಎನ್ ಪೂಜಾರಿ ಸೇರ್ದ್ ರಚನೆ ಮಲ್ತುದ್ ಊರುದ ಗರೋಡಿಗ್, ಗೆಜ್ಜೆಗಿರಿ ಕ್ಷೇತ್ರ ಗು, ವಿದ್ಯಾರ್ಥಿ ವೇತನ, ವೈದ್ಯಕೀಯ ಸಹಾಯ ಮಲ್ತೊಂದು ಇತ್ತುದು 2018 ನೇ ವರ್ಸೊಡು ಮಹಾರಾಷ್ಟ್ರ ಸರಕಾರದ ರಿಜಿಸ್ಟ್ರೇಷನ್ ಆಕ್ಟ್ ಪ್ರಕಾರ, ನಿತ್ಯಾನಂದ ಡಿ. ಕೋಟ್ಯಾನ್, ಡಿ. ಬಿ.ಅಮೀನ್, ಸಿ ಕೆ.ಪೂಜಾರಿ, ವಿಶ್ವನಾಥ್ ಆರ್.ತೋನ್ಸೆ, ಸಂಜೀವ ಪೂಜಾರಿ ತೋನ್ಸೆ, ರವಿರಾಜ್ ಕಲ್ಯಾಣ್ ಪುರ, ಕರುಣಾಕರ್ ಬಿ.ಪೂಜಾರಿ, ವಿಜಯ್ ಸನಿಲ್, ಅಶೋಕ್ ಎಂ. ಕೋಟ್ಯಾನ್, ಆನಂದ್ ಜತ್ತಣ್, ವಿಠ್ಠಲ್ ಎಸ್.ಪೂಜಾರಿ, ರೂಪ್ ಕುಮಾರ್ ಕಲ್ಯಾಣ ಪುರ, ಸುರೇಶ್ ಅಂಚನ್, ಸದಾನಂದ ಬಿ. ಪೂಜಾರಿ, ವಿಜಯ್ ಪಾಲನ್, ಕೃಷ್ಣ ಪಾಲನ್, ಬೊಕ್ಕ ಉದಯ ಎನ್ ಪೂಜಾರಿ, ಒಟ್ಟುಗು 17 ಜನ ವಿಸ್ವಸ್ತೆರೆನ್ ಸೇರಾದ್ ತೋನ್ಸೆ ಶ್ರೀ ಬ್ರಹ್ಮ ಬೈದರ್ಕಳ ಪಂಚ ಧೂಮಾವತಿ ಗರೋಡಿ ಸೇವಾ ಟ್ರಸ್ಟ್ ಮುಂಬೈ (ರಿ)1856/2018 ಜಣ 28/೦8/2018 ಗು ನೋಂದಣಿ ಆದಿತ್ತ್ ದ್, ನಿಕುಲು ಮಾತಾ ಸದಸ್ಯರೆನ ಸಾಕಾರೊಡು 4 ವರ್ಷ ಕರಿದ್ 5ನೇ ವರ್ಸೊಗು ಪಾದಾರ್ಪಣೆ ಮಲ್ತೊಂದುಂಡು ಪನಿಯರೆಗ್ ಬಾರಿ ಸಂತೋಷ ಆಪುಂಡು.
ಆಂಡಲಾ2019 ಡ್ದು 2021 ಮುಟ್ಟ ಇಡೀ ಜಗತ್ತಿಗೇ ಬೈದಿನ ಮಹಾಮಾರಿ ಕೊರೋನದ ಕಾರನೊಡು ವೋವೆ ಒಂಜಿ ನಿಧಿ ಸಂಗ್ರಹ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ಮಲ್ಪರೆಗ್ ಆತುಜಿಡಲಾ 2021 ಟ್ಟ್ ಸದಸ್ಯ ಬಾಂಧವೆರೆನ ಜೋಕುಲೆಗ್ ವಿದ್ಯಾರ್ಥಿವೇತನ ಬೊಕ್ಕ ಸೌಕ್ಯ ದಾಂತಿನ ಶಂಕರ ಪಂಬದೇರು ಬೊಕ್ಕ ಕಂಬಳ ಬರಿತ್ತ ರೇಣುಕಾ ಸದಾಶಿವ ಪೂಜಾರಿಲೆಗ್ ವೈದ್ಯಕೀಯ ಸಹಾಯ ಮಲ್ಪರೆ ಗ್ ನಮ್ಮ ಸೇವಾ ಟ್ರಸ್ಟ್ ದ ಟ್ರಸ್ಟಿಲು ಬೊಕ್ಕ ಸದಸ್ಯ ಬಾಂದವೆರೆನ, ಸಹಕಾರೊಡು ನಿರೀಕ್ಷೆ ಡ್ ಲ ಜಾಸ್ತಿ ದೇಣಿಗೆ ಸಂಗ್ರಹ ಆತುಂಡ್, ಅತ್ತವಂದೆ ಈ ವರ್ಸಲಾ ಸದಸ್ಯೆರೆನ ಸಹಕಾರ ತಿಕ್ಕೊಂದುಂಡು ಪನಿಯರೆಗ್ ಕುಷಿ ಆವೊಂದುಂಡು. ಈ ವರ್ಷದ ಆಕೇರಿಗ್ ತೋನ್ಸೆದ ಗಣ್ಯ ವ್ಯಕ್ತಿ ಲೆಗ್ ಸಮ್ಮಾನ ಮಲ್ಪರೆಗಾತ್ರ ಮಲ್ಲ ಸಾಂಸ್ಕೃತಿಕ ಕಾರ್ಯಕ್ರಮ ಮಲ್ಪರೆ ಉಲ್ಲ.
ಈ ಮಾತಾ ಕಾರ್ಯಕ್ರಮೊಕು ನಿಕುಲು ಮಾತೆರ್ಲ ಬತ್ತ್ದ್ ಆಶೀರ್ವಾದ ಬೊಕ್ಕ ದೈವ ದೇವೇರೆನ ಅನುಗ್ರಹ ಉಪ್ಪಡ್ ಪಂದ್ ನಟೋನುನ, ಕಾರ್ಯಕಾರಿ ಸಮಿತಿದ ಅಧ್ಯಕ್ಷೆರು, ನಿತ್ಯಾನಂದ ಡಿ ಕೋಟ್ಯಾನ್. ಉಪಾಧ್ಯಕ್ಷೆರಾದುಪ್ಪುನ ಡಿ. ಬಿ.ಅಮೀನ್, ಸಿ. ಕೆ.ಪೂಜಾರಿ, ವಿಶ್ವನಾಥ್ ಅರ್ ತೋನ್ಸೆ. ಗೌ.ಪ್ರ.ಕಾರ್ಯದರ್ಶಿ ಸಂಜೀವ ಪೂಜಾರಿ ತೋನ್ಸೆ. ಜೊತೆ ಕಾರ್ಯದರ್ಶಿ ಕರುಣಾಕರ್ ಪೂಜಾರಿ. ಕೋಷಾದಿಕಾರಿ ರವಿರಾಜ್ ಕಲ್ಯಾಣ ಪುರ , ಜೊತೆ ಕೋಶಾಧಿಕಾರಿ ವಿಜಯ್ ಸನಿಲ್ ಬೊಕ್ಕ ಮಾತಾ ಟ್ರಸ್ಟಿಲು.
