ಸಚಿವ ಸುನಿಲ್ ಕುಮಾರ್ : ವಿಜಯೋತ್ಸವ

ಕಾರ್ಲ : ರಾಜ್ಯ ಸರಕಾರದ ಪೊಸ ಸಚಿವೆರಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ವಿ. ಸುನಿಲ್ ಕುಮಾರ್ ಮೇರ್ ಸಚಿವೆರಾದ್ ಸುರುತ ಸಲ ತನ್ನ ಪುಟ್ಟುದಿನ ಊರಾಯಿನ ಕಾರ್ಲಗ್ ಇನಿ ಬರೊಂದು ಉಪ್ಪುನ ನೆಲೆಟ್ಟ್ ಅಭಿನಂದನಾ ಲೇಸ್ ಅಟ್ಟನೆ ಮಲ್ದೆರ್. ಕಾರ್ಕಳ ಭಾರತೀಯ ಜನತಾ ಪಕ್ಷ, ಸುನಿಲ್ ಕುಮಾರ್ ಹಿತೈಷಿ, ಸಾರ್ವಜನಿಕೆರೆರ್ದ್ ಕಾಂಡೆ 10.30ಕ್ ಬೆಳ್ಳಣ್‌ಡ್ ಎದುಕೊನೆರೆ ಉಲ್ಲೆರ್ .

ಬೈಕ್ ರಾಲಿ ಮುಖೇನ ಬಾರಿ ಮಲ್ಲ ಮಟ್ಟಡ್ ಎದುಕೊಂದು ಕಾರ್ಕಳ ಕೇಂದ್ರ ಸ್ಥಾನಗ್ ಲೆತೊಂದು ಬರ್ರೆ ಉಲ್ಲೆರ್ . ಐರ್ದ್ ಬೊಕ್ಕ 11.30ಕ್ ಕಾರ್ಕಳ ಬಂಡೀಮಠ ಬಸ್‌ಸ್ಟ್ಯಾಂಡ್ದ ಕೈತಲ್ ಸೊಲ್ಮೆ ಸಂದೈತ ಲೇಸ್ ನಡಪರೆ ಉಂಡು ಪಂದ್ ಬಿಜೆಪಿ ಕ್ಷೇತ್ರಾಧ್ಯಕ್ಷ ಮಹಾವೀರ ಹೆಗ್ಡೆ ಪ್ರಕಟನೆಡ್ ತೆರಿಪಾಯೆರ್ .