ಪಾಲಿಕೆ ಸಭೆಟ್ ತುಲುಪರ ಮೋಕೆ ತೋಜಾಯಿನ ಶ್ರೀ ವರುಣ್ ಚೌಟ

ಕುಡ್ಲ, ಜುಲೈ 29: ಕುಡ್ಲ ಮಹಾನಗರ ಪಾಲಿಕೆಡ್ ನಡತಿನ ಸಭೆಟ್ ಪಾಲ್ ಪಡೆಯಿನ ಪಾಲಿಕೆದ ಪದುಕೆರಾಯಿನ ಶ್ರೀ ವರುಣ್ ಚೌಟ ಕೇಪುಲ ರಂಗ್ ದ ತುಲುನಾಡ ಸಾಲ್ ಪಾಡೊಂದು ತುಲು ಪರ ಮೋಕೆ ತೂಜಾಯಿನ ಶ್ಲಾಘನೀಯ.

ಶ್ರೀ ವರುಣ್ ಚೌಟ ಮೆರೆನ ಬಿನ್ನಾಪುದ ಮಿತ್ತ್ ತುಲು ಲಿಪಿತ ಪೊಲಬು ಮಲ್ಪುನೆತ್ತ ಒಟ್ಟುಗು ತುಳು ಭಾಷೆನ್ 8ನೇ ಪರಿಚ್ಛೇದಗ್ ಸೇರಾವುನ ಬಗ್ಗೆ ರಾಜ್ಯ ಸರಕಾರಗ್ ಪ್ರಸ್ತಾವನೆನ್ ಸಲ್ಲಿಸಾದೆರ್.

ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆನ್ 8ನೆ ಪರಿಚ್ಛೇದಗ್ ಸೇರಾವುನ ಆಗ್ರಹ ಕೆಲವು ದಶಕರ್ದ್ ಕೇಂದ್ ಬರೊಂದು ಉಂಡು ಆಂಡ ಆ ಹೋರಾಟಗ್ ನನಲ ನ್ಯಾಯ ತಿಕ್ಕಿಜಿ . ಇಂಚೋಗು ಸೋಶಿಯಲ್ ಮೀಡಿಯಾ ಮುಖೇನ ತುಲು ನಾಡ್ ದ ಜನಕುಲು ಸೊರ ಲಕ್ಕಾದೆರ್. ನೆಕ್ಕ್ ಸಾಕ್ಷಿಯಾದ್ ಜೂನ್ 13, 2021ಕ್ಕ್ ಟ್ವಿಟರ್‌ಡ್#Tuluto8thsehedule#TuuOfficial inKA-KL ಪಂದ್ ಟ್ವಿಟರ್ ಅಭಿಯಾನಡ್ ಲಕ್ಷ ಲಕ್ಷ ತುಳು ಭಾಷೆ ಪ್ರೇಮಿಲು ದೇಶ ವಿದೇಶರ್ದ್ ಪ್ರತಿಕ್ರಿಯೆ ಕೊರ್ತೆರ್ .ಈ ಬಗ್ಗೆ ಮಂಗಳೂರು ಮಹಾನಗರ ಪಾಲಿಕೆ ಡ್ ತುಳು ಲಿಪಿತ ಪೊಲಬು ಮಲ್ತಿನ ಮೆರ್ನ ಕಾರ್ಯ ಶ್ಲಾಘನೀಯ.