ಒಡಿಪು ಸೀರೆ ಪುನಃಶ್ಚೇತನ ಕಾರ್ಲಾದ ಕದಿಕೆ ಟ್ರಸ್ಟ್ಗ್ ನಬಾರ್ಡ್ ಮಾನದಿಗೆ

ಒಡಿಪು : ಕರಿನ ಮೂಜರೆ ವರ್ಷರ್ದ್ ಮಾಜೊಂದು ಉಪ್ಪುನ ಒಡಿಪುದ ಸೀರೆ ನೇಕಾರಿಕೆ ಪುನಶ್ಚೇತನಗ್ ಬಂಗ ಬರೊಂದು ಉಪ್ಪುನ ಕದಿಕೆ ಟ್ರಸ್ಟ್‌ಗ್ ಈ ಸಲದ ನಬಾರ್ಡ್ ಪ್ರಶಸ್ತಿ ಮಾನದಿಗೆ ಮಲ್ದೆರ್.

ಮುಂಬೈಡ್ ಮುಖ್ಯ ಕಚೇರಿ ಉಪ್ಪುನ ನಬಾರ್ಡ್ ಈ ಸಲ ಕೈಮಗ್ಗ ಕ್ಷೇತ್ರಡ್ ಎಡ್ಡೆ ಸಾಧನೆ ಮಲ್ದಿನ ಮೂಜಿ ಎನ್‌ಜಿಓಡ್ ಕಾರ್ಲಾದ ಕದಿಕೆ ಟ್ರಸ್ಟ್ ಒಂಜಿ .

ಇಂಚೋಗು ಕಿನ್ನಿಗೋಳಿದ ತಾಳಿಪಾಡಿ ನೇಕಾರ ಸಹಕಾರಿ ಸಂಘಡ್ ನಡತಿನ ರಾಷ್ಟ್ರೀಯ ಕೈಮಗ್ಗ ಸಪ್ತಾಹ ಆಚರಣೆದ ಪೊರ್ತುಡು ದಕ್ಷಿಣ ಕನ್ನಡದ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಮೇರ್ ನಬಾರ್ಡ್‌ದ ಡಿಡಿಎಂ ಸಂಗೀತ ಕರ್ತಾ ಮೆರ್ನ ಮುತಾಲಿಕೆಡ್ ಕದಿಕೆ ಟ್ರಸ್ಟ್‌ದ ಗುರ್ಕಾರ್ಲಾಯಿನ ಮಮತಾ ರೈ ಮೆರೆಗ್ ನಬಾರ್ಡ್ ಪ್ರಶಸ್ತಿ ಮಾನದಿಗೆ ಮಲ್ತೆರ್.