ಚಾರ್ಮಾಡಿ ಭೂಕುಸಿತ : ರಾತ್ರಿ ಸಂಚಾರ ಮಲ್ಪರೆ ಅವಕಾಶ ನಿಷೇಧ

ಚಾರ್ಮಾಡಿ : ಭಾರೀ ಬರ್ಸ ಬತ್ತಿನ ನೆಲೆಟ್ಟ್ ಚಾರ್ಮಾಡಿ ಘಾಟ್ ಮಾರ್ಗದ ಸಂಚಾರ ನಿಯಮಡ್ ಮಹತ್ವದ ಬದಲಾವಣೆನ್ ಮಲ್ದೆರ್ ರಾತ್ರಿ ಸಂಚಾರಗ್ ಅವಕಾಶ ನಿಷೇಧ ಮಲ್ದೆರ್ .

ಚಾರ್ಮಾಡಿ ಘಾಟ್ ಮಾರ್ಗಡ್ ಶುಕ್ರವಾರ ಕಾಂಡೆ ಭೂ ಕುಸಿತವಾತುಂಡು . ಈ ನೆಲೆಟ್ಟ್ ಪರಿಶೀಲನೆ ನಡಪಾಯಿನ ಅಧಿಕಾರಿಲು ಇತ್ತೆ ಪೊಸ ಮಾರ್ಗಸೂಚಿನ್ ಕೊರ್ತೆರ್, ಚಿಕ್ಕಮಗಳೂರು ಜಿಲ್ಲಾಧಿಕಾರಿ ಪೊಸ ಆದೇಶ ಕೊರ್ತೆರ್ .

ಚಾರ್ಮಾಡಿ ಘಾಟ್ ಮಾರ್ಗ ಇನಿರ್ದ್ ಕಾಂಡೆ 6 ಗಂಟೆರ್ದ್ ಮುಟ ರಾತ್ರಿ 7 ಗಂಟೆ ಮುಟ ಲಘು ವಾಹನಗ್ ಮಾತ್ರ ಸಂಚಾರಗ್ ಅನುಮತಿ ಕೊರ್ತೆರ್ . ಅಂಚನೇ ರಾತ್ರಿದ ಪೊರ್ತು ಮಾತಾ ಗಾಡಿ ಸಂಚಾರ ಮಲ್ಪುನೆನ್ ಸಂಪೂರ್ಣ ಬಂದ್ ಮಲ್ದೆರ್ . ಘನ ಗಾಡಿಲೆಗ್ ಘಾಟಿಡ್ ಸಂಚಾರನ್ ದುಂಬೇ ಈ ಉoತಾದ್ ಇತ್ತೆರ್ . ಇತ್ತೆ ಚಿಕ್ಕಮಗಳೂರು ಜಿಲ್ಲಾಧಿಕಾರಿ ಪೊಸ ಆದೇಶ ಕೊರ್ತೆರ್.