ಒಡಿಪು, ಜೂನ್ 25:ವಿಮಾ ಸಪ್ತಾಹದ ಅಂಗವಾದ್ ಜಿಲ್ಲಾ ಪಂಚಾಯತ್ ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಸಂಜೀವಿನಿದ ಸದಸ್ಯೆರೆಗ್ ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಆಯಿನ ಶ್ರೀಮತಿ ಮಾಲತಿ ಮೇರ್ ಪ್ರಧಾನಮಂತ್ರಿ ಜೀವನ ಜ್ಯೋತಿ ಬೊಕ್ಕ ಸುರಕ್ಷಾ ವಿಮಾ ಯೋಜನೆದ ಸದುಪಯೋಗ ಮಲ್ತೊನರೆಗ್ ಮಾಹಿತಿ ಕೊರಿಯೆರ್.
ನವಶಕ್ತಿ ಸಂಜೀವಿನಿ ಬಡಾನಿಡಿಯೂರುದ ಮಾತಾ ಪದಾಧಿಕಾರಿಲು ಈ ಯೋಜನೆಗ್ ಅರ್ಜಿ ಪಾಡಿಯೆರ್..ಪಂಚಾಯತ್ ದ ಸದಸ್ಯೆರಾಯಿನ ಶ್ರೀ ಮತಿ ಯಶೋದ ಆಚಾರ್ಯ ವಿಮಾ ಯೋಜನೆ ದ ಅರ್ಜಿನ್ ಸಂಜೀವಿನಿದ ಪದಾಧಿಕಾರಿಲೆಗ್ ಹಸ್ತಾಂತರ ಮಲ್ತೆರ್.
ಈ ಪೊರ್ತುಡ್ ನವಶಕ್ತಿ ಸಂಜೀವಿನಿ ಸಂಘದ ಗ್ರಾಮ ಒಕ್ಕೂಟದ ಅಧ್ಯಕ್ಷೆರಾಯಿನ ಶ್ರೀ ಮತಿ ಲತಾ ಅಶೋಕ್, ಉಪಾಧ್ಯಕ್ಷೆರಾಯಿನ ಶ್ರೀ ಮತಿ ತಾರಾ ಪ್ರಭಾಕರ್, ಕಾರ್ಂತೆರಾಯಿನ ಶ್ರೀ ಮತಿ ವತ್ಸಲಾ, ಅಂಚೆನೆ ಬಾಕಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್..ನವಶಕ್ತಿ ಸಂಜೀವಿನಿ ಬಡಾನಿಡಿಯೂರು ಗ್ರಾಮೊಡ್ ಒಟ್ಟುಗ್ 60 ಸಂಘೊಲೆಡ್ 600 ಜನ ಪೊಂಜೊವುನಕುಲು ಸದಸ್ಯೆರಾದುಲ್ಲೆರ್.ಮಾತಾ ಸದಸ್ಯೆರ್ ಲಾ ಸರಕಾರದ ಯೋಜನೆಲೆನ ಸದುಪಯೋಗ ಪಡೆತೊನೊಡ್ ,ಪೊಂಜೊವುನಕುಲು ಎರೆನಲಾ ಹಂಗ್ ದಾಂತೆ ಸ್ವಾಭಿಮಾನಿಯಾದ್ ಬದುಕೊಡ್ ಪಂಡುದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಶ್ರೀಮತಿ ಮಾಲತಿ ಈ ಪೊರ್ತುಡ್ ತೆರಿಪಾಯೆರ್..
pallavi shetty