August 15, 2021

ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ : ನಾಗರ ಪಂಚಮಿ

ಬೊಂಬಾಯಿ : ಮಿರಾರೋಡ್ ಶ್ರೀ ಶನೀಶ್ವರ ಸೇವಾ ಸಮಿತಿದ ಶ್ರೀ ಶನೀಶ್ವರ ಮಂದಿರಡ್ 13-08-2021 ನೇ ಶುಕ್ರವಾರದಾನಿ ನಾಗರ ಪಂಚಮಿ ಉಚ್ಚಯ ಮಂದಿರದ ಜಾಗಡ್ ನೆಲೆಯಾಯಿನ ನಾಗ ದೇವೆರೆಗ್ ನಾಗರ ಪಂಚಮಿದ ಪ್ರಯುಕ್ತ ವಿಶೇಷ ಪೂಜೆ ನಡತುಂಡು.

ವಿದ್ವಾನ್ ವಿಷ್ಣು ಮೂರ್ತಿ ಅಡಿಗ ಬೊಕ್ಕ ಮಂದಿರದ ಪ್ರದಾನ ಅರ್ಚಕೆರಾಯಿನ ನಿರಾವ್ ಭಟ್ ಮೆಕ್ಲೆನ ಪೌರೋಹಿತ್ಯಡ್ ನಡತಿನ ಧಾರ್ಮಿಕ ಲೇಸ್ ಡ್ ಕಾಂಡೆ 6 ಗಂಟೆರ್ದ್ ಕ್ಷೇತ್ರ ಶುದ್ಧೀಕರಣ ಪೂಜೆದ ವಿಧಾನ ಕಾಂಡೆ 8 ಗಂಟೆರ್ದ್ ತನು ಸೇವೆ,ತಂಬಿಲ ಸೇವೆ ಪಂಚಾಮೃತ ಅಭಿಷೇಕ, ಸೇವೆ ಅಶ್ಲೇಷಾಬಲಿ ಸೇವೆ, ಭಜನೆ, ವಿಜಯ ಶೆಟ್ಟಿ ಮೂಡುಬೆಳ್ಳೆ ಮೆಕ್ಲೆನ ಕೂಟರ್ದ್ ಭಕ್ತಿ ರಸಮಂಜರಿ ಮಧ್ಯಾಹ್ನ ಮಹಾಮಂಗಳಾರತಿರ್ದ್ ಬೊಕ್ಕ ತೀರ್ಥ ಪ್ರಸಾದ ಅನ್ನಸಂತಪರ್ಣೆದೊಟ್ಟುಗು ನಡತಿನ ಈ ಮಾತಾ ಲೇಸ್ ಡ್ವನಸ್ ದ ಸೇವಾಕರ್ತರಾಯಿನ ವಿನೋದ್ ನಿರ್ಮಲಾ ವಾಘಷಿಯ ಮೆರೆನ್ ಫಲ ವಸ್ತುದ ಸೇವಾಕರ್ತೆರಾಯಿನ ಮಾಲ ಜೈನ್ ಮೆರೆನ್,ಪ್ರಸಾದದ ಸೇವಾಕರ್ತರಾಯಿನ ವಾಸಂತಿ ಶೆಟ್ಟಿ, ಎಣ್ಣಿದ ಸೇವಾಕರ್ತರಾಯಿನ ಪ್ರೇಮ ಶೇಖರ್ ಪೂಜಾರಿ ಮೆರೆನ್ ಮಂದಿರದ ವತಿರ್ದ್ ಪೂಜೆದ ಪ್ರಸಾದ ಕೊರ್ದು ಅಧ್ಯಕ್ಷರಾಯಿನ ವಿದ್ಯಾ ಅಶೋಕ್ ಕರ್ಕೆರಾ ಬೊಕ್ಕ ಬೇತೆ ಪದುಕೆರ್ ಸೇರ್ದ್ ಮಾನದಿಗೆ ಮಲ್ತೆರ್.
ಈ ಮಾತಾ ಧಾರ್ಮಿಕ ಕಾರ್ಯಕ್ರಮಡ್ ಪಾಲ್ ಪಡೆಯಿನ ಸರ್ವೇರೆಗ್ಲಾ ಅಂಚನೇ ಸಮಿತಿಡಾ ಮಾತಾ ಸದಸ್ಯೆರೆಗ್ ಸೇವಾಕರ್ತರಾದ್ ಸಾಕಾರ ಕೊರಿನಕ್ಲೆಗ್ ಒತ್ತು ಗುರ್ಕಾರ್ಲಾಯಿನ ಗುಣಕಾಂತ ಶೆಟ್ಟಿ. ಕರ್ಜೆ ಮೇರ್ ಸೊಲ್ಮೆ ಸಂದೈತ ಮಲ್ತೆರ್.

ಚಿತ್ರ ವರದಿ :
ಕಾರ್ಕಳ ಸದಾನಂದ್.