ಪಾಲಿಕೆ

ಮಹಾನಗರ ಪಾಲಿಕೆರ್ದ್ ಸಹಾಯಧನಗ್ ಅರ್ಜಿ ಲೆಪ್ಪೋಲೆ

Sep 6, 2021

ಕುಡ್ಲ : ಕುಡ್ಲದ ಮಹಾನಗರ ಪಾಲಿಕೆದ ನಗರ ಬಡತನ ನಿರ್ಮೂಲನಾ ಕೋಶಡ್ 2021-22ನೇ ಸಾಲ್ ಡ್ ವ್ಯಕ್ತಿ ಸಂಬಂಧಿ ಲೇಸ್ ಡ್ ಬೇತೆ ಬೇತೆ ಸೌಲಭ್ಯಗಾದ್ ಅರ್ಹರೆರ್ದ್ ಅರ್ಜಿ ಲೆಪ್ಪೋಲೆ ಲೈದೆರ್ .

ಶೇ. 24.10 ನಿಧಿತ ಪರಿಶಿಷ್ಟ ಜಾತಿ ಬೊಕ್ಕ ಪರಿಶಿಷ್ಟ ಪಂಗಡ ಕಲ್ಯಾಣ ಕಾರ್ಯಕ್ರಮದಡಿ ಪಕ್ಕಾ ಇಲ್ಲ್ ನಿರ್ಮಾಣ, ಇಲ್ಲ್ ದುರಸ್ತಿ, ಶಸ್ತ್ರ ಚಿಕಿತ್ಸೆ ಅತ್ತoದೆ ವೈದ್ಯಕೀಯ ವೆಚ್ಚಗ್ , ಎಲ್ಯ ಉದ್ದಿಮೆ ಸಹಾಯಧನ, ಬೇತೆ ಬೇತೆ ಹಂತಡ್ ಕಲ್ತೊಂದು ಉಪ್ಪುನ ಜೋಕುಲು ಈ ಸೌಲಭ್ಯ ಪಡೆಯೊಲಿ.

ಪಾಲಿಕೆ ಸಭೆಟ್ ತುಲುಪರ ಮೋಕೆ ತೋಜಾಯಿನ ಶ್ರೀ ವರುಣ್ ಚೌಟ

Jul 29, 2021

ಕುಡ್ಲ, ಜುಲೈ 29: ಕುಡ್ಲ ಮಹಾನಗರ ಪಾಲಿಕೆಡ್ ನಡತಿನ ಸಭೆಟ್ ಪಾಲ್ ಪಡೆಯಿನ ಪಾಲಿಕೆದ ಪದುಕೆರಾಯಿನ ಶ್ರೀ ವರುಣ್ ಚೌಟ ಕೇಪುಲ ರಂಗ್ ದ ತುಲುನಾಡ ಸಾಲ್ ಪಾಡೊಂದು ತುಲು ಪರ ಮೋಕೆ ತೂಜಾಯಿನ ಶ್ಲಾಘನೀಯ.

ಶ್ರೀ ವರುಣ್ ಚೌಟ ಮೆರೆನ ಬಿನ್ನಾಪುದ ಮಿತ್ತ್ ತುಲು ಲಿಪಿತ ಪೊಲಬು ಮಲ್ಪುನೆತ್ತ ಒಟ್ಟುಗು ತುಳು ಭಾಷೆನ್ 8ನೇ ಪರಿಚ್ಛೇದಗ್ ಸೇರಾವುನ ಬಗ್ಗೆ ರಾಜ್ಯ ಸರಕಾರಗ್ ಪ್ರಸ್ತಾವನೆನ್ ಸಲ್ಲಿಸಾದೆರ್.

ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆನ್ 8ನೆ ಪರಿಚ್ಛೇದಗ್ ಸೇರಾವುನ ಆಗ್ರಹ ಕೆಲವು ದಶಕರ್ದ್ ಕೇಂದ್ ಬರೊಂದು ಉಂಡು ಆಂಡ ಆ ಹೋರಾಟಗ್ ನನಲ ನ್ಯಾಯ ತಿಕ್ಕಿಜಿ . ಇಂಚೋಗು ಸೋಶಿಯಲ್ ಮೀಡಿಯಾ ಮುಖೇನ ತುಲು ನಾಡ್ ದ ಜನಕುಲು ಸೊರ ಲಕ್ಕಾದೆರ್. ನೆಕ್ಕ್ ಸಾಕ್ಷಿಯಾದ್ ಜೂನ್ 13, 2021ಕ್ಕ್ ಟ್ವಿಟರ್‌ಡ್#Tuluto8thsehedule#TuuOfficial inKA-KL ಪಂದ್ ಟ್ವಿಟರ್ ಅಭಿಯಾನಡ್ ಲಕ್ಷ ಲಕ್ಷ ತುಳು ಭಾಷೆ ಪ್ರೇಮಿಲು ದೇಶ ವಿದೇಶರ್ದ್ ಪ್ರತಿಕ್ರಿಯೆ ಕೊರ್ತೆರ್ .ಈ ಬಗ್ಗೆ ಮಂಗಳೂರು ಮಹಾನಗರ ಪಾಲಿಕೆ ಡ್ ತುಳು ಲಿಪಿತ ಪೊಲಬು ಮಲ್ತಿನ ಮೆರ್ನ ಕಾರ್ಯ ಶ್ಲಾಘನೀಯ.

ಪಾಲಿಕೆರ್ದ್ 76ಸಾರ ದಂಡ : ಪರವಾನಗಿ ಸ್ಥಗಿತ

Jun 10, 2021

ಬೆಂಗ್ಳೂರು, ಜೂನ್ 10: ಕೋವಿಡ್-19 ಪಸರುನೇನ್ ತಡೆಯೆರೆ ಜಿಲ್ಲಾಡಳಿತ ಕೊರಿನ ನಿರ್ಬಂಧದ ಮಾರ್ಗಸೂಚಿ ಉಲ್ಲಂಘನೆ ಮಲ್ತಿನ ಅಂಗಡಿ ಮುಂಗಟ್ಟು ಮಾಲೀಕೆರ್ ಬೊಕ್ಕ ವಾಹನ ಪ್ರಯಾಣಿಕೆರೆಗ್ ಕುಡ್ಲ ಮಹಾನಗರ ಪಾಲಿಕೆ ₹76400 ದಂಡ ಪಾಡ್ದೆರ್ , ಅಂಗಡಿ ಪರವಾನಗಿ ಅಮಾನತು ಮಲ್ದೆರ್ .

ಅನುಮತಿ ಇಜ್ಜಂದೆ ಉಪ್ಪುನ ವಸ್ತುದ ಅಂಗಡಿಲೆನ್ ಅನಧಿಕೃತವಾದ್ ದೆತ್ದ್ ವ್ಯಾಪಾರ ವಹಿವಾಟು ಮಲ್ತಿನ ನೆಲೆಟ್ಟ್ ಅಂಚನೇ ಮಾರ್ಗಸೂಚಿ ಉಲ್ಲಂಘನೇ ಮಲ್ತಿನ ಪೇಂಟೆದ ಅಂಗಡಿಗ್ ಪಾಲಿಕೆ ಅಧಿಕಾರಿಲೆನ ಕೂಟ ಕಾರ್ಯಾಚರಣೆ ನಡಪಾದ್ 78 ಅಂಗಡಿಗ್ ₹ 68,350 ದಂಡ ಪಾಡ್ದೆರ್ . ಈ ಪೈಕಿ 30 ಅಂಗಡಿದ ಉದ್ದಿಮೆ ಪರವಾನಗಿನ್ ರದ್ದು ಮಲ್ದೆರ್ ಪಂದ್ ಕುಡ್ಲ ಮಹಾನಗರ ಪಾಲಿಕೆ ಆಯುಕ್ತ ಅಕ್ಷಯ್‌ ಶ್ರೀದರ್‌ ಪ್ರಕಟಣೆಡ್ ಪಂಡೆರ್.