ಕೃಷ್ಣಾಪುರ

ಒಡಿಪು ಕೃಷ್ಣಾಪುರ ಮಠತ ಪಿರಾಕ್ ದ ಪುದರ್ ನೇರಂಬಳ್ಳಿ ಮಠ

ಕುಂದಾಪುರ ಪೇಂಟೆರ್ದ್ 5 ಕಿ.ಮೀ., ಕೋಟೇಶ್ವರ ರಾಷ್ಟ್ರೀಯ ಹೆದ್ದಾರಿರ್ದ್ ಪೂರ್ವಗ್ 3 ಕಿ.ಮೀ., ಅಂಕದಕಟ್ಟೆ ರಾಷ್ಟ್ರೀಯ ಹೆದ್ದಾರಿರ್ದ್ ಪೂರ್ವಗ್ 2 ಕಿ.ಮೀ. ದೂರೊಡು ನೇರಂಬಳ್ಳಿ ಮಠ ಉಂಡು . ಮುಲ್ತ ಪ್ರಧಾನ ದೇವೆರ್ ಗೋಪಾಲಕೃಷ್ಣ ಬೊಕ್ಕ ಮುಖ್ಯಪ್ರಾಣ. ಮಧ್ವಾಚಾರ್ಯೆರ್ನ 8 ಜನ ಯತಿಶಿಷ್ರೆಡ್ ಕೃಷ್ಣಾಪುರ ಮಠ ಪರಂಪರೆಡ್ ಶ್ರೀಜನಾರ್ದನ ತೀರ್ಥೆರ್ ಸುರುತಾರ್ . ಮೆರೆನ ಶಿಷ್ಯ ಶ್ರೀವತ್ಸಾಂಕತೀರ್ಥೆರ್ 2ನೆತಾರ್ . ತಪೋ ನಿಧಿಲಾಯಿನ ಮೆರೆಗ್ ಸ್ವಪ್ನ ಸೂಚನೆದಲಕ ತಿಕ್ಕಿನ ದೇವೆರ್ನ ವಿಗ್ರಹನೆ ಗೋಪಾಲಕೃಷ್ಣ. ಬಸ್ರೂರುದ ರಾಜೆ ಸೀದಾ ಬುಡಿನ ಕಾರಣೊರ್ದಾವರ ನೇರಂಬಳ್ಳಿ ಪನ್ಪಿನ ಪುದರ್ ಬೈದುಂಡು.

ಒಡಿಪು ಶ್ರೀಕೃಷ್ಣ ಮಠಟ್ ದುಂಬುದ ಪರ್ಯಾಯ ಪೂಜೆನ್ ಮಲ್ಪುನ ಸರದಿ ಕೃಷ್ಣಾಪುರ ಮಠತ . ಈ ಮಠನ್ ಪಿರಾಕ್ಡ್ ಲೆತ್ತೊಂದು ಇತ್ತಿನಿ ನೇರಂಬಳ್ಳಿ ಮಠ ಪಂದ್ . ಉಂದು ಉಪ್ಪುನ ಕುಂದಾಪುರ ಪೇಂಟೆಡ್ . ಹಂಗಳೂರು ಗ್ರಾ.ಪಂ. ವ್ಯಾಪ್ತಿದ ನೇರಂಬಳ್ಳಿ ಗ್ರಾಮೊಡು ಈ ಪ್ರಾಚೀನ ಮಠ ಉಂಡು .

ನೇರಂಬಳ್ಳಿ ಮಠದ ಪ್ರಾಚೀನತೆನ್ ಮಠತ ಚಾವಡಿಡ್ ಉಪ್ಪುನ ಆಜಿ ಪುರಾತನ ವೃಂದಾವನ ಪನ್ಪುಂಡು . ಮಠತ 2ನೇ ಯತಿ ಶ್ರೀವತ್ಸಾಂಕತೀರ್ಥರ ವೃಂದಾವನ ಮುಲ್ಪ ಉಂಡು .ಒಡಿಪುದ ಜಾಗೆಡ್ ಮಧ್ವಾಚಾರ್ಯೆರ್ನ ಪ್ರಶಿಷ್ಯೆ ಒರಿ ವೃಂದಾವನ ತಿಕ್ಕುನವು ಮೆರೆನ ಮಾತ್ರ ಐರ್ದ್ ಬೊಕ್ಕ ಕ್ರಮಟ್ ಶ್ರೀವಾಗೀಶತೀರ್ಥೆರ್ , ಶ್ರೀಲೋಕೇಶ ತೀರ್ಥೆರ್, ಶ್ರೀಲೋಕನಾಥ ತೀರ್ಥೆರ್, ಶ್ರೀಲೋಕಪೂಜ್ಯ ತೀರ್ಥೆರ್, ಶ್ರೀವಿದ್ಯಾ ರಾಜತೀರ್ಥೆರ್ನ ವೃಂದಾವನ ಮುಲ್ಪ ಉಂಡು ಮಧ್ವಾಚಾರ್ಯೆರ್ನ ಸೀದಾ ವಾ ಶಿಷ್ಯರ ವೃಂದಾವನಲಾ ನಂಕ್ ತೂಯೆರೆ ತಿಕ್ಕುಜಿ.

ಪ್ರಾಯಃ ಆ ಕಾಲೋಡು ತುದೆಟ್ ವಿಸರ್ಜಿಸಾವೊಂದು ಇತ್ತೆರ್ ಪನ್ಪಿನ ಪಾತೆರ ಉಂಡು . 2ನೆ ತಾರೇನೆರ್ದ್ ಪತ್ತ್ ದ್ ಐರ್ದ್ ಬೊಕ್ಕ 7 ಯತಿ ನಡೆ ಮುಟಲ ವೃಂದಾವನ ಒಂಜೇ ಕಡೆ ತೂಯೆರೆ ತಿಕ್ಕುನು ಮುಲ್ಪ ಮಾತ್ರ.
8ನೆ ತರೆನ ವೃಂದಾವನ ಶ್ರೀಕೃಷ್ಣಮಠತ ವೃಂದಾವನ ಸಮುಚ್ಚಯಡ್ ಉಂಡು.
ಇತ್ತೇ ಕೃಷ್ಣಾಪುರ ಮಠ ಪಂದ್ ಲೆಪ್ಪುವೆರ್ . ಪ್ರಾಯಃ ಶ್ರೀವಾದಿರಾಜ ಸ್ವಾಮಿಲೆನೆರ್ದ್ ಬೊಕ್ಕ ಬೇತೆ ಬೇತೆ ಮಠ ಸಂಸ್ಥಾಪನೆಯಾದ್ ಬುಲೆಡ್ ಬೈದುಂಡು . ಇಂಚ ಕೃಷ್ಣಾಪುರ ಮಠತ ಪುದರ್ ಬೈದುಂಡು ಪನ್ಪಿನ ಪುರಾಪು ಉಂಡು.