ತುಳುಕೂಟ ಕತಾರ್ ಒಟ್ಟು ಸೇರಿಗೆಡ್ “ನಮ ಗೆಂದುವ” ಲೇಸ್

ಕತಾರ್, ಜೂನ್ 19: ಕೋರೋನ ಮಹಾಮಾರಿ ಲೋಕೊರ್ಮೆ ಬಾರಿ ವಿನಾಶಕಾರಿಯಾದ್ ಅಟ್ಟಹಾಸ ಮೆರೆಯೊಂದು ಉಪ್ಪುನ ಈ ಪೊರ್ತುಡು ತುಳುಕೂಟ ಕತಾರ್ ದ “ನಮ ಗೆಂದುವ” ಪನ್ಪಿನ ದೃಶ್ಯಾವಳಿ ಬಾರಿ ಗಮನಾರ್ಹವಾದುಂಡು ಪ್ರಸ್ತುತ ಪೊರ್ತುಗು ಬಾರಿ ಸೂಕ್ತವಾತುಂಡು.

ಸಂಘದ 150ರ್ದ್ ಲಾ ಜಾಸ್ತಿ ಉತ್ಸಾಹಿತ ಬೊಕ್ಕ ಸ್ವಯಂಪ್ರೇರಿತ ಸದಸ್ಯೆರ್ ಇತ್ತಿನ ಈ ದೃಶ್ಯಾವಳಿ ಸಮುದಾಯಡ್ ಆಶಾವಾದನ್ ಮೂಡಾವುನ ಒಟ್ಟುಗು ಒಂಜಿ ಜಿಂಜಿ ಕುಟುಂಬ ದ ಪರ್ಬದ ಪೊರ್ಲುಲು ಮೂಡಾoಡ್ ಪಂಡ ತಪ್ಪಾವಂದ್.
ತುಳು, ಕನ್ನಡ ಬೊಕ್ಕ ಹಿಂದಿ ಪದಕುಲು ಉಪ್ಪುನ 10 ನಿಮಿಷದ ಈ ಪ್ರಸ್ತುತಿ ಸದಸ್ಯೆರ್ನೊಟ್ಟಿಗೆ ಕ್ರಿಯಾಶೀಲತೆ ಬೊಕ್ಕ ಉತ್ಸಾಹನ್ ತೋಜಾವೊಂದು ಇತ್ತುಂಡು.