March 11, 2021

ಕೋವಿಡ್ ಪೊರ್ತುಡು ಕೌಟುಂಬಿಕ ಹಿಂಸೆ 100% ಜಾಸ್ತಿ ಆತ್oಡ್ – ಉಡುಪಿ ಸಿವಿಲ್ ನ್ಯಾಯಾದೀಶೆ ಕಾವೇರಿ

ಒಡಿಪು : ರಾಷ್ಟ್ರಕವಿ ಕುವೆಂಪುನು ಒರ ದೂರದರ್ಶನದಕುಲು ದೇಶದ ಉದ್ದಾರಗಾದ್ ದಾದ ಮಲ್ಪೊಡು ಪಂದ್ ಕೇನ್ನಗ, ಪ್ರತಿ ಒರಿಲಾ ವೈಯಕ್ತಿಯಾದ್ ಉದ್ದಾರ ಆವೊಡಾಯಿನ ಜವಾಬ್ದಾರಿ ಮಲ್ಪಡ್ , ದೇಶ ಸ್ವಾಭವಿಕವಾದ್ ಉದ್ಧಾರ ಬೊಕ್ಕ ಸುದೃಢ ಆಪುಂಡು ಪಂದ್ ಪಂಡೆರ್ . ವೈವಾಹಿಕ ಜೀವನವು ವ್ಯಾಪಕವಾದ್ ವಿಫಲ ಆವೊಂದು ಉಪ್ಪುನ ಸದ್ಯದ ಪರಿಸ್ಥಿತಿಡ್ ಪ್ರತಿ ಒರಿಲಾ ಧಾರ್ಮಿಕ ಮೌಲ್ಯದಡೆಗ್ ಪೋವೊಡು ಪಂದ್ ನ್ಯಾಯವಾದಿ ಬೊಕ್ಕ ನೋಟರಿ ಆತಿನ ಶ್ರೀ ಆತ್ರಾಡಿ ಪೃಥ್ವಿರಾಜ್ ಹೆಗ್ಡೆ ಪಂಡೆರ್.

ಮೇರ್ ಜಮಾಅತೆ ಇಸ್ಲಾಮಿ ಹಿಂದ್ ಅಟ್ಟನೆ ಮಲ್ದಿನ ‘ಸುದೃಢ ಕುಟುಂಬ, ಸುಭದ್ರ ಸಮಾಜ’ ಪನ್ಪಿನ ಅಭಿಯಾನದ ಪರವಾದ್ ಸ್ಥಾನೀಯ ಜಮಾಅತ್ ಅಟ್ಟನೆ ಮಲ್ದಿನ ವಿಚಾರ ಗೋಷ್ಟಿಡ್ ಪಾತೆರಿಯೆರ್.

ಜನಕುಲು ಬೇತೆಬೇತೆ ವಿಷಯಗಾದ್ ಹೋರಾಟ ಮಲ್ತೊಂದು ಉಲ್ಲೆರ್ ಆಂಡ , ಜಮಾಅತೆ ಇಸ್ಲಾಮಿ ಸುಧೃಢ ಕುಟುಂಬ, ಸುಭದ್ರ ಸಮಾಜಗಾದ್ ರಾಷ್ಟ್ರಾದ್ಯಾಂತ ಅಭಿಯಾನನೇ ಸುರು ಮಲ್ದಿನವು ಅಭಿನಂದಾರ್ಹ ಪಂದ್ ಉಡುಪಿ ಜಿಲ್ಲಾ ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ ಫಾ| ಚೇತನ್ ಲೋಬೊ ಪಂಡೆರ್ . ನಮ್ಮ ಜೀವನ ಸಂಗಾತಿಲೆನ್ ದೇವೆರೆ ಆಯ್ಕೆ, ಮಲ್ಪುವೆರ್ ವಿಶ್ವಾಸ ಮಾತಾ ಧರ್ಮದಕ್ಲೆಗ್ ಉಂಡು . ಈ ಪವಿತ್ರ ಬುನಾದಿದ ದಾಂಪತ್ಯ ಜೀವನ ದಾಯೆ ಮುಗಿಯೊಂದು ಉಂಡು ಪಂದ್ ಆಲೋಚನೆ ಮಲ್ಪೊಡಾಯಿನ ಇಚಾರ.ನೆತ್ತ 4 ಕಾರಣ: ಮಾನವಕೃತ ಧರ್ಮ, ಸಂಸ್ಕೃತಿ, ಸಮಾಜ ಬೊಕ್ಕ ಕಾನೂನು ಪಂದ್ ಪಂಡೆರ್.