August 28, 2021

ಬ್ರಹ್ಮ ಶ್ರೀ ನಾರಾಯಣ ಗುರುಕುಲ್ನ ತತ್ವ ಸಿದ್ದಾಂತನು ಮೈಗೂಡಿಸಾವೊಂದು ಜಾತ್ಯತೀತ ಮನೋಭಾವನೇಡ್ ಬೇಲೆ ಮಲ್ಪುಲೆ ; ಶಕುಂತಲಾ ಟಿ ಶೆಟ್ಟಿ

ಪುತ್ತೂರ್ : ಪುತ್ತೂರ್ ಬ್ಲಾಕ್ ಯುವ ಕಾಂಗ್ರೆಸ್ ಘಟಕ,ನೆತ್ತ ವತಿಡ್ ದು ಅಯೋಜಿಸಾಯಿನ ಕೊರೊನ ಸಂದರ್ಬೊಡು ಬೇಲೆ ಮಲ್ತಿನ ಕೊರೊನಾ ವಾರಿಯರ್ಸ್ ಲೆನ್ ಮಾಜಿ ಶಾಸಕಿ ಶ್ರೀಮತಿ ಶಕುಂತಲಾ ಟಿ ಶೆಟ್ಟಿ ಇಂಬೆರ್ ಗೌರವಿಸಾಯೆರ್.

ಈ ಸಂದರ್ಬೋಡು ಪಾತೆರ್ದಿನ ಆರ್, ಯುವ ಕಾಂಗ್ರೆಸ್ ದ ಅನುಲು ಬ್ರಹ್ಮಶ್ರೀ ನಾರಾಯಣ ಗುರುಕುಲ್ನ್ ತತ್ವ ನು, ಸಿದ್ದಾಂತನು ಮೈಗೂಡಿಸಾವೊಂದು ಜಾತ್ಯತೀತ ಮನೋಭಾವನೆ ದಿವೊಂದು ಸಮಾಜಗು ಎಡ್ಡೆ ಬೇಲೆ ಮಾಲ್ಪೊಡು ಪಂದು ಪಂಡೆರ್. ದೇಶ ಕಟ್ಟುನ ಜವಾಬ್ದಾರಿ ಅನುಲ್ನ ಮಿತ್ತು ಉಂಡು ಪಂದು ಪಂಡೆರ್.

ಮಾಜಿ ಕಾಂಗ್ರೆಸ್ ಅಧ್ಯಕ್ಷೆ ಎಂ ಬಿ ವಿಶ್ವನಾಥ್ ರೈ ಇಂಬೆರ್ ಪಾತೆರದು ಕೇಂದ್ರೋದ ಮೋದಿ ಸರ್ಕಾರ ಯುವ ಜನಾಂಗಗು ಅನ್ಯಾಯ ಮಲ್ತೊಂದು ಉಂಡು. ಇನಿ ಕಲ್ತುದು ಪಿದಯ್ ಬತ್ತಿನ ಅನುಲೆಗ್ ಬೇಲೆ ಇಜ್ಜಂದೆ ಪರಡೊಂದು ಉಲ್ಲೆರ್. ಕೊರೊನಾ ಸಮಯೋಡು ಎಡ್ಡೆ ಬೇಲೆ ಮಲ್ತಿನ ಕಾರ್ಯಕರ್ತೆರೆನ್ ಗೌರವಿಸಾವುನ ಯಂಕುಲ್ನ ಕರ್ತವ್ಯ ಪಂದು ಪಂಡೆರ್.

ಮಾಜಿ ಬ್ಲಾಕ್ ಅಧ್ಯಕ್ಷೆ ಹೇಮಾನಾಥ್ ಶೆಟ್ಟಿ ಪಾತೆರದು ಚುನಾವಣೆ ಬರ್ಪುನ ಪೊರ್ತುಡು ಬಿಜೆಪಿ ಬೊಕ್ಕ SDPI ಮುಕುಲ್ನ ಜುಗಲ್ ಬಂದಿ ಶುರುಆಪುಂಡು. ಈ ರಡ್ಡು ರಾಜಕೀಯ ಪಕ್ಷೋದ ಅಜೆoಡಾ ಒಂಜೆ ಅಡಿಪುಂಡು. ಯಾಂಕುಲ್ಡ ಏತೆ ಅಭಿಪ್ರಾಯ ಇತ್ತುಂಡುಲ ಚುನಾವಣೆ ಸಂದರ್ಬೊಡು ಒಂಜಾದು ಬೇಲೆ ಮಲ್ಪುವ. SDPI ಬೊಕ್ಕ ಬಿಜೆಪಿದಕುಲ್ ಕೋಮವಾದಡು ರಾಜಕೀಯ ಮಲ್ತೊಂದು ಉಂಡು ಪಂದು ಸ್ವರ ಲಕ್ಕಾಯೆರ್.

ಈ ಸಭೆಟ್ ಮಾಜಿ ತಾಲ್ಲೂಕು ಪಂಚಾಯತ್ ಸದಸ್ಯೆ ಪರಮೇಶ್ವರ್ ಭಂಡಾರಿ, ನಗರ ಕಾಂಗ್ರೆಸ್ ಅಧ್ಯಕ್ಷೆ ಎಚ್ ಮಹಮ್ಮದ್ ಆಲಿ ಅಂಚನೆ ಮಸ್ತು ಬಿನ್ನರ್ ಲೇಸುಡು ಪಾಲ್ ಪಡೆದಿತ್ತೆರ್. ಈ ಸಂದರ್ಬೊಡು ಬ್ರಹ್ಮಶ್ರೀ ನಾರಾಯಣ ಗುರುಕುಲ್ನ ಬಗ್ಗೆ ಯುವ ಕಾಂಗ್ರೆಸ್ ವತಿಡ್ದು ಏರ್ಪಡಿಸಾಯಿನ ಪ್ರಬಂಧ ಸ್ಪರ್ದೆಡು ವಿಜೇತರಾಯಿನಕುಲೆಗ್ ಸನ್ಮಾನ ಕಾರ್ಯಕ್ರಮ ಮಲ್ತೆರ್.