#Kabul

ಅಮೆರಿಕ ಸೇನೆದ ಡ್ರೋನ್ ದ ದಾಳಿಗು 4 ಜೋಕುಲು ಬಲಿಯಾತೆರ್

Aug 31, 2021

ಕಾಬೂಲ್ : ಅಮೆರಿಕ ಸೇನೆ ಡ್ರೋನ್ ದ ಮೂಲಕ ಐಎಸ್ ಐಎಸ್ ಉಗ್ರೆರ್ ನ ಮಿತ್ತು ದಾಳಿ ನಡೆಸಾದೆರ್. ನೆಟ್ 10 ಮಂದಿ ಉಗ್ರೆರ್ ಸೈತು ಪೊಯೆರ್. ಅಂಡ ಈ ದಾಳಿಡು 4 ಜೋಕುಲ್ ಲ ಸೈತು ಪೊತೆರ್.

ಅಮೆರಿಕ ಉಗ್ರೆರ್ ನ ವಿರುದ್ಧ ಧಾಳಿ ನಡೆಸಾದಿನ ಸರಿ ಆಂಡ ದಾದ ತೆರಿಯಂದಿನ ಜೋಕುಲ್ ನೆಕ್ ಬಲಿಯಾತೆರ್ ಪಂಡುದು ಅಫ್ಘಾನ್ ಜನಕುಲ್ ಅಂಚನೆ ಜೋಕುಲ್ ಸಂಬಂಧಿಕೆರ್ ಪ್ರಶ್ನಿಸಾದೆರ್.

ಭಾರತೊಗು ಬರ‍್ರ ಅಫ್ಘಾನುದ ಪ್ರಜೆಕುಲೆಗ್ ಇ-ವೀಸಾ ಅಗತ್ಯ

Aug 26, 2021

ಕಾಬೂಲ್, ಆ.26 : ಅಫ್ಘಾನಿಸ್ತಾನೊದ ಇತ್ತೆ ಇಪ್ಪುನ ಪರಿಸ್ಥಿತಿದ ಹಿನ್ನಲೆಡು, ಅಫ್ಘಾನ್ ದ ಪ್ರಜೆಕುಲೆಗ್ ಅಕುಲ್ನ ದೇಶೊಡ್ದು ಭಾರತೊಗು ಬರ‍್ರ, ದುಂಬು ಇತ್ತಿನ ವೀಸಾಲು, ಸಿಂಧುತ್ವನು ಹೊಂದುದು ಇಪ್ಪುಜಿ ಪಂದು ಕೇಂದ್ರ ಗೃಹ ಸಚಿವಾಲಯ ಬುಧಾರದಾನಿ ಪಂತುದುoಡು.

ಇಂಚಾದು ಮಾತ ಅಫ್ಘಾನ್ ಪ್ರಜೆಕುಲ್ ಭಾರತೊಗು ಬರ‍್ರ ಇ-ವೀಸಾ ದ ಮುಖಾಂತರನೇ ಬರೋದು ಪಂದು ತೆರಿಪಾದೆರ್.

ಅಫ್ಘಾನ್ ಪ್ರಜೆಕುಲ್ನ ಪಾಸ್‌ಪೋರ್ಟ್ಲು ಇತ್ತೆ ಕೈಜಾರುದು ಪೊತುಂಡು. ಅಂಚಾದು ಭಾರತೊಡು ನೆಲೆಯಾದಿಪ್ಪುನ ಮಾತ ಅಫ್ಘಾನ್ ಪ್ರಜೆಕುಲೆಗ್ ದುಂಬು ಕೊರ‍್ತಿನ ವೀಸಾಲೆನ್ ತಕ್ಷಣೊಡೆ ಜಾರಿಗೆ ಬರ‍್ಪುಲೆಕ ಅಸಿಂಧು ಮಲ್ತುದೆರ್ ಪಂಡುದು ಗೃಹ ಸಚಿವಾಲಯ ತೆರಿಪಾದೆರ್.

ಅಫ್ಘಾನಿಸ್ತಾನಡ್ದು ಏರ್ ಲಿಫ್ಟ್ ಮುಖೇನ ಕುಡ್ಲಗು ಬತ್ತಿನ ಪ್ರಸಾದ್ ಆನಂದ್

Aug 23, 2021

ಕುಡ್ಲ ಆ.23 : ತಾಲಿಬಾನ್ ವಶೊಟ್ ಪಡೆಯಿನ ಅಫ್ಘಾನಿಸ್ತಾನೊನು ಕಾಬೂಲ್ ಡು ನ್ಯಾಟೊ ಪಡೆತ ಅಧೀನೊದ ಸಂಸ್ಥೆಯೊoಜೆಟ್ಟು ಅಕೌಂಟೆoಟ್ ಆದು ಬೇಲೆ ಮಲ್ತೊಂದಿಪ್ಪುನ ಉಳ್ಳಾಲ ಕಣೀರು ತೋಟ ಮುಲ್ಪದ ನಿವಾಸಿ ಆಯಿನಂಚಿನ ಪ್ರಸಾದ್ ಆನಂದ್(39) ಸುರಕ್ಷಿತವಾದು ಇನಿ ಇಲ್ಲಗು ಬೈದೆರ್.

ಪ್ರಸಾದ್ ಇಂಬೆರೆನ್ ಕಾಬೂಲ್ಡು ನ್ಯಾಟೊ ಪಡೆ ಕತಾರ್ ಗು ಏರ್ ಲಿಫ್ಟ್ ಮಲ್ತುದಿತ್ತೆರ್. ಮೂಜಿ ದಿನೊತ ಕಾಲ ಕತಾರ್ ಡು ಇತ್ತಿದು ಅಲ್ಪಡ್ದು ಐತಾರದಾನಿ ಕತ್ತಲೆಗ್ ದಿಲ್ಲಿಗು ಬತ್ತಿತ್ತೆರ್. ಇನಿ ಬೊಳ್ಪಗು ಕುಡ್ಲಡು ಇಪ್ಪುನ ಆರ‍್ನ ಇಲ್ಲಡೆ ಸರ‍್ದೆರ್.

ಪ್ರಸಾದ್ 2013 ಜೆಟ್ ಅಕೌಂಟೆoಟ್ ಆದು ಕಾಬೂಲ್ ದ ಮಿಲಿಟರಿ ಬೇಸ್ ಡು ಬೇಲೆಗು ಸರ‍್ದಿತ್ತೆರ್. ಕತಾರ್ ಡು ದಿಲ್ಲಿಗೆ ಬರ‍್ರ ಭಾರತೀಯ ರಾಯಭಾರ ಕಛೇರಿ ಸಹಕಾರ ಮಲ್ತೆರ್ ಪಂದು ಪ್ರಸಾದ್ ಪಂಡೆರ್.