ಕುಡ್ಲ, ಜೂನ್ 14: ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಮೇರ್ ಖಾಸಗಿ ಶಾಲೆದ ಬಗ್ಗೆ ಪತ್ರಿಕಾ ಮಾಧ್ಯಮಡ್ ಕೊರಿನ ಹೇಳಿಕೆನ್ ಮರುಪರಿಶೀಲನೆ ಮಲ್ಪೋಡು ಪಂದ್ ದ.ಕ., ಉಡುಪಿ ಜಿಲ್ಲಾ ಆಂಗ್ಲ ಮಾಧ್ಯಮ ಶಾಲಾ ಒಕ್ಕೂಟದ ವತಿರ್ದ್ ಬಿನ್ನಾಪು ಮಲ್ತೆರ್. ಖಾಸಗಿ ಆಂಗ್ಲ ಮಾಧ್ಯಮ ಶಾಲೆ ಎದುರಿಸಾವೊಂದು ಉಪ್ಪುನ ಸಮಸ್ಯೆನ್ ಜಿಲ್ಲಾಧಿಕಾರಿ ಮೆರೆಗ್ ತೆರಿಪಾಯೆರ್ .
ಬಿನ್ನಾಪು ಸ್ವೀಕಾರ ಮಲ್ತಿನ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆವಿ ನಿಕುಲು ಪನ್ಪಿನ ಸರಿ ಉಂಡು ಪಂದ್ ಪಂಡೆರ್.
ಈ ಪೊರ್ತುಡು ದ.ಕ. ಬೊಕ್ಕ ಒಡಿಪುದ ಆಂಗ್ಲ ಮಾಧ್ಯಮ ಶಾಲಾ ಒಕ್ಕೂಟದ ಕೋಶಾಧಿಕಾರಿ ಸೀತಾರಾಮ ರೈ ಸವಣೂರು, ಉಪಾಧ್ಯಕ್ಷ ಮೂಸಬ್ಬಪಿ. ಬ್ಯಾರಿ, ಕಾರ್ಯದರ್ಶಿ ಕೆ. ರವೀಂದ್ರ ಶೆಟ್ಟಿ ಉಳಿದೊಟ್ಟು, ಜತೆ ಕಾರ್ಯದರ್ಶಿ ಜಯಸೂರ್ಯ ರೈ, ಅಶ್ವಿನ್ ಶೆಟ್ಟಿ ಪಾಲ್ ಪಡೆದಿತ್ತೆರ್.
pallavi shetty