ರಾಮಕುಂಜ : ರಾಮಕುಂಜ ಗ್ರಾಮಪಂಚಾಯತ್ದ ನನ ದುಂಬುದ ರಡ್ಡರೆ ವರ್ಷದ ಅವಧಿಗ್ ಗುರ್ಕಾರ್ಲಾದ್ ಕೆ.ಮಾಲತಿ ಎನ್ ಕದ್ರ ಬೊಕ್ಕ ಒತ್ತು ಗುರ್ಕಾರ್ಲಾದ್ ಪ್ರಶಾಂತ್ ಆರ್.ಕೆ. ಅವಿರೋಧವಾದ್ ಆಯ್ಕೆಯಾತೆರ್ . ರಡ್ಡ್ ಜನಲ ಬಿಜೆಪಿ ಬೆಂಬಲಿತ ಸದಸ್ಯೆರಾತೆರ್ . ಹಿಂದುಳಿದ ವರ್ಗ ಎ ಮಹಿಳೆಗ್ ಮೀಸಲಾತಿನ ಗುರ್ಕಾರ್ಲೆನ ಸ್ಥಾನಗ್ ಹಳೆನೇರೆಂಕಿ 1ನೇ ವಾಡ್ ರ್ದ್ ಬಿಜೆಪಿ ಬೆಂಬಲಿತ ಸದಸ್ಯರಾದ್ ಆಯ್ಕೆ ಆಯಿನ ಕೆ.ಮಾಲತಿ ಎನ್ ಕದ್ರ ಮಾತ್ರ ನಾಮಪತ್ರ ಕೊರ್ತೆರ್ ಮೇರ್ ಅವಿರೋಧವಾದ್ ಆಯ್ಕೆ ಆತೆರ್ . ಸಾಮಾನ್ಯ ಸ್ಥಾನಗ್ ಮೀಸಲಾತಿನ ಒತ್ತು ಗುರ್ಕಾರ್ಲೆನ ಸ್ಥಾನಗ್ ರಾಮಕುಂಜ 1ನೇ ವಾರ್ಡ್ರ್ದ್ ಬಿಜೆಪಿ ಬೆಂಬಲಿತ ಸದಸ್ಯರಾದ್ ಆಯ್ಕೆ ಆಯಿನ ಪ್ರಶಾಂತ್ ಆರ್.ಕೆ.ಕಾಜರಕುಕ್ಕು ಮಾತ್ರ ನಾಮಪತ್ರ ಕೊರ್ತೆರ್ ಮೇರ್ ಲಾ ಅವಿರೋಧವಾದ್ ಆಯ್ಕೆಯಾತೆರ್. ಸದಸ್ಯೆರಾಯಿನ ಭವಾನಿ: ಸಂಸ್ಕಾಡಿ, ರೋಹಿಣಿ ಆನ, ಭಾರತಿ ಕಜೆ, ಅಬ್ದುಲ್ ರಹಿಮಾನ್ ಹೆಚ್. ಹಲ್ಕಾರ, ಆಯಿಷ ಶರೀಫ ನೀರಾಜೆ, ಜಯಶ್ರೀ ಇರ್ಕಿ, ಸೂರಪ್ಪ ಬರಮೇಲು, ಕೇಶವ ಕೆ. ಗಾಂಧಿಪೇಟೆ, ಪ್ರದೀಪ್ ಬಾಂತೊಟ್ಟು, ಯತೀಶ್ಕುಮಾರ್ ಸಂಪ್ಯಾಡಿ, ಕುಶಾಲಪ್ಪ ಮುಳಿಮಜಲು, ಸುಜಾತ ಕಾಪಿಕಾಡು, ಸುಚೇತಾ ಬರೆಂಬೆಟ್ಟು, ವಸಂತ ಪರಕ್ಕಾಲು ಪಾಲ್ ಪಡೆದ್ ಇತ್ತೆರ್ .
ಲೋಕೋಪಯೋಗಿ ವಿಶೇಷ ಉಪವಿಭಾಗ ಸುಬ್ರಹ್ಮಣ್ಯ, ಮುಲ್ಪದ ಸಹಾಯ ಕಾರ್ಯಪಾಲಕ ಅಭಿಯಂತರ ಜೈಪ್ರಕಾಶ್ ಸಿ.,ಮೇರ್ ಚುನಾವಣಾ ಅಧಿಕಾರಿ ಆದ್ ಇತ್ತೆರ್ . ಪಿಡಿಒ ಜೆರಾಲ್ಡ್ ಮಸ್ಕರೇನಸ್, ಕಾರ್ಯದರ್ಶಿ ಲಲಿತಾ, ಸಿಬ್ಬಂದಿಲಾಯಿನ ದುರ್ಗಾಪ್ರಸಾದ್, ವನಿತಾಕುಮಾರಿ, ಮಾಧವ, ಗ್ರಂಥಪಾಲಕಿ ಜಾನಕಿ ಸಾಕಾರ ಕೊರಿಯೆರ್.
ಪೊಸ ಗುರ್ಕಾರ್ಲೆಗ್ ಬೊಕ್ಕ ಒತ್ತು ಗುರ್ಕಾರ್ಲೆಗ್ ತಾ.ಪಂ.ಸದಸ್ಯರಾಯಿನ ಜಯಂತಿ ಆರ್.ಗೌಡ, ತೇಜಸ್ವಿನಿಶೇಖರ ಗೌಡ, ಎಪಿಎಂಸಿ ಸದಸ್ಯ ಕೊರಗಪ್ಪ, ಬಿಜೆಪಿ ನೆಲ್ಯಾಡಿ ಮಹಾಶಕ್ತಿ ಕೇಂದ್ರದ ಕಾರ್ಯದರ್ಶಿ ಸದಾಶಿವ ಶೆಟ್ಟಿ ಮಾರಂಗ, ಹಳೆನೇರೆಂಕಿ ಶಕ್ತಿಕೇಂದ್ರದ ಅಧ್ಯಕ್ಷ ಜನಾರ್ದನ ಕದ್ರ, ಹಳೆನೇರೆಂಕಿ ಬೂತ್ ಸಮಿತಿ ಅಧ್ಯಕ್ಷ ಮಹೇಶ್ ಪೋಮಾಲೆ ಪಾರ್ದ್ ಅಭಿನಂದನೆ ಪಂಡೆರ್.
ಗುರ್ಕಾರ್ಲಾದ್ ಆಯ್ಕೆಯಾಯಿನ ಕೆ.ಮಾಲತಿ ಮೇರ್ ಸುರುತ್ತಾ ಸಲ ಗ್ರಾ.ಪಂ.ಚುನಾವಣೆಡ್ ಪಾಲ್ ಪಡೆದ್ ಸದಸ್ಯೆರಾದ್ ಆಯ್ಕೆ ಆತೆರ್.ಮೇರ್ ಹಳೆನೇರೆಂಕಿ ಸರಕಾರಿ ಉ.ಹಿ.ಪ್ರಾ.ಶಾಲೆದ ಎಸ್ಡಿಎಂಸಿ ಸದಸ್ಯೆ, ಹಳೆನೇರೆಂಕಿ ಬಿಲ್ಲವ ಗ್ರಾಮ ಸಮಿತಿ ಸದಸ್ಯೆಲಾ ಆತೆರ್ . ಮೇರ್ ಹಳೆನೇರೆಂಕಿ ಗ್ರಾಮದ ಕದ್ರ ನಿವಾಸಿ, ಕೃಷಿಕ ನಾರಾಯನೆರ್ನ ಧರ್ಮ ಪತ್ನಿ . ಒತ್ತು ಗುರ್ಕಾರ್ಲಾದ್ ಆಯ್ಕೆ ಆಯಿನ ಪ್ರಶಾಂತ್ ಆರ್.ಕೆ.ಮೇರ್ ಸತತ 2ನೆ ಸಲ ಗ್ರಾ.ಪಂ. ಸದಸ್ಯರಾತೆರ್ . ಕರಿನ ಪೊರ್ತುಡು 5 ವರ್ಷ ಮೇರ್ ಗುರ್ಕಾರ್ಲಾದಿತ್ತೆರ್. ಇತ್ತೆ ಒತ್ತು ಗುರ್ಕಾರ್ಲಾದ್ ಆಯ್ಕೆ ಆತೆರ್ ಪ್ರಶಾಂತ್ ಮೇರ್ ಆಲಂಕಾರು ಶ್ರೀ ಭಾರತಿ ಶಾಲಾ ಶಿಶುಮಂದಿರದ ಗುರ್ಕಾರ್ಲಾದ್ , ಹಿಂದೂ ಜಾಗರಣ ವೇದಿಕೆ ಕಡಬ ವಲಯ ಸದಸ್ಯರಾದ್ ರಾಮಕುಂಜೇಶ್ವರ ಪ.ಪೂ.ಕಾಲೇಜ್ ದ ಹಳೆವಿದ್ಯಾರ್ಥಿ ಸಂಘದ ಸದಸ್ಯರಾದ್ , ರಾಮಕುಂಜೇಶ್ವರ ದೇವಸ್ಥಾನದ ಉತ್ಸವ ಸಮಿತಿಸದಸ್ಯೆರಾತೆರ್.
pallavi shetty