ಮೈಸೂರ್ ವಿದ್ಯಾರ್ಥಿನಿ ಗ್ಯಾಂಗ್ ರೇಪ್ : 3 ಶಂಕಿತೆರ್ ಪೊಲೀಸೆರ‍್ನ ವಶೊಕ್ಕು

ಮೈಸೂರ್, ಆ 26 : ಸಾಂಸ್ಕೃತಿಕ ನಗರಿ ಮೈಸೂರ್ ಡು ವಿದ್ಯಾರ್ಥಿನ ಗ್ಯಾಂಗ್ ರೇಪ್ ಪ್ರಕರಣೊಡು ಸಂಬoಧಿಸಾದು ಪೊಲೀಸೆರ್ 3 ಜನ ಶಂಕಿತೆರೆನ್ ಬಂಧಿಸಾದೆರ್.

ಕೃತ್ಯ ಮಲ್ತಿನ ಜಾಗೋಡು ದುಷ್ಕರ್ಮಿಲು ಮದ್ಯ ಸೇವನೆ ಮಲ್ತಿತ್ತೆರ್. ಇಂಚಾದು ಪೊಲೀಸೆರ್ ವೈನ್ ಶಾಪ್ ನು ಪತ್ತುದು ತನಿಖೆನು ತೀವ್ರಗೊಳಿಸಾದೆರ್.

ಆಲನಹಳ್ಳಿ ವೈನ್ ಶಾಪ್ ಡು ಮಧ್ಯ ದೆತ್ತೊಂದಿನ ಸಿಸಿ ಟಿವಿ ಪೂಟೇಜ್ ನು ಆಧಾರಿಸಾದು 3 ಶಂಕಿತೆರೆನ್ ತನಿಖೆ ಮಲ್ತುದೆರ್.

ಅಂಚನೇ ಈ ಕಿರಾತಕೆರ್ ವಿದ್ಯಾರ್ಥಿನ ಬೆತ್ತಲೆ ವಿಡಿಯೋ ಮಲ್ತುದಿತ್ತೆರ್. ಯಂಕುಲ್ನ ವಿರುದ್ದ ದೂರುನು ಕೊರಿಯೆಂಡ ಸಾಮಾಜಿಕ ಜಾಲತಾಣೊಡು ಈ ವಿಡಿಯೊನ್ ವೈರಲ್ ಮಲ್ಪರೆ ಉಂಡು ಪಂದು ಪಂದಿತ್ತೆರ್.