July 11, 2021

ಕುಡ್ಲ ಬೊಕ್ಕ ಒಡಿಪುಡು ನಾಗರಿಕ ಪೊಲೀಸ್ ಕಾನ್ಸ್ಟೇಬಲ್ ಹುದ್ದೆಗ್ ಲೆಪ್ಪು

ಕುಡ್ಲ, ಜುಲೈ 11: ತುಳುನಾಡು ಜಿಲ್ಲೆಲಾಯಿನ ಕುಡ್ಲ ಬೊಕ್ಕ ಒಡಿಪುಡು ನಾಗರಿಕ ಪೊಲೀಸ್ ಕಾನ್ಸ್ಟೇಬಲ್ ನೇರ ನೇಮಕಾತಿ ಪ್ರಕ್ರಿಯೆ ಸುರು ಆತುಂಡು.

ಅರ್ಜಿ ಸಲ್ಲಿಸಾಯೆರೆ ಕಡೆತ ದಿನ 12.07.2021

ನೇಮಕಾತಿ ಪ್ರಕ್ರಿಯೆ:
1. ಪ್ರವೇಶ ಪರೀಕ್ಷೆ (CET)
2. ದೇಹಸಹಿಷ್ಣುತ ಪರೀಕ್ಷೆ (ET,PST )
3. ವೈದ್ಯಕಿಯ ಪರೀಕ್ಷೆ (Medical test)

ಅರ್ಹತೆ:
1. ದ್ವಿತೀಯ ಪಿಯುಸಿ ಉತ್ತೀರ್ಣ.
2. 168cm ಎತ್ತರ ಉಪ್ಪೊಡು .

ವೇತನ ಶ್ರೇಣಿ:
ರೂ. 23,500-47,650 ಪಂಡ ಸುಮಾರ್ ರೂ. 34,000.00 ವೇತನ

ಹುದ್ದೆಲು :
ಮಂಗಳೂರು ನಗರ – 140 ಹುದ್ದೆಲು
ದಕ ಜಿಲ್ಲೆ – 68 ಹುದ್ದೆಲು .
ಒಡಿಪು ಜಿಲ್ಲೆ – 81 ಹುದ್ದೆಲು .

ವಯೋಮಿತಿ: ಕನಿಷ್ಟ 19 ವರ್ಷ
ಗರಿಷ್ಟ: ಸಾಮಾನ್ಯ ವರ್ಗ 25 ವರ್ಷ, SC /ST/ OBC – 27 ವರ್ಷ

ಅರ್ಜಿ ಶುಲ್ಕ ಕೈತಲ್ ದ ಅಂಚೆ ಕಚೇರಿಡ್ ಕಟ್ಟೋಲಿ .

GM/OBC -400 ರೂ. ಅರ್ಜಿ ಶುಲ್ಕ
SC/ST /C1-200 ರೂ. ಅರ್ಜಿ ಶುಲ್ಕ

ಬೋಡಾಪಿನ ದಾಖಲೆ:
_1.SSLC ಮಾರ್ಕ್ ಕಾರ್ಡ್_
_2.ಪಿಯುಸಿ ಮಾರ್ಕ್ ಕಾರ್ಡ್_
_3.ಆಧಾರ್ ಕಾರ್ಡ್_
_4.ಜಾತಿ ಬೊಕ್ಕ ಆದಾಯ ಪ್ರಮಾಣ ಪತ್ರ_
5.ಕನ್ನಡ ಮಾಧ್ಯಮ
6.ಗ್ರಾಮೀಣ ವಿಧ್ಯಾಭ್ಯಾಸ ಪ್ರಮಾಣ ಪತ್ರ
_7. ಪಾಸ್ಪೋರ್ಟ್ ಸೈಜ್ ಪೋಟೋ_

https://recruitment.ksp.gov.in/online-recruitment-application

ಜೋಕ್ಲೆನ ಶೈಕ್ಷಣಿಕ ಭವಿಷ್ಯದ ಹಿತದೃಷ್ಟಿರ್ದ್ ಬೆಗೋಡೆ ಶಾಲೆ ಸುರು ಮಲ್ಪೊಡು ಪಂದ್ ಆಗ್ರಹ : ಪೋಸ್ಟ್ ಕಾರ್ಡ್ ಅಭಿಯಾನಗ್ ಚಾಲನೆ

ಕಲ್ಲಡ್ಕ,ಜುಲೈ 11: ಸರಕಾರಿ ಶಾಲೆ ಒರಿಪಾದ್ ಬುಳೆಪಾಲೆ ರಾಜ್ಯ ಸಮಿತಿದ ಲೆಪ್ಪೋಲೆ ದ ಮಿತ್ತ್ ಜೋಕ್ಲೆನ ಶೈಕ್ಷಣಿಕ ಭವಿಷ್ಯದ ಹಿತದೃಷ್ಟಿರ್ದ್ ಮುನ್ನೆಚ್ಚರಿಕೆ ಕ್ರಮಕ್ಲೆನ್ ದೆತೊನ್ದು ಶೀಘ್ರ ಶಾಲೆ ಸುರು ಮಲ್ಪೊಡು ಪಂದ್ ಆಗ್ರಹ ಮಲ್ತ್ ಕಾರ್ಡ್ಅಭಿಯಾನಗ್ ಮಾಜಿ ಸರಕಾರಿ ಪ್ರಾಥಮಿಕ ಶಾಲೆಡ್ ವೀರಕಂಭ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಯುತ ದಿನೇಶ್ ಸುರುತ್ತ ಪತ್ರ ಬರೆಪಿನ ಮುಖೇನ ಚಾಲನೆ ಕೊರಿಯೆರ್ .

ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಸುರೇಶ್ ಕುಮಾರ್ ಮೆರೆಗ್ ಪೋಷಕೆರ್ ಸ್ವಯಂ ಪ್ರೇರಿತೆರಾದ್ ಅಂಚೆ ಕಾರ್ಡ್ ಬರೆದ್ ಕಡಪಾವುನ ಬಗ್ಗೆ ಅಭಿಯಾನಡ್ ಕೈ ಜೋಡಾಯೆರ್ .
ಸರಕಾರ ಆನ್‌ಲೈನ್ ಬೊಕ್ಕ ಟಿವಿ ಮಾಧ್ಯಮದ ಮುಖೇನ ಕೊರ್ಪಿನ ಶಿಕ್ಷಣ ಹಳ್ಳಿ ಪ್ರದೇಶಡ್ ವಿದ್ಯುತ್ ಬೊಕ್ಕ ನೆಟ್ವರ್ಕ್ ಸಮಸ್ಯೆರ್ದ್ ಜೋಕ್ಲೆಗ್ ಸರಿಯಾದ್ ಶಿಕ್ಷಣ ಮುಟ್ಟೊಂದು ಇಜ್ಜಿ ಐರ್ದಾವರ ವಿದ್ಯಾಗಮ ಶಿಕ್ಷಣ ವ್ಯವಸ್ಥೆನ್ ಅವಲಂಭಿಸುನ ಬಗ್ಗೆ ಮುಖಾಮುಖಿ ಸುರು ಮಲ್ಪೊಡು ಪಂದ್ ಪೋಷಕೆರ್ನ ಒತ್ತಾಯ ಕೇಂದ್ ಬತ್ತಿ ನೆಲೆಟ್ಟ್ ಈ ಬಗ್ಗೆ ಸರಕಾರದ ಗಮನ ಸೆಳೆಯರೇ ಜೋಕ್ಲೆನ ಮಕ್ಕಳ ಸುರಕ್ಷತೆ ಬೊಕ್ಕ ಶೈಕ್ಷಣಿಕ ಭವಿಷ್ಯದ ನೆಲೆಟ್ಟ್ ಶಾಲೆ ಸುರು ಮಲ್ಪೊಡು ಪಂದ್ ಪೋಷಕೆರ್ ಕಾರ್ಡ್ ಅಭಿಯಾನಡ್ ಪಾಲ್ ಪಡೆಯೋಡು ಪಂದ್ ರಾಜ್ಯ ಸಮಿತಿ ಕಾರ್ಡ್ ಅಭಿಯಾನಗ್ ಕರೆ ಕೊರ್ತೆರ್.

ಈ ಲೇಸ್ ಡ್ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಸಂಜೀವ ಮೂಲ್ಯ ,ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವೀರಕಂಭ ಒಕ್ಕೂಟದ ಗುರ್ಕಾರ್ಲಾಯಿನ ಕೊರಗಪ್ಪ ನಾಯ್ಕ, ಮಜಿ ಶಾಲಾ ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ರಮೇಶ್ ಮೈರ ಬೊಕ್ಕ ಜೋಕ್ಲೆನ ಪೋಷಕೆರ್ ಪಾಲ್ ಪಡೆದಿತ್ತೆರ್.

ಎಸ್ಸೆಸ್ಸೆಲ್ಸಿ ಪರೀಕ್ಷೆಡ್ ಜೋಕ್ಲೆಗ್ ಸ್ಯಾನಿಟೈಸರ್ : ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಎಸ್. ಸುರೇಶ್

ಬೆಂಗ್ಳೂರು, ಜುಲೈ 11: : ಈ ಸಲದ ಎಸ್ಸೆಸ್ಸೆಲ್ಲಿ ಪರೀಕ್ಷೆ ಸುರಕ್ಷಿತ ವಾತಾವರಣಡ್ ನಡಪಾವುನ ನೆಲೆಟ್ಟ್ ಅವ್ವೆತೋ ಸಂಘ ಸಂಸ್ಥೆಲು ಮಾಸ್ಕ್, ಸ್ಯಾನಿಟೈಸರ್ ಲೆನ್ ಕರ್ನಾಟಕ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿಗ್ ಕೊರ್ತೆರ್ .

ಈ ಸಂಘ ಸಂಸ್ಥೆದಕುಲು ತಾವು ಪರೀಕ್ಷಾ‌ರ್ಥಿಲೆಗ್ ಕೊರ್ಪಿನ ಪರಿಕರಲೆನ್ ಶುಕ್ರವಾರ ಡಿ.ಎಸ್‍.ಇ.ಆರ್.ಟಿ.ಡ್ ನಡತಿನ ಸರಳ ಸಮಾರಂಭಡ್ ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಎಸ್. ಸುರೇಶ್ ಕುಮಾರ್ ಮೆರೆಗ್ ಕೊರಿಯೆರ್

ಸೋಶಿಯಲ್ ಇಖ್ವಾ ಫೆಡರೇಶನ್ ವತಿರ್ದ್ ಆಂಬುಲೆನ್ಸ್ ಕೊಡುಗೆ

ವಿಟ್ಲ, ಜುಲೈ 11: ಮಾಣಿ ಸೋಶಿಯಲ್ ಇಖ್ವಾ ಫೆಡರೇಶನ್ ವತಿರ್ದ್ ಆಂಬುಲೆನ್ಸ್ ಸೇವಾರ್ಪಣೆ ಬೊಕ್ಕ ಕೆ.ಎಮ್.ಸಿ ಬ್ಲಡ್ ಬ್ಯಾಂಕ್ ಒಟ್ಟು ಸೇರಿಗೆಡ್ ನೆತ್ತೆರ್ ದಾನ ಶಿಬಿರ ಗುರುವಾರ ನೇರಳಕಟ್ಟೆದ ಇಂಡಿಯನ್ ಆಡಿಟೋರಿಯಂಡ್ ನಡತ್oಡ್ .

ದಿ. ಹಾಜಿ ಬಿ.ಹುಸೈನ್ (ಸುಲ್ತಾನ್) ಕೊಡಾಜೆ ಸ್ಮರಣಾರ್ಥ ಅಂಬುಲೆನ್ಸ್ ಸೇವೆನ್ ಮೆರ್ನ ಮಗೆ ಉಮ್ಮರ್ ಫಾರೂಕ್ ಸೇವಾರ್ಪಣೆ ಮಲ್ತೆರ್ . ಸೋಶಿಯಲ್ ಇಖ್ವಾ ಫೆಡರೇಶನ್ ಗುರ್ಕಾರ್ಲಾಯಿನ ಅಬ್ದುಲ್ ರಹ್ಮಾನ್ ಸುಲ್ತಾನ್ ಗುರ್ಕಾರ್ಮೆ ವಹಿಸಿಯೆರ್ .

ನೆತ್ತೆರ್ ದಾನ ಶಿಬಿರನ್ ಉದಿಪನ ಮಲ್ತಿನ ಮಾಣಿ ಶ್ರೀ ಪದ್ಮಾ ಕ್ಲಿನಿಕ್ ದ ಡಾ. ಶ್ರೀನಾಥ್ ಆಳ್ವ ಪಾತೆರ್ದ್ ಯುವ ಸಮುದಾಯ ಸಮಾಜಮುಖಿ ಚಟುವಟಿಕೆಡ್ ಉಪ್ಪುನವು ಶ್ಲಾಘನೀಯ ಪಂದ್ ಪಂಡೆರ್ .

ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುಧೀಪ್ ಕುಮಾರ್ ಶೆಟ್ಟಿ, ಮಾಣಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಬಾಲಕೃಷ್ಣ ಆಳ್ವ, ನೆಟ್ಲಮುಡ್ನೂರು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಸತೀಶ್ ಪೂಜಾರಿ ಕೊಪ್ಪರಿಗೆ, ಮುಸ್ಲಿಂ ಸೆಂಟ್ರಲ್ ಕಮಿಟಿ ಸದಸ್ಯೆರಾಯಿನ ಹನೀಫ್ ಖಾನ್ , ಮಿಲ್ಲತ್ ಚಾರಿಟೇಬಲ್ ಟ್ರಸ್ಟ್ ಗುರ್ಕಾರ್ಲಾಯಿನ ಹಾಜಿ ಉಮ್ಮರ್ ರಾಜ್ ಕಮಲ್, ಹಾಜಿ ಮುಹಮ್ಮದ್ ರಫೀಕ್ ಸುಲ್ತಾನ್, ಎಸ್ಡಿಪಿಐ ಜಿಲ್ಲಾ ಕಾರ್ಯದರ್ಶಿ ಶಾಹುಲ್ ಹಮೀದ್, ಬರಿಮಾರು ಶ್ರೀ ಮಹಮ್ಮಾಯಿ ದೇವಸ್ಥಾನ ಆಡಳಿತ ಮೊಕ್ತೇಸರ ರಾಕೇಶ್ ಪ್ರಭು, ಸೂರಿಕುಮೇರ್ ಚರ್ಚ್ ನ ಮಾಜಿ ಉಪಾಧ್ಯಕ್ಷ ರೋಶನ್ ಮಾರ್ಟಿಸ್ ಪಾಲ್ ಪಡೆದಿತ್ತೆರ್.