ಪುರಸಭೆ

ಕರ್ನಾಟಕ ಪಬ್ಲಿಕ್ ಸ್ಕೂಲ್ : ಶೈಕ್ಷಣಿಕ ಅಭಿವೃದ್ಧಿ ಸಭೆ

May 12, 2022

ಕೊಕ್ಕರ್ಣೆ : 2022-23 ನೇ ಸಾಲ್ ದ ಶೈಕ್ಷಣಿಕ ವರ್ಷ ಸುರು ಆಯರೇ ಉಂಡು , ಈ ಬಗ್ಗೆ ಕೋಡೆ 11-05-2022 ಕ್ಕ್ ಶಾಲಾಭಿವೃದ್ಧಿ ಸಮಿತಿ ಗುರ್ಕಾರ್ಲು , ಶಾಸಕೇರಾಯಿನ ಕೆ. ರಘುಪತಿ ಭಟ್ ಮೇರ್ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಕೊಕ್ಕರ್ಣೆಡ್ ಸಭೆ ನಡಪಾದ್ ಶೈಕ್ಷಣಿಕ ಅಭಿವೃದ್ಧಿ ವಿಷಯದ ಬಗ್ಗೆ ಚರ್ಚೆ ಮಲ್ತೆರ್ .

ಈ ಪೊರ್ತುಡು ಕೊಕ್ಕರ್ಣೆ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ವಸಂತ್ ಸೇರ್ವೆಗಾರ್, ಪ್ರಸನ್ನ ಶೆಟ್ಟಿ, ಪ್ರಜ್ವತ್, ಸುನಿಲ್, ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಉದಯ್ ನಾಯಕ್ ಬೊಕ್ಕ ಮುಖ್ಯೋಪಾಧ್ಯಾಯೆರಾಯಿನ ಲತಾ, ಉಪನ್ಯಾಸಕೇರಾಯಿನ ದೇವೇಂದ್ರ ಮೊಗೇರ ಪಾಲ್ ಪಡೆದಿತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ನೀರ್ ದ ವ್ಯವಸ್ಥೆ ಮಲ್ಪಂದೆ ಮೆಲ್ಕಾರ್ ನೀರ್ ದ ಟ್ಯಾಂಕ್ ಗ್ ದೆತ್ತ್ಂಡ ಪುರಸಭೆಕ್ಕ್ ಪೊಗ್ಗರೆ ತಯಾರಾತೆರ್ ಊರುದಕುಲು

Feb 10, 2022

ಬಂಟ್ವಾಳ ಪೇಂಟೆದ ಪಾಣೆಮಂಗಳೂರು ಗ್ರಾಮದ ಮೆಲ್ಕರ್ ಪನ್ಪಿನ ಜಾಗೆಡ್ ಪುರಸಭೆರ್ದ್ ಕಟ್ಟಿ ನಂಚಿನ ನೀರ್ದ ಟ್ಯಾಂಕ್ ಉಂಡು ನೆರ್ದ್ ಸುಮಾರು 1000 ಇಲ್ಲಗ್ ನೀರ್ದ ವ್ಯವಸ್ಥೆ ಉಂಡು .

ಉಂದು ಮೆಲ್ಕರ್ ಬೊಕ್ಕ ಸರಸ್ವತಿ ಮಹಾಬಲರಾವ್ ಮಾರ್ಗ ಅಂಚನೆ ಬೇತೆ ಬೇತೆ ಕೈತಲ್ ದ ಇಲ್ಲಗ್ ಈ ಟ್ಯಾಂಕ್ ರ್ದ್ ನೀರ್ದ ವ್ಯವಸ್ಥೆ ಉಂಡು ಆಂಡ ಇತ್ತೇ ರಾಷ್ಟ್ರೀಯ ಹೆದ್ದಾರಿ ಅಗೆಲ ಮಲ್ಪುನ ಬೇಲೆಗ್ ನೀರ್ದ ಟ್ಯಾಂಕ್ ನ್ ದೆಪ್ಪುನ ಆದೇಶ ಉಂಡು ಪಂದ್ ಅಧಿಕಾರಿಲು ತೆರಿಪಾದೆರ್ ಆಂಡ ಪುರಸಭೆಯದಕುಲು ನೆಕ್ಕ್ ಒವ್ವೆ ಪರ್ಯಾಯ ವ್ಯವಸ್ಥೆ ಮಲ್ಪಂದೆ ಮನಿಪಂದೆ ಕುಲ್ದೆರ್ ಇತ್ತೇ ರಡ್ಡ್ ದಿನರ್ದ್ ಸರಿಯಾದ್ ನೀರ್ ಬರೊಂದು ಇಜ್ಜಿ ಅಂಚಾದ್ ನನ ದುಂಬುದ ರಡ್ಡ್ ದಿನೊಟ್ಟು ನೀರ್ದ ಟ್ಯಾಂಕ್ ನ್ ರಾಷ್ಟ್ರೀಯ ಹೆದ್ದಾರಿದಕುಲು ದೆಪ್ಪುನ ಲಕ್ಷಣ ತೊಜೀದ್ ಬರೊಂದು ಉಂದು ಅಂಚಾದ್ ಪುರಸಭೆದಕುಲು ನೀರ್ದ ವ್ಯವಸ್ಥೆ ಮಲ್ಪಂದೆ ನೀರ್ದ ಟ್ಯಾಂಕರ್ ದೆಪ್ಪು ನಾoಡ ಪುರಸಭೆಕ್ ಮುತ್ತಿಗೆ ಪಾಡುವ ಪಂದ್ ಪಂತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಶಾಸಕೆರ್ನ ಕಚೇರಿ ಸೇವಕಡ್ ಸಾರ್ವಜನಿಕೆರ್ನ ಸಭೆ

Aug 4, 2021

ಕಿನ್ನಿಗೋಳಿ, ಆಗಸ್ಟ್ 4: ಕಿನ್ನಿಗೋಳಿ ಪಟ್ಟಣ ಪಂಚಾಯತಿದ ಕಿನ್ನಿಗೋಳಿ ಪೇಂಟೆಡ್ ಸುವ್ಯವಸ್ಥಿತವಾದ್ ಗಾಡಿದ ಸಂಚಾರಗ್ ಅವಕಾಶ ಬೊಕ್ಕ ಸಾರ್ವಜನಿಕರ ಸಂಚಾರಗ್ ಸೂಕ್ತ ಅವಕಾಶನ್ ದುಂಬುದ ದಿನಟ್ ಪೋಲಿಸ್ ಇಲಾಖೆ,ಲೋಕೋಪಯೋಗಿ ಇಲಾಖೆ,ಮೆಸ್ಕಾಂ ಮೆಕ್ಲೆನ್ ಪಟ್ಟಣ ಪಂಚಾಯತಿ ಅಧಿಕಾರಿಲು ಸಮನ್ವಯ ಮಲ್ತ್ ಕಾರ್ಯಗತ ಮಲ್ಪೊಡು ಪಂದ್ ಮಾನ್ಯ ಶಾಸಕೆರಾಯಿನ ಉಮಾನಾಥ್ ಕೋಟ್ಯಾನ್ ಪಂಡೆರ್.

ಕಿನ್ನಿಗೋಳಿ ಪಟ್ಟಣ ಪಂಚಾಯತಿಡ್ ಟ್ರಾಫಿಕ್ ಸಮಸ್ಯೆದ ಬಗ್ಗೆ ಟ್ರಾಫಿಕ್ ಪೊಲೀಸ್,ಮೆಸ್ಕಾಂ,ಲೋಕೊಪಯೋಗಿ ಇಲಾಖೆ,ರಿಕ್ಷಾ,ಟ್ಯಾಕ್ಸಿ ಬೊಕ್ಕ ಬಸ್ಸು ಮಾಲಕೆರ್ನ ಬೊಕ್ಕ ಚಾಲಕೆರ್ನ ಸಂಘ ಸಭೆನ್ ಉದ್ದೇಶಿಸಾದ್ ಪಾತೆರಿಯೆರ್.

ಈ ಪೊರ್ತುಡು ತಹಶಿಲ್ದಾರೆರಾಯಿನ ಕಮಲಮ್ಮ,ಟ್ರಾಫಿಕ್ ಪೋಲಿಸ್ ನಿರೀಕ್ಷಕೆರಾಯಿನ ಮಹಮ್ಮೆದ್ ಶರೀಫ಼್, ಲೋಕೋಪಯೋಗಿ ಇಲಾಖಾ ಸಹಾಯಕ ಅಭಿಯಂತೆರಾಯಿನ ಗೋಪಾಲ್,ಮೆಸ್ಕಾಂ ಶಾಖಾಧಿಕಾರಿಲು ಬೊಕ್ಕ ಬೇತೆ ಅಧಿಕಾರಿಲು ಸಭೆಟ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಂದಾಪುರ ಪುರಸಭೆ ವ್ಯಾಪ್ತಿದ ಸರಕಾರಿ ಶಾಲೆದ ಎಸ್‌ಡಿಎಂಸಿ ಸದಸ್ಯೆರೆಗ್ ಸಾಮರ್ಥ್ಯ ವರ್ಧನ ತರಬೇತಿ ಕಾರ್ಯಾಗಾರ

Mar 20, 2021

ಕುಂದಾಪುರ, ಮಾ.20: ಕರ್ನಾಟಕ ರಾಜ್ಯ ಶಾಲಾಭಿವೃದ್ಧಿ ಬೊಕ್ಕ ಮೇಲುಸ್ತುವಾರಿ ಸಮಿತಿದ ಸಮನ್ವಯ ವೇದಿಕೆ ಉಡುಪಿ ಜಿಲ್ಲೆ, ತಾಲೂಕ ಘಟಕ ಕುಂದಾಪುರ, ಬೈಂದೂರು, ಪುರಸಭೆ ಕುಂದಾಪುರ, ಸಾರ್ವಜನಿಕ ಶಿಕ್ಷಣ ಇಲಾಖೆ ಕುಂದಾಪುರ ತಾಲೂಕು, ಸಮಾಜ ಕಲ್ಯಾಣ ಇಲಾಖೆ ಕುಂದಾಪುರ ಮೆಕ್ಲೆನ ಒಟ್ಟು ಸೇರಿಗೆಡ್ ಕುಂದಾಪುರ ಪುರಸಭೆ ವ್ಯಾಪ್ತಿದ ಸರಕಾರಿ ಶಾಲೆದ ಎಸ್‌ಡಿಎಂಸಿ ಸದಸ್ಯೆರೆಗ್ ಸಾಮರ್ಥ್ಯ ವರ್ಧನ ತರಬೇತಿ ಕಾರ್ಯಾಗಾರನ್ ಕುಂದಾಪುರ ಅಂಬೇಡ್ಕರ್ ಭವನಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ದ ಗುರ್ಕಾರ್ಮೆನ್ ಎಸ್‌ಡಿಎಂಸಿ ಸಮನ್ವಯ ವೇದಿಕೆದ ತಾಲೂಕು ಘಟಕದ ಗುರ್ಕಾರ್ಲಾಯಿನ ಎಸ್.ವಿ.ನಾಗರಾಜ್ ಪಾಲ್ ಪಡೆದ್ ಇತ್ತೆರ್ . ಲೇಸ್ ನ್ ಕುಂದಾಪುರ ಪುರಸಭಾ ಗುರ್ಕಾರ್ದಿ ವೀಣಾ ಭಾಸ್ಕರ್ ಉದಿಪನ ಮಲ್ತೆರ್ .

ಪುರಸಭೆ ಉಪಾಧ್ಯಕ್ಷ ಸಂದೀಪ್ ಖಾರ್ವಿ, ವೇದಿಕೆ ಶಿವಮೊಗ್ಗ ಜಿಲ್ಲಾಧ್ಯಕ್ಷ ಅಶ್ವಿನಿ ಕುಮಾರ್, ಕಾರವಾರ ಜಿಲ್ಲಾಧ್ಯಕ್ಷೆ ಶಾಂತಿಬಾಯಿ, ಸಿಆರ್ಪಿಲಾಯಿನ ಸುನಿತಾ, ಶಂಕರ್ ಶೆಟ್ಟಿ, ಉಡುಪಿ ತಾಲೂಕು ಶಿಕ್ಷಣ ಸಂಪನ್ಮೂಲ ಕೇಂದ್ರದ ಕಾರ್ಯದರ್ಶಿ ಬಾಲಕೃಷ್ಣ ಪೂಜಾರಿ, ವೇದಿಕೆದ ಜಿಲ್ಲಾ ಸಮಿತಿ ಪದಾಧಿಕಾರಿ ಶೋಭಾ ಭಾಸ್ಕರ್ ಕಾರ್ಕಳ, ತಾಲೂಕು ಕಾರ್ಯದರ್ಶಿ ಜ್ಯೋತಿ ಶೆಟ್ಟಿ ಪಾಲ್ ಪಡೆದಿತ್ತೆರ್.