September 1, 2022

ಭಾರಿ ಬರ್ಸ, ಬೊಲ್ಲ : ಬೆಳ್ಳಾರೆ-ಪಂಜ ರೋಡ್ ಬ್ಲಾಕ್

Sep 1, 2022

ಪುತ್ತೂರು : ಭಾರಿ ಬರ್ಸ ಬೊಕ್ಕ ಒರಾನೆ ಬೊಲ್ಲ ಬತ್ತಿನೆರ್ದಾವರ ಬೆಳ್ಳಾರೆ-ಸುಬ್ರಹ್ಮಣ್ಯ ರೋಡ್ ಬ್ಲಾಕ್ ಆತ್ಂಡ್.

ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಸ್ಥಾನ ಎದುರುದ ರೋಡ್ ಡ್ ನೀರ್ ದಿಂಜಿದ್ ಸಂಚಾರ ಅಸ್ತವ್ಯಸ್ತ ಆತ್ಂಡ್. ಬೆಳ್ಳಾರೆರ್ದ್ ಸುಬ್ರಹ್ಮಣ್ಯಗ್ ಪೋಪಿನಕುಲು 50 ಕಿ.ಮೀ. ದೂರ ಮುಟ್ಟ ತಿರ್ಗಾದ್ ಪೋವೊಡು.ಅಂಚಾದ್ ಜನಕ್ಲೆನ್ ಭಾರಿ ತೊಂದರೆ ಆತ್ಂಡ್.

(ವರದಿ : ಸಂತೋಷ್ ಪುತ್ತೂರು)

ನನದ ತುಳುನಾಡ್ ಗ್ ಬೋಡು ಸತ್ಯಣ್ಣನ ನಾಯಕತ್ವ..!! ಎಚ್ಚ ಆವೊಂದುಂಡು ಹಿಂದು ಪರ ಸಂಘಟನೆದ ಕಾರ್ಯಕರ್ತೆರೆನ ಈ ಘೋಷಣೆ

Sep 1, 2022

ನನದ ತುಳುನಾಡ್ ಗ್ ಬೋಡು ಸತ್ಯಣ್ಣನ ನಾಯಕತ್ವ..!!

ಎಚ್ಚ ಆವೊಂದುಂಡು ಹಿಂದು ಪರ ಸಂಘಟನೆದ ಕಾರ್ಯಕರ್ತೆರೆನ ಈ ಘೋಷಣೆ

ಕುಡ್ಲ: ಸತ್ಯಜಿತ್ ಸುರತ್ಕಲ್ ಅಭಿಮಾನಿ ಬಳಗ ಬೊಕ್ಕ ಹಿಂದು ಪರ ಸಂಘಟನೆದ ಕಾರ್ಯಕರ್ತೆರ್‍ನ ಮನಸ್ಸ್‌ಡ್ ಪ್ರತಿ ದಿನ, ಪ್ರತಿ ಕ್ಷಣಲ ಧರ್ಮದ ಒರಿಪುಗಾದ್ ಪೊರ್ಂಬಾಟ ಮಲ್ತಿನ ಸತ್ಯಣ್ಣಗ್ ರಾಜಕೀಯ ಅವಕಾಶ ತಿಕ್ಕಿನೇ ಇಜ್ಜಿ. ರಾಜಕೀಯದ ಕಡೆಕ್ಕ್ ಮೋನೆ ಮಲ್ತ್ಂಡ ನಕಲಿ ನಾಯಕೆರ್‍ನ ಬಣ್ಣ ಬಯಲ್ ಆಪುಂಡು ಪನ್ಪಿನ ಕಾರಣಗೋ ಗೊತ್ತುಜಿ ಏರಾ ಅವಕಾಶನ್ ತಪ್ಪಾವುಲೆಕ್ಕ ಮಲ್ತೊಂದುಲ್ಲೆರ್ ಪನ್ಪಿನ ಪಾತೆರ ಕೇನೊಂದುಂಡು. ಆಂಡ ಇತ್ತೆ ಪೋಸ್ಟ್ ಕಾರ್ಡ್ ಬೊಕ್ಕ ನಮೋ ಕರುನಾಡು ಪನ್ಪಿನವೆನ್ ಎಚ್ಚಾದ್ ವೀಕ್ಷಣೆ ಮಲ್ತೊಂದುಪ್ಪುನ ಹಿಂದು ಪರ ಸಾಮಾಜಿಕ ಜಾಲತಾಣಡ್ ಕಟೀಲ್ ಬದಲ್ ಮಲ್ಪೊಡು, ಹ್ಯಾಶ್ ಟ್ಯಾಗ್ ಕ್ರಿಯೇಟ್ ಮಲ್ಪರೆ ಸುರು ಮಲ್ತ್‌ದಿತ್ತ್‌ದ್ ಉಂದೆತ್ತ ಬೆರಿಟ್ಟೆ ಇತ್ತೆ ತುಳುನಾಡ್ ದ ಹೃದಯ ಸಾಮ್ರಾಟ್ ಪಂದೇ ಪುಗರ್ತೆ ಪಡೆಯಿನ ಸತ್ಯಜಿತ್ ಸುರತ್ಕಲ್ ಮೆರೆಗ್ ದುಂಬುದ ಲೋಕಸಭಾ ಟಿಕೆಟ್ ಪನ್ಪಿನ ಘೋಷಣೆ ಕೇನೊಂದುಂಡು. ಪ್ರಧಾನಿ ಮೋದಿ ಕಾರ್ಯಕ್ರಮಟ್ ಈ ಪಾತೆರ ನನಾತ್ ಎಚ್ಚ ಆಪಿನ ಸಾಧ್ಯತೆ ಉಂಡು.

ಸಾಮಾಜಿಕ ಜಾಲತಾಣಡ್ ಪಸೆರೊಂದು ಇಪ್ಪುನ ಬದಲಾವಣೆದ ಕಾರಣಲು, ತುಳುನಾಡ್ ಗ್ ದಾಯೆ ಬೋಡು “ಸತ್ಯಜಿತ್ ಸುರತ್ಕಲ್”

ಸತ್ಯಣ್ಣ…!! ಈ ಪುದರ್ ತುಳುನಾಡ್‌ದ ಜನಕುಲು ಕೇನಂದಿನಕುಲು ಇಜ್ಜಿ. ತನ್ನ ಕಾರ್ಯರ್‍ದೆ ಮಾತ ಕಾರ್ಯಕರ್ತೆನ ನಂಬುಗೆದ ವ್ಯಕ್ತಿಯಾದ್ ಇನಿ ಉಂತುದೆರ್. ಅವ್ವೆತೊ ನ್ಯಾಯದ ಪರವಾದ್ ಪೊರ್ಂಬಾಟಲು, ನಿದ್ರೆ ಇಜ್ಜಂದೆ ಕಾರ್ಯಕರ್ತೆರೆನ ರಕ್ಷಣೆಗ್ ಉಂತುದಿನ ಉದಾಹರಣೆಲು ಕಣ್ಣ ದುಂಬುಡೇ ಉಂಡು. ಇತ್ತೆದ ತುಳುನಾಡ್ ದ ಕೆಲ ಸಮಸ್ಯೆಲೆಗ್ ಉತ್ತರ ಕೊರಿಯರೆ ಇತ್ತೆದ ಒವ್ವೆ ರಾಜಕೀಯ ನಾಯಕೆರ್ ದುಂಬು ಬರೊಂದಿಜ್ಜೆರ್.

ಸತ್ಯಣ್ಣಗ್ ರಾಜಕೀಯಡ್ ತುಳುನಾಡು ಒಂಜಿ ವೇದಿಕೆನ್ ನಿರ್ಮಾಣ ಮಲ್ತ್‌ದ್ ಕೊರೊಡು. ಇಜ್ಜಿಂಡ ದತ್ತು ದೆತೊಂದಿನ ಕೆಲ ನಾಯಕೆರೆಗ್ ತುಳುನಾಡ್‌ಡ್ ಬಿಲೆನೇ ಇಜ್ಜಂದಿಲೆಕ್ಕ ಆಪುಂಡು. ತುಳುನಾಡ್ ಡ್ ಸಂಘಟನೆ ರ್ದ್ ಒಂಜಿ ಪಕ್ಷ ಉಂತುದಿನವ್. ಪಕ್ಷ ರ್ದ್ ಅತ್ತ್..!!

ಸತ್ಯಜಿತ್ ಸುರತ್ಕಲ್ ಏಪಲ ಪ್ರಚಾರನ್ ಬಯಕ್ ದಿನಾರ್ ಅತ್ತ್. ಅರೆನ ಪೊರ್ಂಬಾಟ, ಧೈರ್ಯದ ಪಾತೆರ ಮಾತೆರ್‍ನಲ ಮನಸ್ಸ್ ನ್ ಗೆಂದ್‌ದ್ಂಡ್. ಕೋಡೆ ಮುರನಿ ಬತ್ತಿನ ಮಸ್ತ್ ನಾಯಕೆರ್ ಇನಿ ಪಕ್ಷಡ್ ಉನ್ನತ ತಾನೊನ್ ಪಡೆತ್ತೆರ್. ಆಂಡ ಸತ್ಯಜಿತ್ ಸುರತ್ಕಲ್ ಮೆರೆನ ಒಟ್ಟುಗ್ ಇತ್ತಿನಕುಲುಲ ಇನಿ ಸಂಸದೆರಾದ್, ಸಚಿವೆರಾದ್ ಗುರ್ತಿಸಾದೆರ್.

ತುಳುನಾಡ್ ದ ಒರಿಪುಗಾದ್ ದುಂಬುದ ವೋಟುಡು ಸತ್ಯಜಿತ್ ಸುರತ್ಕಲ್ ಮೆರೆಗ್ ಬೆಂಬಲ ಕೊರ್ಪಿನವ್ ಎಡ್ಡೆ. ಕೇಂದ್ರದ ಬಿಜೆಪಿ ಸರ್ಕಾರ ಹಿಂದು ಕಾರ್ಯಕರ್ತೆರೆನ ಬುಲಿಪುಗ್ ನನ ಆಂಡಲ ಸ್ಪಂದಿಸಾವೊಡು ಪನ್ಪಿನ ಪಾತೆರ ಮಾತ ಕಡೆರ್ದ್ ಲ ಕೇಂಡ್ ದ್ ಬರೊಂದುಂಡು.

ರಾಜ್ಯದ ಮಸ್ತ್ ಕಡೆಟ್ ಇನಿರ್ದ್ ರಡ್ಡ್ ದಿನ ಭಾರೀ ಬರ್ಸ

Sep 1, 2022

ಬೆಂಗ್ಲೂರ್: ತುಳುನಾಡ್ ಸೇರಿನಂಚನೆ ರಾಜ್ಯದ ಮಸ್ತ್ ಕಡೆಟ್ ಇನಿರ್‍ದ್ ರಡ್ಡ್ ದಿನ ಜೋರು ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್.

ತುಳುನಾಡ್ ಬೊಕ್ಕ ದಕ್ಷಿಣ ಒಳನಾಡು ಬೆಂಗ್ಲೂರ್ ಗ್ರಾಮಾಂತರ, ಚಾಮರಾಜನಗರ, ಹಾಸನ. ಮಂಡ್ಯ, ಕೊಡಗು ಬೊಕ್ಕ ಮೈಸೂರ್‌ಡ್ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಇಲಾಖೆ ಮುನ್ಸೂಚನೆ ಕೊರ್ತುಂಡು.

Heavy rains forecast in the state for the next two days

Bangalore: The weather department has forecast heavy rains in the state including Tulunadu for the next two days. Tulunadu, and south interior Karnataka including Bangalore rural,Chamrajnagar, Hassan, Mandya,Kodagu and Mysore may experience heavy rains.

ಉಬಾರ್: ಭಾರೀ ಬರ್ಸಗ್ ಇಲ್ಲದ ಮಿತ್ತ್ ಬೂರಿನ ತಾರೆ

Sep 1, 2022

ಉಬಾರ್: ಭಾರೀ ಬರ್ಸಗ್ ಇಲ್ಲದ ಮಿತ್ತ್ ತಾರೆ ಬೂರ್ದು ಭಾರಿ ನಷ್ಟ ಆಯಿನ ಘಟನೆ ದರ್ಬೆಡ್ ನಡತ್ಂಡ್.

ಕೋಡೆ ಬಯ್ಯಗ್ ಈ ಭಾಗೊಡ್ ಭಾರೀ ಬರ್ಸ ಬತ್ತ್‌ದಿತ್ತ್‌ದ್, ದರ್ಬೆದ ಸುರೇಶ್ ನಾಯ್ಕ್ ಪನ್ಪಿನರೆನ ಇಲ್ಲದ ಮಿತ್ತ್ ತಾರೆ ಪೊರ್ಕಂಡೆ ಸಮೇತ ಬೂರ್ದುಂಡು. ಈ ಪೊರ್ತುಡು ಇಲ್ಲದಕುಲು ಉಲಯಿ ಇತ್ತ್ ದ್, ದಾಲ ತೊಂದರೆ ಇಜ್ಜಂದೆ ಬಚಾವ್ ಆತೆರ್.

ಕುಡ್ಲ ವಿಶ್ವ ವಿದ್ಯಾನಿಲಯದ ಸುರುತ್ತ ಉಪಕುಲಪತಿ ಪ್ರೊ. ಬಿ. ಶೇಖ್ ತೀರ್ ಪೋಯೆರ್

Sep 1, 2022

ಕುಡ್ಲ: ಕುಡ್ಲ ವಿಶ್ವ ವಿದ್ಯಾನಿಲಯದ ಸುರುತ್ತ ಉಪಕುಲಪತಿ ಪ್ರೊ. ಬಿ. ಶೇಖ್ (98) ಇನಿ ಮೈಸೂರ್ ಡ್ ತೀರ್ ಪೋಯೆರ್.

ಮೈಸೂರ್ ದ ಸರಸ್ವತಿಪುರಂಡ್ ಇತ್ತಿನ ಮೇರ್ ಇತಿಹಾಸ ತಜ್ಞೆರಾದಿತ್ತೆರ್. ಮೈಸೂರುದ ವಿವಿದ ಕಲ್ಪಾರ್ಥಿ ಆದಿತ್ತಿನ ಮೇರ್ ಅವ್ವೆ ಕಾಲೇಜ್ ಡ್ ಪ್ರಾಧ್ಯಾಪಕೆರಾದಿತ್ತೆರ್. ಕುಡ್ಲ ಬೊಕ್ಕ ಗೋವಾ ವಿವದ ಸ್ಥಾಪಕ ಉಪಕುಲಪತಿ ಆದಿತ್ತೆರ್.

The first vice chancellor of Mangalore University Prof B Shiekh is no more

Mangalore: The first vice chancellor of Mangalore University Prof B Shiekh (98) expired in Mysore today.

Prof Shiekh Ali was was a historian He was a student of Mysore University and later became a principal of the same college He was the founder vice chancellor of Goa and Mangalore University.

ಕಲ್ಯಾಣ್ : ತುಳುನಾಡ ತುಳುವೆರ್ ಕೂಟದಕ್ಲೆರ್ದ್ ಚೌತಿದ ಭಜನಾ ಸೇವೆ

Sep 1, 2022

ತುಳುನಾಡ ತುಳುವೆರ್, ಕಲ್ಯಾಣ್ ಕೂಟದ ಮುತಾಲಿಕೆಡ್ ಚೌತಿದ ದಿನ ಭಜನಾ ಕಾರ್ಯಕ್ರಮ ಲೇಕ್ ವೀವ್ ಅಪಾರ್ಟ್‌ಮೆಂಟ್ ಡ್ ಭಾರಿ ಗೌಜಿಡ್ ನಡತ್ಂಡ್. ಈ ಪೊರ್ತುಡು ಶ್ರೀ ಸತ್ಯನಾರಾಯಣ ಪೂಜೆ ನಡತ್ಂಡ್.

ಸಂಸ್ಥೆದ ಸಂಸ್ಥಾಪಕೆರ್ ಅಶೋಕ್ ಪೂಜಾರ್ಲು ಪ್ರಸಾದ ಸ್ವೀಕಾರ ಮಲ್ತೆರ್. ಕಡೆಕ್ ಪ್ರೀತಿ ಭೋಜನ ಮಲ್ತ್ ದ ಕಾರ್ಯಕ್ರಮ ಮುಗಿತಲ ಆಂಡ್.

ಎಲ್ಲೆ ಪ್ರಧಾನಿ ಮೋದಿ ಬರ್ಪಿನೆಕ್ಕ್ ಗಾಡಿದ ಸಂಚಾರ ವ್ಯವಸ್ಥೆ ಬದಲ್

Sep 1, 2022

ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಈ ವಿಷಯೊಡು ಮಾಹಿತಿ ಕೊರ್ತೆರ್

ಕುಡ್ಲ: ಸೆ.2 ಕ್ಕ್ ಕಾಂಡೆ 6 ಗಂಟೆರ್ದ್ ಕೂಳೂರು ಜಂಕ್ಷನ್ ರ್ದ್ ಕೊಟ್ಟಾರ ಜಂಕ್ಷನ್ ಮುಟ್ಟ ಗಾಡಿದ ಸಂಚಾರ ನಿಷೇಧ ಮಲ್ತ್‌ದ್ಂಡ್. ಕುಡ್ಲದ 9 ಕಡೆಟ್ ಸಂಚಾರ ಬದಲ್ ಮಲ್ತ್ ದ್ಂಡ್. ನಂತೂರು ಸರ್ಕಲ್ ರ್ದ್ ಬರ್ಪಿನ ಗಾಡಿಲು ಬಿಕರ್ನಕಟ್ಟೆ – ಕೈಕಂಬ ಜಂಕ್ಷನ್ ಆದ್ ಪೋಯರೆ ಉಂಡು. ಒಡಿಪುಗು ಪೋಯರೆ ಬಿ ಕ ರ್ ನ ಕಟ್ಟೆ ರ್ದ್ ವಾಮಂಜೂರು-ಬೆದ್ರ-ಕಾರ್ಲ ಮಾರ್ಗಡ್ ಪೋವೊಡು. ಮೈಸೂರ್, ಮಡಿಕೇರಿ ಪೋಯರೆ ಬಿಕರ್ನಕಟ್ಟೆ-ಪಡೀಲ್-ಪುತ್ತೂರ್-ಸುಳ್ಯದ ಮುಖೇನ ಪೋವೊಡ್. ಬೆಂಗ್ಲೂರ್‌ಗ್ ಪೋಯರೆ ಬಿಕರ್ನಕಟ್ಟೆ-ಪಡೀಲ್-ಬಿ.ಸಿ.ರೋಡ್-ಉಬಾರ್ ಮಾರ್ಗದ ಮುಖೇನ ಪೋವೊಡು.

ಕಾಸ್ರೋಡ್ ಗ್ ಪೋಪಿನಕುಲು ಪಡೀಲ್-ಪಂಪ್‌ವೆಲ್-ತೊಕ್ಕೂಟ್ಟು ಮುಖೇನ ಪೋವೊಡು. ಪೊರ್ಕೋಡಿ ಜಂಕ್ಷನ್ ರ್‍ದ್ ಜೋಕಟ್ಟೆ-ಕಾನಾ-ಸುರತ್ಕಲ್ ಅಂಚನೆ ಏರ್‌ಪೋರ್ಟ್ ರ್‍ದ್ ಕೈಕಂಬ-ಗುರುಪುರ ಮುಖೇನ ಕುಡ್ಲಗ್ ಪೋವೊಡು. ಮುಲ್ಕಿ ಜಂಕ್ಷನ್ ರ್ದ್ ಕಿನ್ನಿಗೋಳಿ-ಕಟೀಲ್-ಬಜಪೆ-ಕೈಕಂಬ ಮುಖೇನ ಕುಡ್ಲಗ್ ಬರೋಡು. ಲೇಡಿಹಿಲ್ ಮುಖೇನ ಪಿವಿಎಸ್-ಬಂಟ್ಸ್ ಹಾಸ್ಟೆಲ್ ಮುಕೇನ ಪಂಪ್‌ವೆಲ್ ಗ್ ಗಾಡಿದ ಸಂಚಾರ ಉಂಡು.

ಅತ್ತಂದೆ ಗಾಡಿದ ಪಾರ್ಕಿಂಗ್ ಗ್ 15 ಕಡೆಟ್ ಪೊಲೀಸ್ ಇಲಾಖೆ ಜಾಗೆ ಗುರ್ತಿಸಾದ್ಂಡ್. ಈ ವಿವರ ಇಂಚ ಉಂಡು:

= ಡೆಲ್ಟಾ ಗ್ರೌಂಡ್: ಪೊಲೀಸ್ ಪಾಸ್ ಪಡೆಯಿನ ವಿವಿಐಪಿ 300 ಕಾರ್‌ದ ಪಾರ್ಕಿಂಗ್.
= ಸೋಮಯಾಜಿ ಮೈದಾನ ಕೂಳೂರು: ಪೊಲೀಸ್ ಪಾಸ್ ಪಡೆಯಿನ 500 ವಿಐಪಿ ಕಾರ್‌ದ ಪಾರ್ಕಿಂಗ್.

= ತಣ್ಣೀರು ಬಾವಿ ಮಾರ್ಗ ಅಂಚನೆ ಪಣಂಬೂರು: ಒಡಿಪು, ಸುರತ್ಕಲ್, ಕಾವೂರು ಕಡೆ ರ್ದ್ ಬರ್ಪಿನ ಗಾಡಿಲು-1500 ಬಸ್ 500 ಕಾರ್

= ಎನ್‌ಎಂಪಿಎ ಮೈದಾನ, ಪಣಂಬೂರು: ಬಜಪೆ, ಕಾವೂರು ಅಂಚನೆ ಒಡಿಪು ಗಾಡಿಲು-200 ಬಸ್, 600 ಬೈಕ್‌ಲು

= ಎಂ.ಎಸ್.ಇ.ಝಡ್ ಮಾರ್ಗ, ಪಣಂಬೂರು: ಒಡಿಪು, ಸುರತ್ಕಲ್ ಕಡೆ ರ್ದ್ ಗಾಡಿಲು-1000 ಎಲ್ಯ ಗಾಡಿಲು

= ಎ.ಜೆ.ಶೆಟ್ಟಿ ಇಂಜಿನಿಯರಿಂಗ್ ಕಾಲೇಜ್, ಕೂಳೂರು ಪಂಜಿಮೊಗರು: ಪೊಲೀಸ್ ಪಾಸ್ ಪಡೆಯಿನ ವಿಐಪಿ ಗಾಡಿದ ಪಾರ್ಕಿಂಗ್ 100 ಕಾರ್‌ಲು

= ಗೋಲ್ಡ್ ಪಿಂಚ್ ಮೈದಾನದ ಪೂರ್ವ ಭಾಗದ ಅಮೆಜಾನ್ ಗೋಡೌನ್ ಕೈತಲ್: ಮಾತ ಭಾಗದ ಗಾಡಿದ ಪಾರ್ಕಿಂಗ್-2000 ಕಾರ್ ಬೊಕ್ಕ 3000 ಬೈಕ್ಸ್

= ಎ.ಜೆ ಆಸ್ಪತ್ರೆ ಕೈತಲ್ ಕುಂಟಿಕಾನರ್ದ್ ಕಾವೂರು ಜಂಕ್ಷನ್: ಬೊಲ್ತೇರ್ ಅಂಚನೆ ಕಾಸ್ರೋಡ್ ಕಡೆರ್‍ದ್ -350 ಬಸ್

= ಕೆಪಿಟಿ ಮೈದಾನ: ಬೆದ್ರ, ಮುಲ್ಕಿ ತಾಲೂಕು-200 ಬಸ್

= ವ್ಯಾಸ ನಗರ ಮೈದಾನ: ಪುತ್ತೂರ್ ಬೊಕ್ಕ ಸುಳ್ಯ ತಾಲೂಕ್‌ದ-50 ಬಸ್‌ಲು

= ಪದುವಾ ಮೈದಾನ: ಪುತ್ತೂರ್ ಬೊಕ್ಕ ಸುಳ್ಯ ತಾಲೂಕ್‌ದ 250 ಬಸ್‌

= ಕರಾವಳಿ ಉತ್ಸವ ಮೈದಾನ: ಕುಡ್ಲ ನಗರ ವ್ಯಾಪ್ತಿರ್‍ದ್ ಬರ್ಪಿನ 250 ಬಸ್

= ಉರ್ವ ಮಾರುಕಟ್ಟೆ ಮೈದಾನ: ಉಳ್ಳಾಲ ತಾಲೂಕ್ ವ್ಯಾಪ್ತಿರ್ದ್ ಬರ್ಪಿನ 100 ಬಸ್

= ಲೇಡಿಹಿಲ್ ಪೊಂಪೈ ಚರ್ಚ್: ಉಳ್ಳಾಲ ತಾಲೂಕು ವ್ಯಾಪ್ತಿರ್ದ್ ಬರ್ಪಿನ 100 ಬಸ್‌

= ಉರ್ವಸ್ಟೋರ್ ಮೈದಾನರ್ದ್ ಇನ್ಪೋಸಿಸ್ ಪಿರವುದ ಕುಂಟಿಕಾನ ಸಾದಿ ಮುಟ್ಟ: ಬಂಟ್ವಾಳ ತಾಲೂಕು ವ್ಯಾಪ್ತಿರ್‍ದ್ ಬರ್ಪಿನ 300 ಬಸ್‌

ಗೋಲ್ಡ್ ಫಿಂಚ್ ಮೈದಾನಡ್ ಭದ್ರತೆ ಪರಿಶೀಲನೆ ಮಲ್ತಿನ ಗೃಹ ಸಚಿವೆರ್: 3000 ಪೊಲೀಸೆರೆರ್ದ್ ಪಾರ

Sep 1, 2022

ಕುಡ್ಲ: ಎಲ್ಲೆ ಕುಡ್ಲಗ್ ಪ್ರಧಾನಿ ಮೋದಿ ಬರ್ಪಿನ ಬಗೆಟ್ ಇನಿ ರಾಜ್ಯ, ಗೃಹ ಸಚಿವೆರ್ ಅರಗ ಜ್ಞಾನೇಂದ್ರ ಸಮಾವೇಶದ ಜಾಗೆಗ್ ಭೇಟಿ ಮಲ್ತ್ ದ್, ಪರಿಶೀಲನೆ ಮಲ್ತೆರ್.

ಆಯಿಬೊಕ್ಕ ಮಾಧ್ಯಮದೊಟ್ಟಗ್ ಪಾತೆರ್ದ್, ಪ್ರಧಾನಿ ಬರ್ಪಿನೆಡ್ದಾವರ ಡಿಜಿಪಿ ಬೊಕ್ಕ ಎಡಿಜಿಪಿ ನಕುಲು ಇನಿ ಕುಡ್ಲಗ್ ಬರ್ರೆ ಇತ್ತ್ ದ್, ಅಕುಲ್ ಸಂಪೂರ್ಣವಾಯಿನ ಭದ್ರತೆನ್ ತುವೊನ್ವೆರ್. ಉಂದೆತೊಟ್ಟುಗ್ 100 ಉನ್ನತ ಅಧಿಕಾರಿಲು, 2000 ಸಾರ ಸಿವಿಲ್ ಪೊಲೀಸ್ ಸೇರಿನಂಚನೆ ಕೆಎಸ್ಸಾರ್ಪಿ, ಸಿಎಆರ್, ಎಎನ್‌ಎಫ್, ಆರ್‌ಎಎಫ್, ಕೋಸ್ಟಲ್ ಸೆಕ್ಯೂರಿಟಿ, ಐಎಸ್‌ಡಿ ಅಂಚನೆ ಗರುಡ ಪಡೆ ಇಪ್ಪರೆ ಉಂಡು. ಒಟ್ಟಾರೆಯಾದ್ 3 ಸಾರ ಪೊಲೀಸೆರ್‍ನ ಭದ್ರತೆಡ್ ಕಾರ್ಯಕ್ರಮ ನಡಪರೆ ಉಂಡು.

Home minister inspects the security arrangements at Goldfinch maiden:

Mangalore: The home minister Araga Gyanendra inspected the security arrangements made at the the place were PM Narendra Modi will hold public meeting.

Speaking to the press later he said that the DGP and ADGP will come down to Mangalore and take charge of the security arrangements.100 high level officials, 2000 civil police officers including KASRP CAR, AANF, RAF, Coastal security, ISD and Garuda Squad will be at service.More than 3000 police officers will be on call.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾಸ್ರೋಡ್: ರೈಲ್‌ದ ಪಟ್ಟೆಡ್ ಕರ್ಬದ ರಾಡ್ ದೀತಿನಿ ಪೊಂಜೊವು !

Sep 1, 2022

ಕಾಸ್ರೋಡ್-ಕಾಞಂಗಾಡ್ ನಡುಟ್ ಪೋಪಿನ ಕೋಟಿಕುಳಂ-ಬೇಕಲ ನಡುಟ್ಟು ಪತ್ತ್ ದಿನತ್ತ ಪಿರವು ರೈಲ್ ದ ಪಟ್ಟೆಡ್ 3 ಕಾಂಕ್ರೀಟ್ ತುಂಡುನ್ ದೀತಿನ ಘಟನೆ ನಡತ್ ದಿತ್ತ್ಂಡ್. ಅತ್ತಂದೆ ರೈಲ್ ದ ಪಟ್ಟೆಡ್ ಕರ್ಬದ ರಾಡ್ ತೋಜಿದ್ ಬತ್ತ್ ದಿತ್ತ್ಂಡ್. ಆಂಡ ಇಲಾಖೆದಕ್ಲೆನ ಹುಷಾರಿಡ್ ಮಲ್ಲ ದುರಂತ ತತ್ತ್‌ದಿತ್ತ್ಂಡ್.

ಆಂಡ ಆ ಬೇಲೆ ಮಲ್ದಿನಕುಲು ಏರ್ ಪಂದ್ ಗೊತ್ತಾದಿತ್ತಿಜಿ. ಇತ್ತೆ ಆರೋಪಿ ಪತ್ತೆ ಆತೆರ್. ಈ ಕೃತ್ಯ ಮಲ್ತಿನ ಆರೋಪಿ ತಮಿಳ್‌ನಾಡ್‌ದ ವಿಲ್ಲಾಪುರ ಮೂಲದ ಕನಕವಳ್ಳಿ(22) ಪನ್ಪಿನ ಗುಜಿರಿ ಪೆಜ್ಜುನ ಪೊಂಜೊವು. ರೈಲ್ವೆ ಭದ್ರತಾಪಡೆ ಅಂಚನೆ ರೈಲ್ವೆ ಪೊಲೀಸೆರ್ ಆರೋಪಿನ್ ಬಂಧಿಸಾದೆರ್. ಈ ಆರೋಪಿ ಗುಜುರಿ ಪೆಜ್ಜನ ಬೇಲೆ ಮಲ್ತೊಂದುಲ್ಲೆರ್.

ಪ್ರಧಾನಿ ಬರ್ಪಿನ ನಿಲೆಟ್ಟ್ ಹೈ ಅಲರ್ಟ್

Sep 1, 2022

ಕುಡ್ಲ: ಪ್ರಧಾನಿ ನರೇಂದ್ರ ಮೋದಿ ಬರ್ರೆ ನನ ಒಂಜೇ ದಿನ ಬಾಕಿ ಇತ್ತ್ ದ್ ಕಡೆತ್ತ ಕ್ಷಣದ ತಯಾರಿ ನಡತೊಂದು ಉಂಡು.

ಮೋದಿ ಸಮಾವೇಶಗ್ ಬಂಗ್ರಕೂಳೂರ್ ದ ಗೋಲ್ಡ್ ಫಿಂಚ್ ಮೈದಾನಡ್ 1 ಗಂಟೆ ಸುಮಾರ್ ಗ್ ಬರ್ರೆ ಉಲ್ಲೆರ್. ಪ್ರಧಾನಿಲೆನ ಕಾರ್ಯಕ್ರಮಡ್ ಒಂಜಿಲ ಒವ್ವೇ ರೀತಿದ ತೊಂದರೆ ಅವಂದಿಲೆಕ ಎಚ್ಚರ ವಹಿಸರೆ ಇತ್ತೆ ಕೇಂದ್ರೀಯ ಭದ್ರತಾ ದಳದ ಕೂಟ ಬತ್ತ್ ದ್ ಭದ್ರತೆ ಮಲ್ತೊಂದ್ಂಡು. ಶ್ವಾನ ದಳತ್ತಕುಲುಲ ಬತ್ತ್ ದ್, ನಗರದ ಇಂಚಿಂಚೂಲ ಜಾಗೆನ್ ಪರಿಶೀಲನೆ ಮಲ್ತೊಂದುಲ್ಲೆರ್.

High alert in Mangalore city in view of the PM’s visit to the city

Mangalore: Last minute security arrangements are being beefed up in lieu of the PM’s visit to the city.

The PM will address the public at Goldfinch maiden in Bengrekuloor at 1p.m. Central security forces have also come down to inspect the security arrangements to see everything goes on without a hitch.The dog squad is also on service.

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

September 1, 2022

ಭಾರಿ ಬರ್ಸ, ಬೊಲ್ಲ : ಬೆಳ್ಳಾರೆ-ಪಂಜ ರೋಡ್ ಬ್ಲಾಕ್

ನನದ ತುಳುನಾಡ್ ಗ್ ಬೋಡು ಸತ್ಯಣ್ಣನ ನಾಯಕತ್ವ..!! ಎಚ್ಚ ಆವೊಂದುಂಡು ಹಿಂದು ಪರ ಸಂಘಟನೆದ ಕಾರ್ಯಕರ್ತೆರೆನ ಈ ಘೋಷಣೆ

ರಾಜ್ಯದ ಮಸ್ತ್ ಕಡೆಟ್ ಇನಿರ್ದ್ ರಡ್ಡ್ ದಿನ ಭಾರೀ ಬರ್ಸ

ಉಬಾರ್: ಭಾರೀ ಬರ್ಸಗ್ ಇಲ್ಲದ ಮಿತ್ತ್ ಬೂರಿನ ತಾರೆ

ಕುಡ್ಲ ವಿಶ್ವ ವಿದ್ಯಾನಿಲಯದ ಸುರುತ್ತ ಉಪಕುಲಪತಿ ಪ್ರೊ. ಬಿ. ಶೇಖ್ ತೀರ್ ಪೋಯೆರ್

ಕಲ್ಯಾಣ್ : ತುಳುನಾಡ ತುಳುವೆರ್ ಕೂಟದಕ್ಲೆರ್ದ್ ಚೌತಿದ ಭಜನಾ ಸೇವೆ

ಎಲ್ಲೆ ಪ್ರಧಾನಿ ಮೋದಿ ಬರ್ಪಿನೆಕ್ಕ್ ಗಾಡಿದ ಸಂಚಾರ ವ್ಯವಸ್ಥೆ ಬದಲ್

ಗೋಲ್ಡ್ ಫಿಂಚ್ ಮೈದಾನಡ್ ಭದ್ರತೆ ಪರಿಶೀಲನೆ ಮಲ್ತಿನ ಗೃಹ ಸಚಿವೆರ್: 3000 ಪೊಲೀಸೆರೆರ್ದ್ ಪಾರ

ಕಾಸ್ರೋಡ್: ರೈಲ್‌ದ ಪಟ್ಟೆಡ್ ಕರ್ಬದ ರಾಡ್ ದೀತಿನಿ ಪೊಂಜೊವು !

ಪ್ರಧಾನಿ ಬರ್ಪಿನ ನಿಲೆಟ್ಟ್ ಹೈ ಅಲರ್ಟ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ