ಕೃಷ್ಣಾಪುರ ಮಠ ಪರ್ಯಾಯದ ಕಟ್ಟಿಗೆ ಮುಹೂರ್ತ ಸಂಪನ್ನ

ಒಡಿಪು, ಜುಲೈ 14: 2022ನೆ ಜನವರಿ 18ಗ್ ಒಡಿಪು ಶ್ರೀಕೃಷ್ಣನ ಪೂಜಾಕೈಂಕರ್ಯಗಾದ್ ಸರ್ವಜ್ಞ ಪೀಠ ಏರುನ ಕೃಷ್ಣಾಪುರ ಮಠದ ಶ್ರೀ ವಿದ್ಯಾಸಾಗರ ತೀರ್ಥರ ಪರ್ಯಾಯದ ಪೂರ್ವಭಾವಿ ತಯಾರಿಡ್ 3 ನೆತ್ತ ಕಟ್ಟಿಗೆ ಮುರ್ತ ಐತಾರ ಕಾಂಡೆ 8:45ಕ್ಕ್ ಕೃಷ್ಣ ಮಠ ಟ್ ನಡತುಂಡು .

ಮಠದ ಪಟ್ಟದ ದೇವೆರಾಯಿನ ಕಾಳೀಯಮರ್ದನ ಕೃಷ್ಣ ಬೊಕ್ಕ ನರಸಿಂಹ ದೇವೆರ್ನ ಸನ್ನಿಧಿಡ್ ವಿಶೇಷ ಪೂಜೆ, ಪ್ರಾರ್ಥನೆ, ನವಗ್ರಹ ಪೂಜೆ ಆಯಿ ಬೊಕ್ಕ ಕನಕ್ ನ್ ತರೆಟ್ ದೀದ್ ರಥಬೀದಿಡ್ ಉಪ್ಪುನ ಚಂದ್ರೇವೌಳೀಶ್ವರ, ಅನಂತೇಶ್ವರ, ಶ್ರೀಕೃಷ್ಣ, ಮುಖ್ಯ ಪ್ರಾಣೆರ್ನ ದರ್ಶನ ಪಡೆದ್ ಐರ್ದ್ ಬೊಕ್ಕ ಮಧ್ವ ಸರೋವರದ ಈಶಾನ್ಯ ಭಾಗಡ್ ಉಪ್ಪುನ ಕಟ್ಟೆದ ಮಿತ್ತ್ ಕನಕ್ ದೀದ್ ಪೂಜೆ ಮಲ್ತೆರ್.