July 2, 2021

ಜ್ಯೋತಿ ಚಿತ್ರ ಮಂದಿರದ ಕೈತಲ್ ಬಸ್ ಬೇ ನಿರ್ಮಾಣಗ್ ಜಾಗೆ ಪರಿಶೀಲನೆ

ಕುಡ್ಲ, ಜುಲೈ 2:; ಕುಡ್ಲದ ಜ್ಯೋತಿ ಚಲನಚಿತ್ರ ಮಂದಿರದ ಕೈತಲ್ ಬಸ್ ಬೇ ನಿರ್ಮಾಣ ಯೋಜನೆದ ಪರವಾದ್ ಶಾಸಕ ವೇದವ್ಯಾಸ್ ಕಾಮತ್ ಬೊಕ್ಕ ಪಾಲಿಕೆ ಮೇಯರ್ ಪ್ರೇಮಾನಂದ ಶೆಟ್ಟಿ ಮೇರ್ ಅಧಿಕಾರಿಲ್ ನೊಟ್ಟುಗು ಪೋದು ಜಾಗೆ ವೀಕ್ಷಣೆ ನಡಪಾಯೆರ್ .

ಐರ್ದ್ ಬೊಕ್ಕ ಪಾತೆರಿನ ಮಾತನಾಡಿದ ಶಾಸಕ ವೇದವ್ಯಾಸ್ ಕಾಮತ್, ಜ್ಯೋತಿ ಟಾಕೀಸ್ ಕೈತಲ್ ರ್ದ್ ಬಂಟ್ಸ್ ಹಾಸ್ಟೆಲ್ ಪೋಪಿನ ಸಾದಿಡ್ ಬಸ್ ಬೇ ನಿರ್ಮಾಣದ ಯೋಜನೆ ಅಟ್ಟನೆ ಮಲ್ದೆರ್ . ಸಾಮಾನ್ಯ ದಿನಟ್ ಈ ಮಾರ್ಗಡ್ ಜಾಸ್ತಿ ಗಾಡಿ ಉಪ್ಪುನೆರ್ದಾವರ ಆಪಿನ ಟ್ರಾಫಿಕ್ ಜಾಮ್ ಸಮಸ್ಯೆನ್ ದೂರ ಮಲ್ಪರೆ ಇಂದು ಸಹಕಾರಿ ಆಪುಂಡು ಪಂದ್ ಪಂಡೆರ್ .

ಬಡಗಬೆಳ್ಳೂರು ಹಿರಿಯ ಪ್ರಾಥಮಿಕ ಶಾಲೆಗ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಪೀಠೋಪಕರಣ ಹಸ್ತಾಂತರ

ಬಂಟ್ವಾಳ, ಜುಲೈ :2: ಬಡಗಬೆಳ್ಳೂರು ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋತ್ಸವದ ಪರವಾದ್ ಕಟ್ಟಿನ ಕಟ್ಟಡಗ್ ಶಾಲಾ ಸಂಚಾಲಕರ ಕೋರಿಕೆದ ಮೇರೆಗ್ ಬಂಟ್ವಾಳ ರೋಟರಿ ಕ್ಲಬ್‌ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಮುತಾಲಿಕೆಡ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಡೆಸ್ಕ್, ಬೆಂಚ್, ಟೇಬಲ್, ಚೆಯರ್ ಪೀಠೋಪಕರಣನ್ ಕೊರ್ಪಿನ ಲೇಸ್ ಬುಧವಾರ ಬಡಗಬೆಳ್ಳೂರು ಶಾಲೆಡ್ ನಡತೊಂದು .

ಈ ಲೇಸ್ ಡ್ ಬಂಟ್ವಾಳ ರೋಟರಿ ಕ್ಲಬ್‌ದ ಮಾಜಿ ಗುರ್ಕಾರ್ಲಾಯಿನ ಬೊಕ್ಕ ರೋಟರಿ ಕ್ಲಬ್‌ದ ನಿಯೋಜಿತ ಜಿಲ್ಲಾ ಗವರ್ನರ್‌ ಪ್ರಕಾಶ್ ಕಾರಂತ್ ನರಿಕೊಂಬು, ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಕಾರ್ಯದರ್ಶಿ ವಾಣಿ ಪ್ರಕಾಶ್ ಕಾರಂತ್, ಶಾಲಾ ಶತಮಾನೋತ್ಸವ ಕಟ್ಟಡ ನಿರ್ಮಾಣ ಸಮಿತಿದ ಗುರ್ಕಾರ್ಲಾಯಿನ ರಮೇಶ್ವಂದ್ರ ಭಂಡಾರಿ, ಶಾಲಾ ಸಂಚಾಲಕಕೆರಾಯಿನ ಕೆ.ನರೇಂದ್ರನಾಥ್ ಭಂಡಾರಿ ಬೊಕ್ಕ ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಕೇಶವ ನಾಯ್ಕ್ ಮೇರ್ ವೇದಿಕೆಡ್ ಪಾಲ್ ಪಡೆದಿತ್ತೆರ್ .

ಲೇಸ್ ಡ್ ಶಾಲೆದ ನಿವೃತ್ತ ಶಿಕ್ಷಕೆರಾಯಿನ ಗಂಗಾಧರ್ ರೈ, ಸಂಕಪ್ಪ ಶೆಟ್ಟಿ, ಕಟ್ಟಡ ಸಮಿತಿದ ಉಪಾಧ್ಯಕ್ಷ ದಯಾನಂದ ಮೂಡುಬೆಟ್ಟು, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಸಚೀಂದ್ರನಾಥ ರೈ, ಶಾಲಾ ಮೇಲುಸ್ತುವಾರಿ ಸಮಿತಿ/ಎಸ್.ಡಿ.ಎಮ್.ಸಿ.ಯ ಗುರ್ಕಾರ್ಲಾಯಿನ ಗುಣವತಿ, ಶಾಲಾ ಗೌರವ ಶಿಕ್ಷಕಿಯೆರ್ ಹಳೆ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರ್.

ಕಟ್ಟಡ ಕಾರ್ಮಿಕೆರೆಗ್ ಸುರಕ್ಷತಾ ಕಿಟ್ ಪಟ್ಟುನ ಲೇಸ್

ಕುಡ್ಲ , ಜುಲೈ 2: ಲಾಕ್‌ಡೌನ್‌ರ್ದ್ ಕಷ್ಟಡ್ ಉಪ್ಪುನ ಕಟ್ಟಡ ಕಾರ್ಮಿಕೆರೆಗ್ ಕರ್ನಾಟಕ ಕಟ್ಟಡ ಬೊಕ್ಕ ಇತರ ನಿರ್ಮಾಣ ಕಾರ್ಮಿಕೆರ್ನ ಕಲ್ಯಾಣ ಮಂಡಳಿರ್ದ್ ಸುರಕ್ಷತಾ ಬೊಕ್ಕ ನೈರ್ಮಲ್ಯೀಕರಣ ಕಿಟ್‌ಲೆನ್ ಕೊರ್ತೆರ್ .

ಈ ನೆಲೆಟ್ಟ್ ಪದವಿನಂಗಡಿದ ಕಟ್ಟಡ ನಿರ್ಮಾಣದ ಕೈತಲ್ 52 ಕಟ್ಟಡ ಕಾರ್ಮಿಕೆರೆಗ್ ಪೆರಿಯ ಸಿವಿಲ್ ನ್ಯಾಯಾಧೀಶೆರ್ ಬೊಕ್ಕ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಕಾರ್ಯದರ್ಶಿ ಎ.ಜೆ. ಶಿಲ್ಪಾ ಸುರಕ್ಷತಾ ಕಿಟ್‌ಲೆನ್ ಕೊರಿಯೆರ್ .

ಪತ್ರಿಕಾ ದಿನಾಚರಣೆ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣೆ

ಒಡಿಪು , ಜು.2: ಒಡಿಪು ಜಿಲ್ಲಾ ಕಾರ್ಯತೆರ್ ಆಯಿನ ಪತ್ರಕರ್ತರ ಸಂಘದ ಆಶ್ರಯಡ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಸಹ ಯೋಗಡ್ ಪತ್ರಿಕಾ ದಿನಾಚರಣೆದ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣಾ ಶಿಬಿರಡ್ ಗುರುವಾರ ಒಡಿಪು ಪ್ರೆಸ್ ಕ್ಲಬ್ ಅಟ್ಟನೆ ಮಲ್ತಿತ್ತೆರ್.

ಈ ಲೇಸ್ ಗ್ ಚಾಲನೆ ಕೊರಿನ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಾತೆರ್ದ್ , ಇತ್ತೆದ ಕೊರೋನಾ ಕಾಲಘಟ್ಟಡ್ ಮಾನವೀಯ ವೌಲ್ಯ ಬೊಕ್ಕ ಸಂಬಂಧದೊಟ್ಟುಗು ನನಾತ್ ಜನಪರ ಬೇಲೆಲು ವೈದ್ಯೆರ್ ಬೊಕ್ಕ ಪತ್ರಕರ್ತೆರೆರ್ದ್ ಆವೊಡು. ಕೋವಿಡ್ ಸಂಕಷ್ಟ ಪೊರ್ತುಡು ಜನಕ್ಲೆನ್ ಜಾಗೃತಿ ಮಲ್ಪುನ ನೆಲೆಟ್ಟ್ ಪತ್ರಕರ್ತೆರ್ನ ಸೇವೆ ಅಭಿನಂದನೀಯ ಪಂದ್ ಪಂಡೆರ್ .

ಈ ಪೊರ್ತುಡು ಜಿಲ್ಲಾಸ್ಪತ್ರೆದ ವೈದ್ಯೆ ಡಾ.ರೋಶಿನಿ ಪೂಂಜಾ, ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಪಾಲ್ ಪಡೆದಿತ್ತೆರ್.ಶಿಬಿರಡ್ ಒಡಿಪುದ 50ರ್ದ್ ಜಾಸ್ತಿ ಪತ್ರಕರ್ತೆರ್ನ ಸಾಮಾನ್ಯ ಆರೋಗ್ಯ ತಪಾಸಣೆ ನಡಪಾದ್ ಅಗತ್ಯ ಸಲಹೆನ್ ವೈದ್ಯೆರ್ ಕೊರಿಯೆರ್ .

ಮುಖ್ಯಮಂತ್ರಿ ಆರೋಗ್ಯ ವಿಮಾ ಕಾರ್ಡ್ ನವೀಕರಣಗ್ ಸೂಚನೆ

, ಜುಲೈ 2:  ನಗರಸಭಾ ವ್ಯಾಪ್ತಿಡ್ ಆರ್ಥಿಕವಾದ್ ಹಿಂದುಳಿದಿಪ್ಪುನ ಪ.ಜಾತಿ/ ಪ.ಪಂಗಡದ ಕುಟುಂಬದ ಸದಸ್ಯೆರೆಗ್ ಕೊರಿನ ಮುಖ್ಯಮಂತ್ರಿ ಆರೋಗ್ಯ ವಿಮಾ ಕಾರ್ಡ್‌ನ್ ಪ್ರಸಕ್ತ ಸಾಲ್ ದ ನವೀಕರಣ ಮಲ್ತೊಂದು ಉಲ್ಲೆರ್ , ಕಾರ್ಡ್ ಉಪ್ಪುನ ಕುಟುಂಬದ ಒವು ಆಂಡಲಾ ಸದಸ್ಯೆರ್ ಅಕ್ಲೆನ ಕುಟುಂಬದ ಮಾತಾ ಸದಸ್ಯೆರ್ನ ಆಧಾರ್ ಕಾರ್ಡ್ ಬೊಕ್ಕ ರೇಷನ್ ಕಾರ್ಡ್ ಪ್ರತಿದೊಟ್ಟುಗು ಜುಲೈ 15 ದುಲಯಿ ನಗರಸಭಾ ಕಚೇರಿಗ್ ಹಾಜರಾದ್ ದಾಖಲೆನ್ ಸಲ್ಲಿಸಾದ್ ಕಾರ್ಡ್‌ನ್ ನವೀಕರಣ ಮಲ್ಪೊಲಿ .

ದಾಖಲೆ ಸಲ್ಲಿಸಾಯಿನ ಕಾರ್ಡ್‌ಲೆನ್ ಮಾತ್ರ ನವೀಕರಣ ಮಲ್ಪುವ ಪಂದ್ ನಗರಸಭೆ ಪೌರಾಯುಕ್ತರ ಪ್ರಕಟಣೆ ತೆರಿಪಾದುಂಡು .