ಒಡಿಪು, ಜುಲೈ 16: ಮಹಾರಾಷ್ಟ್ರ ಬೊಕ್ಕ ಕೇರಳ ರಾಜ್ಯರ್ದ್ ಕೊರೋನ ನೆಗೆಟಿವ್ ವರದಿ ಉಪ್ಪುನಕ್ಲೆನ್ ಮಾತ್ರ ರಾಜ್ಯದುಲಯಿ ಬುಡೊಡು ಪಂದ್ ಗಡಿ ಪ್ರದೇಶಡ್ ಉಪ್ಪುನ ಜಿಲ್ಲೆದ ಜಿಲ್ಲಾಡಳಿತಗ್ ಸರಕಾರ ಇತ್ತೇ ಸೂಚನೆ ಕೊರ್ತುಂಡು . ಅಂಚನೇ ಅಲ್ಪರ್ದ್ ಬರ್ಪಿನಕುಲು ಕಡ್ಡಾಯವಾದ್ ಲಸಿಕೆ ಪಾರ್ದ್ ಉಪ್ಪೊಡು ಪಂದ್ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಅಂಚನೇ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ಪಂಡೆರ್ .
ಒಡಿಪು ಅಜ್ಜರಕಾಡು ಸರಕಾರಿ ಆಸ್ಪತ್ರೆದ ಪಿರವು ಉಪ್ಪುನ ಪೊಸತಾದ್ ಕಟ್ಟಿನ ಜಿಲ್ಲಾಸ್ಪತ್ರೆದ ನಿರ್ಮಾಣ ಕಾರ್ಯದ ಜಾಗೆ ಪರಿಶೀಲನೆ ಮಲ್ತಿ ಬೊಕ್ಕ ಉದ್ದೇಶಿಸಿರುವ ಆರ್ ಪಂಡೆರ್.
ಈ ಪೊರ್ತುಡು ಒಡಿಪು ಶಾಸಕ ಕೆ.ರಘುಪತಿ ಭಟ್, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಜಿಲ್ಲಾಧಿಕಾರಿ ಜಿ.ಜಗದೀಶ್, ಡಿಎಚ್ಓ ಡಾ.ನಾಗಭೂಷಣ ಉಡುಪ, ಸರ್ಜನ್ ಡಾ.ಮಧುಸೂದನ್ ನಾಯಕ್, ಬಿಜೆಪಿ ಜಿಲ್ಲಾಧ್ಯಕ್ಷ ಸುರೇಶ್ ನಾಯಕ್ ಕುಯಿಲಾಡಿ ಪಾಲ್ ಪಡೆದಿತ್ತೆರ್.
pallavi shetty