July 29, 2021

ರಾಜ್ಯದ 30ನೇ‌ ಸಿಎಂ ಆದ್ ಬಸವರಾಜ ಬೊಮ್ಮಾಯಿ ಪ್ರಮಾಣವಚನ ಸ್ವೀಕಾರ

ಬೆಂಗ್ಳೂರು : ಕೋಡೆ ಆತೆ ರಾಜ್ಯದ ಪೊಸ ಮುಖ್ಯಮಂತ್ರಿಯಾದ್ ಆಯ್ಕೆ ಆಯಿನ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನಡ್ ನಡತಿನ ಸರಳ ಲೇಸ್ ಡ್ , 30ನೇ ಮುಖ್ಯಮಂತ್ರಿಯಾದ್ ದೇವೆರ್ನ ಪುದರ್ ಡ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ರಾಜಕೀಯ ಹಿನ್ನಲೆ, ಉತ್ತಮ ನಡೆ, ವಿದ್ಯಾರ್ಹತೆ ಉಪ್ಪುನರ್ , ರಾಜಕೀಯ ಅನುಭವ ಉಪ್ಪುನಂಚಿನ ಬಸವರಾಜ ಬೊಮ್ಮಾಯಿನ್ ಬಿಎಸ್ ಯಡಿಯೂರಪ್ಪ ರ್ದ್ ಬೊಕ್ಕ , ಕರ್ನಾಟಕದ 30ನೇ ಮುಖ್ಯಮಂತ್ರಿಯಾದ್ ಆಯ್ಕೆ ಮಲ್ತೆರ್ . ಇಂಚಿನ ಪೊಸ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನದ ಗಾಜಿನ ಅರಮನೆಡ್ ನಡತಿನ ಸರಳ ಲೇಸ್ ಡ್ , ಪ್ರಮಾಣ ವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ಸ್ಯಾಂಡಲ್ ವುಡ್ ಗ್ ಕಾರ್ ದೀನ ವೈಷ್ಣವ ಪ್ರೊಡಕ್ಷನ್ ಭರತ್ ಚಿತ್ರತಂಡ

ಕುಡ್ಲ : ಪೊಸ ಕೂಟ ಹೊಸ ಪ್ರಯತ್ನ ಪೊಸತನದೊಟ್ಟುಗು ಸ್ಯಾಂಡಲ್ ವುಡ್ಗ್ ಕಾರ್ ದೀನ ವೈಷ್ಣವ ಪ್ರೊಡಕ್ಷನ್ ಭರತ್ ಚಿತ್ರತಂಡ ಅವ್ವೆತೋ ಪೆರಿಯ ಕಲಾವಿದೆರ್ ಬೊಕ್ಕ ಸ್ಯಾಂಡಲ್ ವುಡ್ ಸ್ಟಾರ್ ಲೆನ್ ಸಂಪರ್ಕ ಮಲ್ಪುನ ಪ್ರಯತ್ನ ಮಲ್ತುಂಡು.

ನೇರ ಮುಖಾಮುಖಿ ಯಾ ದೂರವಾಣಿ ಸಂಪರ್ಕ ಬೊಕ್ಕ ಅಕ್ಲೆನ ಆಪ್ತೆರ್ನ ಒಟ್ಟುಗು ಪಾತೆರ್ದ್ ಚಿತ್ರತಂಡದೊಟ್ಟುಗು ವಿಚಾರ ವಿನಿಮಯ ನಡಪಾಯೆರೆ ಪೊರ್ತು ಕೊರಿಯೆರ್ . ತಯಾರಿ ನಡತೊಂದು ಉಪ್ಪುನೆರ್ದಾವರ ಆಯಿನಾತ್ ಬೆಗೋಡೆ ಈ ಪ್ರಕ್ರಿಯೆ ಮುಗಿದ್ ಮರುಚಿತ್ರೀಕರಣಗ್ ಆಯೆರೆ ಉಂಡು .
ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್.ರೆಹಮಾನ್ ಸೇರಿನಂಚ ತಮಿಳು ತೆಲುಗು ಚಿತ್ರರಂಗದ ಅವ್ವೆತೋ ಚಿತ್ರತಂಡದ ಸಾಧನೆಗ್ ಎಡ್ಡೆಪ್ಪು ಬಯಕಿಯೆರ್ .

ವಯೋಸಹಜ ಅನಾರೋಗ್ಯರ್ದ್ ತೀರ್ ಪೋಯಿನ ಜೆ.ವಿ. ಸನ್ಸ್ ಸಂಸ್ಥೆದ ಸ್ಥಾಪಕೆರಾಯಿನ ಜೆ.ವಿ.ಸೀತಾರಾಮ್

ಕುಡ್ಲ, ಜುಲೈ 29: ಉದ್ಯಮಿ, ಜೆ.ವಿ. ಸನ್ಸ್ ಸಂಸ್ಥೆದ ಸ್ಥಾಪಕ, ಗೋಕರ್ಣನಾಥ ಕಾಲೇಜ್ ದ ಆಡಳಿತ ಮಂಡಳಿಯ ಗುರ್ಕಾರ್ಲಾಯಿನ ಜೆ.ವಿ.ಸೀತಾರಾಮ್(93) ವಯೋಸಹಜ ಅನಾರೋಗ್ಯರ್ದ್ ಬುಧವಾರ ತೀರ್ ಪೋಯೆರ್.

ಮೃತೆರ್ ಪುತ್ರ, ಪುತ್ರಿ ಸಹಿತ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್. ಮೆರ್ನ ಅಂತ್ಯಕ್ರಿಯೆ ಕೋಡೆ ಬೈಯ್ಯಗ್ 4 ಗಂಟೆಗ್ ನಂದಿಗುಡ್ಡೆ ಸ್ಮಶಾನಡ್ ನಡಪರೆ ಉಂಡು ಪಂದ್ ಕುಟುಂಬದಕುಲು ಪಂಡೆರ್.

ಯಶಸ್ವಿ ಉದ್ಯಮಿ, ಅವ್ವೆತೋ ವಿದ್ಯಾಸಂಸ್ಥೆ, ಧಾರ್ಮಿಕ ಕೇಂದ್ರದ ಏಳಿಗೆಗ್ ಬೆಂತಿನ ಜೆ.ವಿ.ಸೀತಾರಾಮ್ ಮೇರ್ ಬಿಲ್ಲವ ಸಮಾಜದ ಮುಖಂಡೇರಾದ್ ಗುರ್ತಿಸಾದ್ ಇತ್ತೆರ್ . ಗೋಕರ್ಣನಾಥ ಬ್ಯಾಂಕ್ ದ ಮಾಜಿ ಗುರ್ಕಾರ್ಲಾದ್ , ವಿಜಯ ಬ್ಯಾಂಕ್ ದ ಮಾಜಿ ನಿರ್ದೇಶಕೆರಾದ್ ಬೇಲೆ ಮಲ್ದೆರ್ .

ಏಮ್ಸ್ ಪಿಜಿ ಪ್ರವೇಶ ಪರೀಕ್ಷೆ : ದೀಕ್ಷಾ ಡಿ.ಎಸ್ ಗ್ 8ನೇ ರ‍್ಯಾಂಕ್

ಪುತ್ತೂರು: 2021ನೇ ಸಾಲ್ ದ ಏಮ್ಸ್ ಪಿಜಿ ಪ್ರವೇಶ ಪರೀಕ್ಷೆದ ಫಲಿತಾಂಶ ಬೈದುಂಡು , ಪುತ್ತೂರುದ ವಿವೇಕಾನಂದ ಪದವಿಪೂರ್ವ ಕಾಲೇಜ್ ದ ಹಿರಿಯ ವಿದ್ಯಾರ್ಥಿನಿ ದೀಕ್ಷಾ ಡಿ.ಎಸ್ ಮೇರ್ ಅಖಿಲ ಭಾರತ ಮಟ್ಟಡ್ 8ನೇ ರ‍್ಯಾಂಕ್ ಪಡೆತೆರ್ .

ಮೇರ್ ಪುತ್ತೂರುದ ಕೆದಂಬಾಡಿ ಗ್ರಾಮದ ತಿಂಗಳಾಡಿಯ ಕೈತಲ್ ದ ನಿವಾಸಿ ಶ್ಯಾಮ್ ಪ್ರಸಾದ್ ಡಿ. ಬೊಕ್ಕ ಜಯಶ್ರೀ ಎಸ್. ಪ್ರಸಾದ್ ದಂಪತಿಲೆನ ಮಗಲ್ .ವಿವೇಕಾನಂದ ಪದವಿಪೂರ್ವ ಕಾಲೇಜ್ ಡ್ ಪಿಯು ಶಿಕ್ಷಣ ಪಡೆತೆರ್ . ಐರ್ದ್ ಬೊಕ್ಕ ಮೈಸೂರುದ ಮೆಡಿಕಲ್ ಕಾಲೇಜ್ ಡ್ ಎಂಬಿಬಿಎಸ್ ಪದವಿ ಪಡೆತೆರ್.

ಸರಕಾರ ಮೀನುಗಾರೆರರ್ನ ಕಷ್ಟಗ್ ಸ್ಪಂದನೆ ಕೊರಡ್ : ಒಡಿಪು ಜಿಲ್ಲಾ ಕಾಂಗ್ರೆಸ್

ಒಡಿಪು, ಜುಲೈ 29: ಬರ್ಪಿನ ಆಗಸ್ಟ್ ತಿಂಗೊಲ್ ಡು ಕರಾವಳಿಡ್ ಮೀನುಗಾರಿಕಾ ಋತು ಸುರು ಆಪಿನ ನೆಲೆಟ್ಟ್ ಸರಕಾರ, ಆಯಿನಾತ್ ಬೇಗ ಮೀನುಗಾರಿಕೆಗ್ ಅನುವು ಮಲ್ತ್ ಕೊರ್ರೆ ಡೀಸೆಲ್ ಪಾಸ್ ಪುಸ್ತಕದ ನವೀಕರಣ ಮಲ್ಪೊಡು ಪಂದ್ ಒಡಿಪು ಜಿಲ್ಲಾ ಕಾಂಗ್ರೆಸ್ ರಾಜ್ಯದ ನೂತನ ಸರಕಾರನ್ ಅಗ್ರಹ ಮಲ್ದುಂಡು .

ಕೊರೋನಾ ಸಂಕಷ್ಟದ ಕಾಲಡ್ ಲಾ ಸರಕಾರ ಅಧಿಕಾರನ್ ಒರಿಪಾವುನಲ್ಪ ಬೇಲೆ ಮಲ್ತೊಂದು ಉಂಡು ಅತ್ತoದೆ ಜನಕ್ಲೆನ ಸಂಕಷ್ಟಗ್ ಪರಿಹಾರ ಕೊರ್ಪಿನ ಒವ್ವೆ ಕ್ರಮ ದೆತೊನಂದಿನ ಖಂಡನೀಯ ಪಂದ್ ಪಂಡೆರ್.

ಡಾ. ಕವಿ ನಾಡೋಜ ಕಯ್ಯಾರ ಕಿಞ್ಞಣ್ಣ ರೈ ಮಾರ್ಗಗ್ ತುಲು ಬರವುದ ಪುದರ್ ಪಲವೆ ಪಾಡರೆ ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆರ್ದ್ ಬಿನ್ನಾಪು

ಕಾಸ್ರೊಡು, ಜುಲೈ 29: ಡಾ. ಕವಿ ನಾಡೋಜ ಕಯ್ಯಾರ ಕಿಞ್ಞಣ್ಣ ರೈ ಮಾರ್ಗ ತುಲು ಬರವುದ ಪುದರ್ ಪಲವೆನ್ ಪಾಡೊದು ಪಂದ್ ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆರ್ದ್ ಬದಿಯಡ್ಕದ ಪಿಡಬ್ಲ್ಯುಡಿ ಇಲಾಖೆದ ಅಸಿಸ್ಟೆಂಟ್ ಇಂಜಿನಿಯರ್ ಮೆರೆಗ್ ಬಿನ್ನಾಪು ಮಲ್ತೆರ್.

ಈ ಪೋರ್ತುಡು ಜೈ ತುಲುನಾಡ್ (ರಿ.)ಕಾಸ್ರೋಡು ಎಗ್ಗೆದ ಗುರ್ಕಾಲಾಯಿನ ಹರಿಕಾಂತ್ ಸಾಲ್ಯಾನ್, ಕಾರ್ಯಂತೆರಾಯಿನ ಕಾರ್ತಿಕ್ ಕೆ.ಎನ್, ಪ್ರವೀಶ್ ಕುಲಾಲ್,ದೇವಿ ಪ್ರಸಾದ್, ಜಗನ್ನಾಥ ಕುಲಾಲ್ ಒತ್ತುಪಾಲಿತ್ತೆರ್.

ಡಾ. ನಾಡೋಜ ಕಯ್ಯಾರ ಕಿಞ್ಞಣ್ಣ ರೈ ಗ್ರಂಥಾಲಯಡ್ ತುಲುಲಿಪಿ ಪುದರ್ ಪಲವೆ ಪಾಡರೆ ಕಾಸ್ರೋಡ್ದ ಬದಿಯಡ್ಕ ಪಂಚಾಯತ್ ಗುರ್ಕಾರ್ಲೆಡ ಅರಿಕೆ

ಕಾಸ್ರೊಡು, ಜುಲೈ 29: ಡಾ. ನಾಡೋಜ ಕಯ್ಯಾರ ಕಿಞ್ಞಣ್ಣ ರೈ ಗ್ರಂಥಾಲಯಡ್ ತುಲು ಬರವುದ ಪುದರ್ ಪಲವೆನ್ ಪಾಡೊದು ಪಂದ್ ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆರ್ದ್ ಬದಿಯಡ್ಕ ಪಂಚಾಯತ್‌ದ ಗುರ್ಕಾರ್ಲೆಗ್ ಬಿನ್ನಾಪು ಮಲ್ತೆರ್.

ಈ ಪೋರ್ತುಡು ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆದ ಗುರ್ಕಾಲು ಹರಿಕಾಂತ್ ಸಾಲ್ಯಾನ್ ಬೊಕ್ಕ ಪದುಕೆರ್ ಕಾರ್ತಿಕ್ ಕೆ.ಎನ್, ಪ್ರವೀಶ್ ಕುಲಾಲ್, ದೇವಿ ಪ್ರಸಾದ್, ಜಗನ್ನಾಥ ಕುಲಾಲ್ ಒತ್ತುಪಾಲಿತ್ತೆರ್.