August 14, 2021

ಕುಡ್ಲ : ಪತ್ರಕರ್ತೆರ್ನ ಸಂಘರ್ದ್ ಸಿಎಂ ಗ್ ಮನವಿ

ಕುಡ್ಲ : ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೆರೆನ್ ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲಾಯಿನ ಶ್ರೀನಿವಾಸ ನಾಯಕ್ ಇಂದಾಜೆ ಮೆರ್ನ ಮುತಾಲಿಕೆಡ್ ಪದುಕೆರ್ ಶುಕ್ರವಾರ ಪೇಂಟೆದ ಸರ್ಕ್ಯೂಟ್ ಹೌಸ್‌ಡ್ ಭೇಟಿ ಕೊರ್ದು ಬೇತೆ ಬೇತೆ ಬೇಡಿಕೆಲೆಗ್ ಈಡೇರಾಯೆರ್ ಮನವಿ ಕೊರಿಯೆರ್ .

ಪತ್ರಕರ್ತರ ಸಂಘ ಅಟ್ಟನೆ ಮಲ್ದಿನ ಪತ್ರಕರ್ತೆರ್ನ ಗ್ರಾಮವಾಸ್ತವ್ಯ ಸೇರಿನಂಚ ಬೇತೆ ಸಮಾಜಮುಖಿ ಲೇಸ್ ದ ಬಗ್ಗೆ ಸಿಎಂ ಬೊಮ್ಮಾಯಿ ಎಡ್ಡೆಪ್ಪು ಪಂಡೆರ್.

ಈ ಪೊರ್ತುಡು ಸಂಸದ ನಳಿನ್ ಕುಮಾರ್ ಕಟೀಲ್, ಸಂಘದ ಮಾಜಿ ಗುರ್ಕಾರ್ಲಾಯಿನ ಪಿ.ಬಿ.ಹರೀಶ್ ರೈ,ರವೀಂದ್ರ ಶೆಟ್ಟಿ, ಸಂಘದ ಪದುಕೆರಾಯಿನ ಭಾಸ್ಕರ ರೈ ಕಟ್ಟ, ಪುಷ್ಪರಾಜ್ ಬಿ.ಎನ್., ಆರ್.ಸಿ. ಭಟ್, ಹರೀಶ್ ಮೋಟುಕಾನ, ಆತ್ಮಭೂಷಣ್, ಸಹಕಾರ ಸಂಘದ ನಿರ್ದೇಶಕ ಸುಖಪಾಲ್ ಪೊಳಲಿ ಪಾಲ್ ಪಡೆದಿತ್ತೆರ್ .