ಕೆ- ಸೆಟ್ ಪರೀಕ್ಷೆದ ತಾರೀಖ್ ಬದಲಿ

ಬೆಂಗ್ಳೂರು, ಜುಲೈ.10: ಕೊರೋನಾ ಕಾರಣರ್ದ್ ದುಂಬು ಕೊನೊಯಿನ ರಾಜ್ಯ ಸಹಾಯಕ ಪ್ರಾಧ್ಯಾಪಕರ ಅರ್ಹತಾ ಪರೀಕ್ಷೆ (ಕೆ- ಸೆಟ್)ದ ತಾರೀಖ್ ನ್ ಕುಡ ನಿಗದಿ ಮಲ್ದೆರ್ .

ಜುಲೈ 25 ಕ್ಕ್ ಪರೀಕ್ಷೆ ನಡಪರೇ ಉಂಡು ಪಂದ್ ಪರೀಕ್ಷೆನ್ ಅಟ್ಟನೆ ಮಲ್ದಿನ ಮೈಸೂರು ವಿಶ್ವವಿದ್ಯಾಲಯ ಪ್ರಕಟಣೆಡ್ ತೆರಿಪಾದುಂಡು .

ಈ ದುಂಬು ಏಪ್ರಿಲ್ 11ಕ್ಕ್ ಕೆ- ಸೆಟ್ ಪರೀಕ್ಷೆನ್ ಅಟ್ಟನೆ ಮಲ್ತಿತ್ತೆರ್. ದೇಶಡ್ ಕರೊನಾ ಸೋಂಕು ಜಾಸ್ತಿ ಆಯಿನ ಕಾರಣ ರಡ್ಡನೆ ಹಂತದ ಲಾಕ್​ಡೌನ್​ ಪಾಡಿಯೆರ್ .

ಈ ನೆಲೆಟ್ಟ್ ಪರೀಕ್ಷೆನ್ ದುಂಬು ಕೊನೊದು ವಿಶ್ವವಿದ್ಯಾಲಯ ಆದೇಶ ಕೊರ್ತುಂಡು . ಇತ್ತೇ ಕುಡೋರ ತಾರೀಖ್ ನ್ ನಿಗದಿ ಮಲ್ತ್ ಮೈಸೂರು ವಿವಿ ಪ್ರಕಟಣೆ ಕೊರ್ತುಂಡು .