ಕಿನ್ನಿಗೋಳಿ, ಆಗಸ್ಟ್ 4: ಕಿನ್ನಿಗೋಳಿ ಪಟ್ಟಣ ಪಂಚಾಯತಿದ ಕಿನ್ನಿಗೋಳಿ ಪೇಂಟೆಡ್ ಸುವ್ಯವಸ್ಥಿತವಾದ್ ಗಾಡಿದ ಸಂಚಾರಗ್ ಅವಕಾಶ ಬೊಕ್ಕ ಸಾರ್ವಜನಿಕರ ಸಂಚಾರಗ್ ಸೂಕ್ತ ಅವಕಾಶನ್ ದುಂಬುದ ದಿನಟ್ ಪೋಲಿಸ್ ಇಲಾಖೆ,ಲೋಕೋಪಯೋಗಿ ಇಲಾಖೆ,ಮೆಸ್ಕಾಂ ಮೆಕ್ಲೆನ್ ಪಟ್ಟಣ ಪಂಚಾಯತಿ ಅಧಿಕಾರಿಲು ಸಮನ್ವಯ ಮಲ್ತ್ ಕಾರ್ಯಗತ ಮಲ್ಪೊಡು ಪಂದ್ ಮಾನ್ಯ ಶಾಸಕೆರಾಯಿನ ಉಮಾನಾಥ್ ಕೋಟ್ಯಾನ್ ಪಂಡೆರ್.
ಕಿನ್ನಿಗೋಳಿ ಪಟ್ಟಣ ಪಂಚಾಯತಿಡ್ ಟ್ರಾಫಿಕ್ ಸಮಸ್ಯೆದ ಬಗ್ಗೆ ಟ್ರಾಫಿಕ್ ಪೊಲೀಸ್,ಮೆಸ್ಕಾಂ,ಲೋಕೊಪಯೋಗಿ ಇಲಾಖೆ,ರಿಕ್ಷಾ,ಟ್ಯಾಕ್ಸಿ ಬೊಕ್ಕ ಬಸ್ಸು ಮಾಲಕೆರ್ನ ಬೊಕ್ಕ ಚಾಲಕೆರ್ನ ಸಂಘ ಸಭೆನ್ ಉದ್ದೇಶಿಸಾದ್ ಪಾತೆರಿಯೆರ್.
ಈ ಪೊರ್ತುಡು ತಹಶಿಲ್ದಾರೆರಾಯಿನ ಕಮಲಮ್ಮ,ಟ್ರಾಫಿಕ್ ಪೋಲಿಸ್ ನಿರೀಕ್ಷಕೆರಾಯಿನ ಮಹಮ್ಮೆದ್ ಶರೀಫ಼್, ಲೋಕೋಪಯೋಗಿ ಇಲಾಖಾ ಸಹಾಯಕ ಅಭಿಯಂತೆರಾಯಿನ ಗೋಪಾಲ್,ಮೆಸ್ಕಾಂ ಶಾಖಾಧಿಕಾರಿಲು ಬೊಕ್ಕ ಬೇತೆ ಅಧಿಕಾರಿಲು ಸಭೆಟ್ ಪಾಲ್ ಪಡೆದಿತ್ತೆರ್.
Editorial