ಡಾ. ಜಿಕೆ ಭಟ್ ಗ್ ರಾಜ್ಯ ಐಎಂಐ ಪ್ರಶಸ್ತಿ

ಕುಡ್ಲ, ಜುಲೈ 7 :  ಪೇಂಟೆದ ಪೆರಿಯ ವೈದ್ಯ ಡಾ. ಜಿ.ಕೆ. ಭಟ್ ಸಂಕಬಿತ್ತಿಲು ಮೆರೆನ್ ವೈದ್ಯರ ದಿನಾಚರಣೆದಾನಿ ರಾಜ್ಯ ಐಎಂಎ ವತಿರ್ದ್ ಜೀವಮಾನದ ಸಾಧನೆ ಮಾನದಿಗೆ ಮಲ್ತೆರ್.

ಡಾ.ಬಿ.ಸಿ.ರಾಯ್ ಜನ್ಮದಿನತಾನಿ ಬೆಂಗ್ಳುರುಡು ನಡತಿನ ಲೇಸ್ ಡ್ ಸಚಿವ ಡಾ.ಸುಧಾಕರ್ ಬೊಕ್ಕ ಆರೋಗ್ಯ ಇಲಾಖೆ ಕಾರ್ಯದರ್ಶಿ ಜಾವೇದ್ ಅಖ್ತರ್ ಮಾನದಿಗೆ ಮಲ್ತೆರ್ . ಕರಿನ ನಲ್ಪತ್ತೊಂಜಿ ವರ್ಷರ್ದ್ ಆರ್ ಪಡೀಲ್ ಡ್ ಕ್ಲಿನಿಕ್ ನಡಪಾವೊಂದು ಇತ್ತೆರ್.

ವೈದ್ಯ ವೃತ್ತಿದ ಒಟ್ಟುಗು ವೈದ್ಯರ ಸಂಘಟನೆಡ್ ಉಪ್ಪುನ ಆರ್ , ಕರ್ನಾಟಕ ಖಾಸಗಿ ವೈದ್ಯಕೀಯ ನೋಂದಣಿ ಪ್ರಾಧಿಕಾರದ ಆಸ್ಪತ್ರೆದ ನೋಂದಣಿ ಸದಸ್ಯೆರಾದ್ ಎನ್ಮ ವರ್ಷರ್ದ್ ಬೇಲೆ ಮಲ್ತೊಂದು ಇತ್ತೆರ್ ಭಾರತೀಯ ಕುಟುಂಬ ವೈದ್ಯರ ಸಂಘದ ಕುಡ್ಲದ ಶಾಖೆದ ಗುರ್ಕಾರ್ಲಾದ್, ಕುಡ್ಲ ಐಎಂಎ ಸಾರ್ವಜನಿಕ ಸಂಪರ್ಕ ಅಧಿಕಾರಿಯಾದ್ ಅಂಚನೇ ಬಿಜೆಪಿ ಜಿಲ್ಲಾ ಆರೋಗ್ಯ ಪ್ರಕೋಷ್ಟದ ಸಂಚಾಲಕೆರಾದ್ ಬೇಲೆ ಮಲ್ತೊಂದು ಉಲ್ಲೆರ್.