ಕಾಸ್ರೋಡು ಜಿಲ್ಲಾ ಕುಲಾಲ ಸಂಘರ್ದ್ ಕುಲಾಲ ಆಸರೆ; ಚಿಕಿತ್ಸೆಗ್ ಪನವುದ ಸಕಾಯ
ಮಂಜೇಶ್ವರ : ಕಾಸ್ರೋಡು ಜಿಲ್ಲಾ ಕುಲಾಲ ಸಂಘ ಮಂಜೇಶ್ವರ ತೂಮಿನಾಡುದ ಮುತಾಲಿಕೆಡ್ ಕುಲಾಲ ಬಂಧುಲೆನ ಸಹಕಾರರ್ದ್ ರಚನೆ ಆಯಿನ ಕುಲಾಲ ಆಸರೆದ 17ನೇ ಸೇವಾ ಯೋಜನೆದ ಮುಕೇನ ಒಂಜಿ ಬಡಪತ್ತ್ ದ ಕುಟುಂಬಗ್ ಪನವು ಸಕಾಯನ್ ಮಲ್ತೆರ್.
ಈ ಯೋಜನೆನ್ ಕುಲಾಲ ಸಂಘ ಪುತ್ತಿಗೆ ಶಾಖೆಗ್ ಸೇರಿನ ಎಯ್ಯೂರ್ ದ ರಾಜೇಶ್ ಕುಲಾಲ್ ಮೆರೆನ ಬೊಡೆದಿ ರುಕ್ಮಿಣಿ ಮೆರೆನ ಚಿಕಿತ್ಸೆಗೆಗಾದ್ ಪನವುದ ಸಕಾಯದ ಚೆಕ್ ನ್ ಆ.2 ಕ್ಕ್ ಜಿಲ್ಲಾ ಸಂಘದ ಪ್ರಧಾನ ಕಚೇರಿಡ್ ಪಟ್ಟಿಯೆರ್.
ಈ ಪೊರ್ತುಡು ಜಿಲ್ಲಾ ಸಂಘದ ಅಧ್ಯಕ್ಷೆರ್ ನ್ಯಾಯವಾದಿ ರವೀಂದ್ರ ಮುನ್ನಿಪ್ಪಾಡಿ, ಮಂಜೇಶ್ವರ ಕುಲಾಲ ಪಂಚಾಯಿತಿ ಶಾಖೆದ ಅಧ್ಯಕ್ಷೆರ್ ಗೋಪಾಲ ಸಾಲ್ಯಾನ್ ಕಣ್ವತೀರ್ಥ, ಪುತ್ತಿಗೆ ಕುಲಾಲ ಪಂಚಾಯಿತಿ ಶಾಖೆದ ಗೌರವಾಧ್ಯಕ್ಷೆರ್ ಅಮ್ಮು ಮಾಸ್ಟರ್ ಅಂಗಡಿಮೊಗರು, ಜಿಲ್ಲಾ ಕುಲಾಲ ಸಂಘದ ಕೋಶಾಧಿಕಾರಿ ಈಶ್ವರ್ ಕಣ್ವತೀರ್ಥ, ಜಿಲ್ಲಾ ಸಂಘದ ಜತೆ ಕಾರ್ಯದರ್ಶಿ ಭೋಜ ಮಾಸ್ಟರ್ ಪಾವೂರು, ಜಿಲ್ಲಾ ಸಂಘದ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ತಾರಾನಾಥ ಕಣ್ವತೀರ್ಥ, ಆನಂದ ಕಣ್ವತೀರ್ಥ, ಪ್ರಸಾದ್ ತೂಮಿನಾಡು, ಉದಯ ಕುಮಾರ್ ಕಣ್ವತೀರ್ಥ, ಸುರೇಶ್ ಪಾಲ್ ಪಡೆದಿತ್ತೆರ್.
ಯೋಜನೆದ ಯಶಸ್ವಿಗ್ ಸಹಕಾರ ಮಲ್ತಿನ ಕುಲಾಲ ಬಂಧುಲೆಗ್ ಕಾಸ್ರೋಡು ಜಿಲ್ಲಾ ಸಂಘ ಸೊಲ್ಮೆ ಸಂದಾಂಡ್.
