ಕುಡ್ಲ ಆ.23 : ತಾಲಿಬಾನ್ ವಶೊಟ್ ಪಡೆಯಿನ ಅಫ್ಘಾನಿಸ್ತಾನೊನು ಕಾಬೂಲ್ ಡು ನ್ಯಾಟೊ ಪಡೆತ ಅಧೀನೊದ ಸಂಸ್ಥೆಯೊoಜೆಟ್ಟು ಅಕೌಂಟೆoಟ್ ಆದು ಬೇಲೆ ಮಲ್ತೊಂದಿಪ್ಪುನ ಉಳ್ಳಾಲ ಕಣೀರು ತೋಟ ಮುಲ್ಪದ ನಿವಾಸಿ ಆಯಿನಂಚಿನ ಪ್ರಸಾದ್ ಆನಂದ್(39) ಸುರಕ್ಷಿತವಾದು ಇನಿ ಇಲ್ಲಗು ಬೈದೆರ್.
ಪ್ರಸಾದ್ ಇಂಬೆರೆನ್ ಕಾಬೂಲ್ಡು ನ್ಯಾಟೊ ಪಡೆ ಕತಾರ್ ಗು ಏರ್ ಲಿಫ್ಟ್ ಮಲ್ತುದಿತ್ತೆರ್. ಮೂಜಿ ದಿನೊತ ಕಾಲ ಕತಾರ್ ಡು ಇತ್ತಿದು ಅಲ್ಪಡ್ದು ಐತಾರದಾನಿ ಕತ್ತಲೆಗ್ ದಿಲ್ಲಿಗು ಬತ್ತಿತ್ತೆರ್. ಇನಿ ಬೊಳ್ಪಗು ಕುಡ್ಲಡು ಇಪ್ಪುನ ಆರ್ನ ಇಲ್ಲಡೆ ಸರ್ದೆರ್.
ಪ್ರಸಾದ್ 2013 ಜೆಟ್ ಅಕೌಂಟೆoಟ್ ಆದು ಕಾಬೂಲ್ ದ ಮಿಲಿಟರಿ ಬೇಸ್ ಡು ಬೇಲೆಗು ಸರ್ದಿತ್ತೆರ್. ಕತಾರ್ ಡು ದಿಲ್ಲಿಗೆ ಬರ್ರ ಭಾರತೀಯ ರಾಯಭಾರ ಕಛೇರಿ ಸಹಕಾರ ಮಲ್ತೆರ್ ಪಂದು ಪ್ರಸಾದ್ ಪಂಡೆರ್.
pallavi shetty