ಒಲಂಪಿಕ್ಸ್

ಒಲಂಪಿಕ್ಸ್ : ಕುಸ್ತಿ ಪಟು ವಿನೇಶ್ ಫೋಗಟ್ಗ್ ಸೋಲು

ಟೋಕಿಯೊ: ಭಾರತದ ಪದಕದ ಭರವಸೆಯಾತಿನ ಪೊಂಜೊವ್ ಕುಸ್ತಿಪಟು ವಿನೇಶ್ ಫೋಗಟ್ ಟೋಕಿಯೊ ಒಲಿಂಪಿಕ್ಸ್ ದ ಪೊಂಜೊವ್ಲೆನ 53 ಕೆಜಿ ಫ್ರೀಸ್ಟೈಲ್ ವಿಭಾಗದ ಕ್ವಾರ್ಟರ್ ಫೈನಲ್ ಡ್ ಸೋತೆರ್.

ಇನಿ ನಡತಿನ ಪಂತೋಡು ವಿನೇಶ್ ಮೇರ್ ಬೆಲಾರಸ್ ದ ವನೆಸಾ ಕಲಾಡ್ ಝಿನ್ ಸಕಾಯಾ ವಿರುದ್ಧ 3-9 ಅಂತರಡ್ ಸೋತೆರ್ .

ನೆರ್ದ್ ದುಂಬು ರಿಯೋ ಒಲಿಂಪಿಕ್ಸ್ ಡ್ ಕಂಚು ಪಡೆಯಿನ ಸೋಫಿಯಾ ಮ್ಯಾಟ್ಸ್ ನ್ ಮೆರೆನ್ 7-1 ಅಂತರರ್ದ್ ಸೋಪಾದ್ ಕಡೆತ 8 ಸುತ್ತು ಮುಟ್ಟುದಿತ್ತೆರ್ .

ಇನಿ ಭಾರತಗ್ ಕುಡ ರಡ್ಡ್ ಪದಕದ ನಿರೀಕ್ಷೆ

ಟೋಕಿಯೋ: ಒಲಿಂಪಿಕ್ಸ್ ಡ್ ಪುಲ್ಯ ಕಾಂಡೆನೇ ಕಂಚ್ ದ ಪದಕ ಪಡೆದ್ ಭಾರತೀಯೆರೆಗ್ ಎಡ್ಡೆ ಸುದ್ದಿ ಕೊರಿನ ಆಣ್ಜೊವ್ಲೆನ ಹಾಕಿ ಕೂಟರ್ದ್ ಬೊಕ್ಕ ಇನಿ ಕುಡ ರಡ್ಡ್ ಮಹತ್ವದ ಗೊಬ್ಬು ಉಂಡು .

ಇನಿ ಭಾರತ ಕುಡ ರಡ್ಡ್  ಪದಕದ ನಿರೀಕ್ಷೇಡ್ ಉಂಡು . ಕುಸ್ತಿ ಫೈನಲ್ಡ್ ರವಿಕುಮಾರ್ ದಹಿಯಾ ಗೊಬ್ಬರೇ ಉಲ್ಲೆರ್ , ಈ ಗೊಬ್ಬುಡು ಬಂಗಾರ್ ಇಜ್ಜಿಡ ಬೊಳ್ಳಿದ ಪದಕ ಖಚಿತ ಆತುಂಡು.

ಆತೆ ಅತ್ತoದೆ , ಕೋಡೆ ಸೆಮಿಫೈನಲ್ ಡ್ ಸೋತಿನ ಕುಸ್ತಿಪಟು ದೀಪಕ್ ಪೂನಿಯಾ ಇನಿ ಕಂಚ್ ದ ಪದಕಗಾದ್ ಗೊಬ್ಬರೇ ಉಲ್ಲೆರ್.

ಟೋಕಿಯೋ ಒಲಂಪಿಕ್ಸ್ : ಕೊಡಗುದ ಅಂಕಿತಾ ವನಿತಾ ಹಾಕಿ ಕೋಚ್ ಆದ್ ಆಯ್ಕೆ

ಮಡಿಕೇರಿ, ಜುಲೈ 19: ಹಾಕಿ ನಾಡು ಕೊಡಗು ಕುಡೋರ ಸುದ್ದಿ ಡ್ ಉಂಡು . ಇತ್ತೇ ಟೋಕಿಯೊ ಒಲಿಂಪಿಕ್ಸ್‌ಗ್ ಸಂಬಂಧ ಪಟ್ಟಿನoಚಿನ ಸಂಗತಿಯಾಯೀನೇರ್ದಾವರ ಸುದ್ದಿದ ಮಹತ್ವ ಜಾಸ್ತಿ ಆತುಂಡು .

ಮಡಿಕೇರಿದ ಸುಂಟಿಕೊಪ್ಪ ಕೈತಲ್ ದ ಕಂಬಿಬಾಣೆದ ಹೊನ್ನಂಪಾಡಿ ಅಂಕಿತಾ ಸುರೇಶ್‌ ಟೋಕಿಯೊ ಒಲಿಂಪಿಕ್ಸ್‌ಡ್ ಭಾರತದ ವನಿತಾ ಹಾಕಿ ತಂಡದ ಕೋಚ್‌ ಆದ್ ಕಾರ್ಯ ಮಲ್ಪರೆ ಉಲ್ಲೆರ್ .

ಇತ್ತೇ ಅಂಕಿತಾ ಮೇರ್ ಉಪ್ಪುನ ಭಾರತದ ವನಿತಾ ಹಾಕಿ ಕೂಟ ಟೋಕಿಯೊ ಮುಟ್ಟುದುಂಡು . ಮೆರ್ನ ಕೋಚಿಂಗ್‌ಡ್ ಭಾರತ ಮಹಿಳಾ ಹಾಕಿ ಕೂಟಗ್ ಬಂಗಾರ್ದ ಪದಕ ಬರಡ್ ಪನ್ಪಿನವು ಕೊಡಗುದ ಕ್ರೀಡಾಭಿಮಾನಿಲೆನ ಆಶಯ .

ಆಳ್ವಾಸ್ ದ ರಡ್ಡ್ ಕ್ರೀಡಾಪಟುಲು ಟೋಕಿಯೋ ಒಲಂಪಿಕ್ಸ್ ಗ್ ಆಯ್ಕೆ

ಮೂಡುಬಿದಿರೆ,ಜುಲೈ 15: ಈ ತಿಂಗೊಲ್ ದ 23ರ್ದ್ ಜಪಾನ್ ದ ಟೋಕಿಯೋ ಒಲಿಂಪಿಕ್ಸ್ ಕ್ರೀಡಾಕೂಟಡ್ ಭಾರತನ್ ಪ್ರತಿನಿಧಿಸಾವುನ ಕೂಟಡ್ ಮೂಡುಬಿದಿರೆದ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ರಡ್ಡ್ ಕ್ರೀಡಾ ಜೋಕುಲು ಆಯ್ಕೆ ಆತೆರ್.

ಆಳ್ವಾಸ್‌ದ ಕ್ರೀಡಾ ವಿಭಾಗ ದತ್ತು ಶಿಕ್ಷಣದ ಅಡಿಟ್ ಕಲ್ತೊಂದು ಉಪ್ಪುನ ಧನಲಕ್ಷ್ಮೀ ಬೊಕ್ಕ ಶುಭಾ ಆಯ್ಕೆಯಾತೆರ್ , ಮೆಕುಲು 4×400 ಮಿಕ್ಸೆಡ್ ರಿಲೇಡ್ ದೇಶದ ತಂಡನ್ ಪ್ರತಿನಿಧಿಸಾವೊಂದು ಉಲ್ಲೆರ್ .