July 22, 2021

ರೋಗಿಲೆಗ್ ವನಸ್ ಪಟ್ಟುನ ಮುಖೇನ ವಿಶಿಷ್ಟ ರೀತಿಡ್ ಬಕ್ರೀದ್ ಆಚರಣೆ

ಪುತ್ತೂರು,ಜು.22: ನಾಡ್ ಡ್ ತ್ಯಾಗ ಬಲಿದಾನದ ಸಂಕೇತವಾಯಿನ ಬಕ್ರೀದ್ ಗೌಜಿಡ್ ನಡತುಂಡು . ಕೊರೋನ ಕಾರಣ ಸರಕಾರದ ಮುನ್ನೆಚ್ಚರಿಕೆನ್ ಪಾಲಿಸಾದ್ ಮಸೀದಿಡ್ ಪ್ರಾರ್ಥನೆ ನಡಪಾಯೆರ್.

.

ನೆತ್ತ ಒಟ್ಟುಗು ಸಾಮಾಜಿಕವಾದ್ ಯಶಸ್ವಿ ಕಾರ್ಯಚಟುವಟಿಕೆನ್ ಮಲ್ತೊಂದು ಉಪ್ಪುಂಕ್ ಸೆಕ್ಯೂಲರ್ ಯೂತ್ ಫಾರಂ ಪುತ್ತೂರು ಕೂಟದ ವತಿರ್ದ್ ಪುತ್ತೂರು ಸರಕಾರಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಪ್ಪುನ ಸುಮಾರ್ 150 ರೋಗಿಲೆಗ್ ಉಚಿತ ವನಸ್ ಪಟ್ಟುನ ಮುಖೇನ ಸಂಘಟನೆದ ಸದಸ್ಯೆರ್ ತಮ್ಮ ಈ ಸಲದ ಈದ್ ಪರ್ಬನ್ ವಿಶಿಷ್ಟವಾದ್ ಆಚರಣೆ ಮಲ್ತೆರ್ .

ಈ ಪೊರ್ತುಡು ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಒತ್ತು ಗುರ್ಕಾರ್ಲಾಯಿನ ಇಕ್ಬಾಲ್ ಪೆರಿಗೇರಿ, ಪುತ್ತೂರು MYC ವೈಧ್ಯಕೀಯ ಸಮಿತಿ ಗುರ್ಕಾರ್ಲಾಯಿನ ನಝೀರ್ ಬಲ್ನಾಡ್, ಸೆಕ್ಯೂಲರ್ ಯೂತ್ ಫಾರಂ ಪುತ್ತೂರು ಸಂಘಟನೆದ ಪದಾಧಿಕಾರಿಲಾಯಿನ ಮೋನು ಬಪ್ಪಳಿಗೆ, ರಶೀದ್ ಮುರ, ಆಲಿ ಪರ್ಲಡ್ಕ, ಬಶೀರ್ ಪರ್ಲಡ್ಕ, ಹಂಝತ್ ಸಾಲ್ಮರ, ವಿಕೆ ಶರೀಫ್ ಬಪ್ಪಳಿಗೆ, ಸನದ್ ಯೂಸುಫ್, ಇಂತಿಯಾಝ್ ಬಪ್ಪಳಿಗೆ, ಜಲೀಲ್ ಬಲ್ನಾಡ್, ಆಸಿಫ್ ಗೋಳಿಕಟ್ಟೆ, ಸಫ್ವಾನ್ ಕೂರತ್, ಶಮೀರ್ ಬೆದ್ರಾಳ, ತವೀದ್, ಇರ್ಶಾದ್ ಸಾಲ್ಮರ, ಬಿಎಚ್ ರಝಾಕ್ ಸಾಲ್ಮರ, ಅಶ್ರಫ್ ಸವಣೂರು ಪಾಲ್ ಪಡೆದಿತ್ತೆರ್ .

ಜುಲೈ 26ರ್ದ್ ಕೃಷಿ ಅಭಿಯಾನ : ಒಡಿಪು ಜಿಲ್ಲಾಧಿಕಾರಿ

ಒಡಿಪು, ಜುಲೈ 22: ಜಿಲ್ಲೆಡ್ ಜುಲೈ 26ರ್ದ್ ಕೃಷಿ ಅಭಿಯಾನ ಲೇಸ್ ನ್ ಅಟ್ಟನೆ ಮಲ್ದೆರ್ . ಈ ಕಾರ್ಯಕ್ರಮಡ್ ರೈತೆರೆಗ್ ಕೃಷಿ ಬೊಕ್ಕ ತೋಟಗಾರಿಕಾ ಇಲಾಖೆರ್ದ್ ತಿಕ್ಕುನ ವಿವಿಧ ಸೌಲಭ್ಯದ ಬಗ್ಗೆ ಸಮಗ್ರ ಮಾಹಿತಿನ್ ಕೊರ್ಪಿಲಕ ಜಿಲ್ಲಾಧಿಕಾರಿ ಜಿ. ಜಗದೀಶ್ ತೆರಿಪಾಯೆರ್ .

ಅಂಗಾರೆ ಮಣಿಪಾಲದ ಜಿಲ್ಲಾಧಿಕಾರಿ ಕಛೇರಿ ಸಭಾಂಗಣಡ್ 2021-22ನೇ ಸಾಲ್ ದ ಸಮಗ್ರ ಕೃಷಿ ಅಭಿಯಾನ ಲೇಸ್ ಜಿಲ್ಲಾ ಮಟ್ಟದ ಅನುಷ್ಠಾನ ಸಮಿತಿ ಸಭೆತ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್ .

ಸಮಗ್ರ ಕೃಷಿ ಅಭಿಯಾನನ್ ಜಿಲ್ಲೆದ ಮಾತಾ ತಾಲ್ಲೂಕುಡು ಜು.26 ರ್ದ್ ಆಗಸ್ಟ್ 7 ಮುಟ ಅಟ್ಟನೆ ಮಲ್ತ್ ತೋಟಗಾರಿಕಾ ಇಲಾಖೆ ಅಧಿಕಾರಿಲು ಬೊಕ್ಕ ಕೃಷಿ ವಿಜ್ಞಾನಿಲೆನ ಕೂಟ ಮಾತಾ ಗ್ರಾಮಗ್ ಭೇಟಿ ಕೊರ್ದು ಸಮಗ್ರ ಕೃಷಿ ಅಭಿವೃಧ್ದಿ ಕುರಿತು ರೈತರೆಗ್ ವಿವರ ವಾದ ಮಾಹಿತಿ ಕೊರೊಡು ಪಂದ್ ಜಿಲ್ಲಾಧಿಕಾರಿ ಪಂಡೆರ್ .

ಆಸ್ಕರ್ ಫೆರ್ನಾಂಡಿಸ್ ನ ಅರೋಗ್ಯ ವಿಚಾರಣೆ ಮಲ್ತಿನ ಎಂ. ಬಿ ಪಾಟೀಲ್

ಕುಡ್ಲ, ಜುಲೈ 22: ಕಾಂಗ್ರೆಸ್ ಪೆರಿಯ ಮುಖಂಡ ಆಸ್ಕರ್ ಫರ್ನಾಂಡಿಸ್ ಆಸ್ಪತ್ರೆಗ್ ದಾಖಲಾಯಿನ ನೆಲೆಟ್ಟ್ ಮಾಜಿ ಸಚಿವ ಎಂ.ಬಿ.ಪಾಟೀಲ್ ಕುಡ್ಲದ ಯೆನೆಪೋಯಾ ಆಸ್ಪತ್ರೆಗ್ ಭೇಟಿ ಕೊರ್ದು ಆಸ್ಕರ್ ಫರ್ನಾಂಡಿಸ್ ಮೆರ್ನ ಆರೋಗ್ಯ ವಿಚಾರಣೆ ಮಲ್ತೆರ್ .

ಇಲ್ಲಡ್ ಜಾರ್ದ್ ಬೂರ್ದು ಗಾಯ ಆಯಿನ ಆಸ್ಕರ್ ಫರ್ನಾಂಡಿಸ್ ಮೆರೆಗ್ ಮೆದುಳುಗು ಪೆಟ್ಟ್ ಬೂರ್ದು ಸದ್ಯ ಪ್ರಜ್ಞಾಹೀನ ಸ್ಥಿತಿಡ್ ಉಲ್ಲೆರ್ .ಆಸ್ಕರ್ ಭೇಟಿ ಕೊರಿ ಬೊಕ್ಕ ಪಾತೆರಿನ ಎಂ ಬಿ ಪಾಟೀಲ್, ಮೆರೆಗ್ ಸದ್ಯ ಪರಿಣಿತ ತಜ್ಞ ವೈದ್ಯೇರ್ನ ಕೂಟ ಚಿಕಿತ್ಸೆ ಕೊರೊಂದು . ಮಣಿಪಾಲ್ ವೈದ್ಯೆರ್ ಸೇರಿನಂಚ ಬೇತೆ ಬೇತೆ ತಜ್ಞ ವೈದ್ಯೆರ್ ಚಿಕಿತ್ಸೆ ಕೊರೊಂದು ಉಲ್ಲೆರ್ . ಸೋನಿಯಾ ಗಾಂಧಿ, ರಾಹುಲ್, ಪ್ರಿಯಾಂಕ ಆಸ್ಕರ್ ಕುಟುಂಬದ ಒಟ್ಟುಗು ಪೋದಿತ್ತೆರ್ . ಪೇಜಾವರ ಸ್ವಾಮೀಜಿಲುಲಾ ಆರ್ನ ಆರೋಗ್ಯ ವಿಚಾರಣೆ ಮಲ್ತೆರ್.

ಒಡಿಪು ಜಿಲ್ಲೆಡ್ ಸರಳ ರೀತಿಡ್ ಬಕ್ರೀದ್ ಆಚರಣೆ

ಒಡಿಪು, ಜುಲೈ 22: ಕೋವಿಡ್ ಭೀತಿದ ನಡುಟು ಮಾತಾ ರೀತಿದ ಸುರಕ್ಷತಾ ಕ್ರಮತೊಟ್ಟುಗು ಒಡಿಪುದ ಮಸೀದಿಡ್ ಜು.21ಕ್ಕ್ ವಿಶೇಷ ನಮಾಝ್‌ ಮಲ್ಪುನ ಮುಖೇನ ಬಕ್ರೀದ್ ಹಬ್ಬ(ಈದುಲ್ ಅಝಾ) ಸರಳವಾದ್ ಆಚರಣೆ ಮಲ್ತೆರ್.

ಒಡಿಪು ಜಾಮೀಯ ಮಸೀದಿಡ್ ಖತೀಬ್ ಮೌಲಾನ ರಶೀದ್ ಅಹ್ಮದ್ ನದ್ವಿ ಉಮ್ರಿ ಬೊಕ್ಕ ಮೂಳೂರು ಜುಮಾ ಮಸೀದಿಡ್ ಖತೀಬ್ ಅಲ್‌ಹಾಜ್ ಅಬ್ದುರ್ರಹ್ಮಾನ್ ಮದನಿ ಮುತಾಲಿಕೆಡ್ ಈದ್ ನಮಾಝ್ ಬೊಕ್ಕ ಖುತ್ಬಾ ಪಾರಾಯಣ ನಡತುಂಡು .

ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ ಅನುಷ್ಠಾನಡ್ ಎಸ್‍ಸಿಡಿಸಿಸಿ ಬ್ಯಾಂಕ್ ರಾಜ್ಯಗ್ ಸುರುತ ಸ್ಥಾನ

ಕುಡ್ಲ, ಜುಲೈ 22: ರೈತೆರ್ನ ಪಾಲ್ ಗ್ ವರದಾನ ಆತಿನ ಕೇಂದ್ರ ಸರಕಾರದ ಬಹು ಮಹಾತ್ವಾಕಾಂಕ್ಷೆದ ಯೋಜನೆಯಾಯಿನ ‘ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ’ನ್ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ (ಎಸ್‍ಸಿಡಿಸಿಸಿ ಬ್ಯಾಂಕ್) ಸಮರ್ಪಕವಾದ್ ಜಾರಿಗ್ ಕಂತ್ ರಾಜ್ಯಡ್ ಸುರುತ ಸ್ಥಾನ ಕಂತಿನವು ಪೆರ್ಮೆದ ವಿಚಾರ ಪಂದ್ ಎಸ್‍ಸಿಡಿಸಿಸಿ ಬ್ಯಾಂಕ್‍ದ ಗುರ್ಕಾರ್ಲಾಯಿನ ಡಾ.ಎಂ.ಎನ್. ರಾಜೇಂದ್ರ ಕುಮಾರ್ ಪಂಡೆರ್ .

ಮೇರ್ ಬ್ಯಾಂಕ್ ಡ್ ಕೆನರಾ ಬ್ಯಾಂಕ್ ಬೊಕ್ಕ ಲೀಡ್ ಡಿಸ್ಟ್ರಿಕ್ಟ್ ಬ್ಯಾಂಕ್ ವತಿರ್ದ್ ನಡತಿನ ಮಾನದಿಗೆ ಸ್ವೀಕಾರ ಮಲ್ತ್ ಪಾತೆರಿಯೆರ್.ಈ ಪೊರ್ತುಡು ಲೀಡ್ ಡಿಸ್ಟ್ರಿಕ್ಟ್ ಮೆನೇಜರ್ ಪ್ರವೀಣ್, ತೋಟಗಾರಿಕಾ ಇಲಾಖೆದ ಉಪನಿರ್ದೇಶಕೆರಾಯಿನ ಹೆಚ್.ಎನ್. ನಾಯಕ್, ನಬಾರ್ಡ್ ಡಿಡಿಎಂ ಶ್ರೀಮತಿ ಸಂಗೀತಾ ಕರ್ತ, ಸಹಕಾರಿ ಸಂಘದ ಉಪನಿಬಂಧಕೆರಾಯಿನ ಪ್ರವೀಣ್ ಬಿ. ನಾಯಕ್, ಬ್ಯಾಂಕಿನ ಉಪಾಧ್ಯಕ್ಶೆರಾಯಿನ ವಿನಯಕುಮಾರ್ ಸೂರಿಂಜೆ, ನಿರ್ದೇಶಕೆರಾಯಿನ ಶಶಿಕುಮಾರ್ ರೈ ಬಾಲ್ಯೊಟ್ಟು, ರಾಜು ಪೂಜಾರಿ, ಎಸ್.ಬಿ. ಜಯರಾಮ್ ರೈ, ಮಹೇಶ್ ಹೆಗ್ಡೆ, ಐಕಳ ಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು, ಟಿ.ಜಿ. ರಾಜಾರಾಮ್ ಭಟ್, ಬ್ಯಾಂಕ್ದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬಿ.ರವೀಂದ್ರ, ಮಹಾ ಪ್ರಬಂಧಕೆರಾಯಿನ ಗೋಪಿನಾಥ್ ಭಟ್, ಸಹಕಾರ ಸಂಘದ ಸಹಾಯಕ ನಿಬಂಧಕೆರಾಯಿನ ಶ್ರೀ ಸುಧೀರ್ ಕುಮಾರ್ ಬೊಕ್ಕ ಬ್ಯಾಂಕ್ ದ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.