ಕುಡ್ಲ : ತುಳು ಪ್ರತ್ಯೇಕ ರಾಜ್ಯ ಆವೊಡು , ತುಲು ಭಾಷೆ ಎನ್ಮನೆ ಪರಿಚ್ಛೇದಗ್ ಸೇರ್ಪಡೆಯಾವೊಡು ಪನ್ಪಿನ ಹೋರಾಟದ ನಡುಟು ತುಳುನಾಡೊರ್ಮೆ ತುಲು ಭಾಷೆತ ಬಗೆತ ಅಭಿಮಾನಲಾ ಜಾಸ್ತಿ ಆವೊಂದು ಉಂಡು. ಅಲ್ಪ ಅಲ್ಪ ಕನ್ನಡದೊಟ್ಟುಗು ತುಳು ಬೋರ್ಡುಲಾ ಮೆನ್ಕೊಂದು ಉಂಡು . ತುಲು ಕಲ್ಪರೆ ಉಮೇದ್ ತೋಜಾವುನ ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ತಮ್ಮ ಕಚೇರಿಡ್ ತುಳುತೇ ಬೋರ್ಡ್ ಪಾಡ್ದೆರ್ . ಅವ್ವೆತೋ ಜನ ಪೊಲೀಸ್ ನಕ್ಲೆನೆಟ್ಟ್ ತುಳು ಕಲಿಕೆದ ಉಮೇದ್ ಇತ್ತಿನ ನೆಲೆಟ್ಟ್ ಗುರುವಾರ ಪೇಂಟೆದ ಪೊಲೀಸ್ ಆಯುಕ್ತೇರ್ನ ಕಚೇರಿ ಸಭಾಂಗಣಡ್ ತುಲು ಕಲಿಕಾ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್ . ಬಾರಿ ಉಮೇದ್ ಡ್ ಪಾಲ್ ಪಡೆಯಿನ ನೂದೆರ್ರ್ದ್ಲಾ ಜಾಸ್ತಿ ಜನ ಪೊಲೀಸೆರ್ ತುಳು ಕಲಿಕೆಡ್ ಪಾಲ್ ಪಡೆಯಿನ್ ತೊಜಿದ್ ಬತ್ತುಂಡು.
ತುಳು ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್ ಸಾರ್ ಪಾತೆರ್ದ್ , ಪೊಲೀಸೆರ್ ತುಳು ಕಲಿಕೆಗ್ ದುಂಬು ಬೈದಿನ ಶ್ಲಾಘನೀಯ. ತುಳು ಕಲ್ತಿನ ಪೊಲೀಸದಕ್ಲೆಗ್ ಅಕಾಡೆಮಿ ವತಿರ್ದ್ ಸರ್ಟಿಫಿಕೇಟ್ ಲಾ ಕೊರ್ಪ ಪಂದ್ ಪಂಡೆರ್.
Editorial