ಶ್ರೀ ಕ್ಷೇತ್ರ ಧರ್ಮಸ್ಥಳ ವತಿರ್ದ್ ಜಿಲ್ಲಾಡಳಿತಗ್ ರಡ್ಡ್ ಟನ್ ಆಕ್ಸಿಜನ್ ಕೊಡುಗೆ

ಚಿತ್ರದುರ್ಗ, ಜೂನ್‌.08: ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಚಿತ್ರದುರ್ಗ ಸರ್ಕಾರಿ ಜಿಲ್ಲಾಸ್ಪತ್ರೆಗ್ 2 ಟನ್ ಪ್ರಾಣವಾಯು ಆಕ್ಸಿಜನ್‌ನ್ ಉಚಿತವಾದ್ ಸೋಮವಾರ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ ಮೆರ್ನ ಮುಖೇನ ಜಿಲ್ಲಾಡಳಿತಗ್ ಹಸ್ತಾಂತರ ಮಲ್ತೆರ್ .

ಪೇಂಟೆದ ಜಿಲ್ಲಾಧಿಕಾರಿಲೇನ ಕಚೇರಿ ಆವರಣಡ್ ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ 2 ಟನ್ ಉಚಿತ ಪ್ರಾಣವಾಯು ಸ್ವೀಕರಿಸಾದ್ ಪಾತೆರಿನ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ, ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಇತ್ತೇ 10 ಆಕ್ಸಿಜನ್ ಕಾನ್ಸಂಟ್ರೇಟರ್ಸ್ಗಲೆನ್ ಕೊರ್ತೆರ್ . ಇನಿ ಜಿಲ್ಲಾಡಳಿತಗ್ 2 ಟನ್ ಆಕ್ಸಿಜನ್‌ ಕೊರ್ತೆರ್ ನೆಕ್ಕ್ , ಜಿಲ್ಲಾಡಳಿತದ ಪರವಾದ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ.ಹೆಚ್.ಜೆ.ಬಸವರಾಜಪ್ಪ, ಜಿಲ್ಲಾ ಜನಜಾಗೃತಿ ವೇದಿಕೆದ ಸದಸ್ಯೆರಾಯಿನ ರೂಪಾಜನಾರ್ಧನ್, ನಾಗರಾಜ್ ಸಂಗಂ ಬೊಕ್ಕ ಶ್ರೀಕ್ಷೇತ್ರ ಧರ್ಮಸ್ಥಳ ಸಂಸ್ಥೆಯ ಪ್ರತಿನಿಧಿಲು ಪಾಲ್ ಪಡೆದ್ ಇತ್ತೆರ್ .