ಟೋಕಿಯೋ ಒಲಂಪಿಕ್ಸ್ : ವೈಯಕ್ತಿಕ ಶ್ರೇಯಾಂಕ ಸುತ್ತುಡು ದೀಪಿಕಾ ಕುಮಾರಿಗ್ 9ನೇ ಸ್ಥಾನ

ಟೋಕಿಯೊ: ಪೊಂಜೊವ್ಲೆನ ವೈಯಕ್ತಿಕ ಶ್ರೇಯಾಂಕದ ಸುತ್ತುಡು ಭಾರತದ ಸ್ಟಾರ್ ಬಿಲ್ಲುಗಾರ್ತಿ ದೀಪಿಕಾ ಕುಮಾರಿ 9ನೇ ಸ್ಥಾನ ಪಡೆತೆರ್ . ಈ ಮುಖೇನ ಮುಖ್ಯ ಸ್ಪರ್ಧೆದ ಸುರುತ ಸುತ್ತುಡು ಸುಲಭ ಎದುರಾಳಿನ್ ಎದುರಿಸಾವುನ ಅವಕಾಶ ಪಡೆಯೆರ್ . ದೀಪಿಕಾ ಪಂಥ ದೊಟ್ಟುಗು ಒಲಿಂಪಿಕ್ಸ್ಡ್ ಭಾರತದ ಅಭಿಯಾನ ಮುಲ್ಪದ ಯುಮೆನೋಶಿಮಾ ಪಾರ್ಕ್‌ಡ್ ಶುಕ್ರವಾರ ಸುರು ಆಂಡ್ .

ವಿಶ್ವದ ನಂ .1 ಬಿಲ್ಲುಗಾರ್ತಿ ದೀಪಿಕಾ 663 ಅಂಕ ಪಡೆದ್ 9ನೇ ಸ್ಥಾನ ಪಡೆತೆರ್ . 20 ವರ್ಷದ ಕೊರಿಯಾದ ಆರ್ಚರಿ ಆನ್ ಸ್ಯಾನ್ 680 ಅಂಕದೊಟ್ಟುಗು ಒಲಿಂಪಿಕ್ಸ್ ದಾಖಲೆದೊಟ್ಟುಗು ಅರ್ಹತಾ ಸುತ್ತುಡು ಅಗ್ರಸ್ಥಾನ ಪಡೆತೆರ್ .

ಶ್ರೇಯಾಂಕ ಸುತ್ತುಡು 56 ನೇ ಸ್ಥಾನ ಪಡೆಯಿನ ಭೂತಾನ್‌ದ ವಿಶ್ವದ ನಂ .193 ಆಟಗಾರ್ತಿ ಕರ್ಮ ವಿರುದ್ಧ ದೀಪಿಕಾ ಸುರುತ ಸುತ್ತುದ ಪಂದ್ಯ ಗೆಂದ್ದೆರ್.