March 19, 2021

ಒಡಿಪು ಎಂಜಿಎಂ ಕಾಲೇಜ್ ಡ್ ರಡ್ಡ್ ದಿನತ”ಎಂಜಿಎಂ ಕೃಷಿ ಸಮ್ಮಿಲನ”

ಒಡಿಪು : ಎಂಜಿಎಂ ಕಾಲೇಜ್ದ ಮಾನವಿಕ ಬೊಕ್ಕ ಭಾಷಾ ವಿಭಾಗ, ರಾಷ್ಟ್ರೀಯ ಸೇವಾ ಯೋಜನೆ, ರೆಡ್ ಕ್ರಾಸ್ ಅಂಚನೇ ಐಕ್ಯುಎಸಿ ರ್ದ್ ಮಾರ್ಚ್ 20 ಬೊಕ್ಕ 21 ತಾರೀಖ್ ಗ್ ಕಾಂಡೆ 9 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ರಡ್ಡ್ ದಿನತ ಎಂಜಿಎಂ ಕೃಷಿ ಸಮ್ಮಿಲನ ಲೇಸ್ ನಡಪರೆ ಉಂಡು.

‘ಕೈತಲ್ ದ ಕೃಷಿ ಬದುಕು ಬೊಕ್ಕ ಉತ್ಪನ್ನದ ಅವಲೋಕನದ ದೃಷ್ಟಿರ್ದ್ ಬೊಕ್ಕ ಜೋಕ್ಲೆಗ್ ಬೊಕ್ಕ ಜವನೆರ್ ಗ್ ಕೃಷಿ ಆಸಕ್ತಿ ಜಾಸ್ತಿ ಮಲ್ಪುನ ನೆಲೆಟ್ಟ್ ಲೇಸ್ ಅಟ್ಟನೆ ಮಲ್ದೆರ್.

ಎಂಐಟಿ ಪರಿಸರ ಕಂಟೈನ್‌ಮೆಂಟ್ ವಲಯ ಪಂದ್ ಘೋಷಣೆ

ಒಡಿಪು : ಮಣಿಪಾಲ ಇನ್‌ಸ್ಟಿಟ್ಯೂಟ್ ಆಫ್‌ ಟೆಕ್ನಾಲಜಿಡ್ ಕೆಲವು ಜೋಕ್ಲೆಗ್ ಕೋವಿಡ್‌-19 ಧೃಡ ಆಯಿನ ಹಿನ್ನೆಲೆಡ್ ಎಂಐಟಿ ಪರಿಸರನ್ ಕಂಟೈನ್‌ಮೆಂಟ್ ವಲಯ ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ಘೋಷಣೆ ಮಲ್ದೆರ್ .

ಅಂಗಾರೆ ಜಿಲ್ಲೆಡ್ ಪತ್ತೆಯಾಯಿನ 33 ಪ್ರಕರಣಡ್ 27 ಎಂಐಟಿ ಬೊಕ್ಕ ಮಣಿಪಾಲದ ಮಾಹೆ ವಿವಿ ಕ್ಯಾಂಪಸ್‌ಡ್ ತೊಜಿದ್ ಬೈದುಂಡು.

ಎಂಐಟಿಡ್ ಎಂಜಿನಿಯರಿಂಗ್ ಜೋಕ್ಲೆಗ್ ಸೆಮಿಸ್ಟರ್‌ ಪರೀಕ್ಷೆ ನಡತೊಂದು ಉಪ್ಪುನೆರ್ದಾವರ , ಸೋಂಕಿತ ವಿದ್ಯಾರ್ಥಿಲೆಗ್ ಪ್ರತ್ಯೇಕವಾದ್ ಪರೀಕ್ಷೆ ಬರೆಯರೆ ವ್ಯವಸ್ಥೆ ಮಲ್ಪೊಡು ಪಂದ್ ಆರೋಗ್ಯ ಇಲಾಖೆ ಅಧಿಕಾರಿಲು ಸೂಚನೆ ಕೊರ್ತೆರ್ .

ಒಡಿಪುಡು ವಿಶ್ವ ಗ್ರಾಹಕೆರ್ನ ದಿನಾಚರಣೆ

ಒಡಿಪು : ಗ್ರಾಹಕೆರ್ನ ಹಿತರಕ್ಷಣೆಗಾದ್ ಸರ್ಕಾರ ಗ್ರಾಹಕರ ರಕ್ಷಣಾ ಕಾಯ್ದೆ ಜಾರಿಗ್ ಕನ್ದುಂಡು , ಸಾರ್ವಜನಿಕೇರ್ ಒವ್ವೆ ವಸ್ತುಲೆನ್ ದೆತೊನ್ನಗ ಅನ್ಯಾಯ ಆಂಡ ಕಾಯ್ದೆಯಡಿ ನೆರವು ದೆತೊನೊಲಿ ಪಂದ್ ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಕಾವೇರಿ ಪಂಡೆರ್ .

ಪೇಂಟೆದ ಅಂಬಲಪಾಡಿದ ಮಹಾಕಾಳಿ ಜನಾರ್ಧನ ದೇವಸ್ಥಾನದ ಭವಾನಿ ಮಂಟಪಡ್ ನಡತಿನ ಜಿಲ್ಲಾ ಆಡಳಿತ, ಆಹಾರ ಬೊಕ್ಕ ನಾಗರಿಕ ಸರಬರಾಜು ಇಲಾಖೆ, ವಾರ್ತಾ ಇಲಾಖೆ, ಕಾನೂನು ಮಾಪನಶಾಸ್ತ್ರ ಇಲಾಖೆ, ಜಿಲ್ಲಾ ಗ್ರಾಹಕರ ವ್ಯಾಜ್ಯದ ಪರಿಹಾರ ವೇದಿಕೆ, ಬಳಕೆದಾರೆರ್ನ ವೇದಿಕೆ ಬೊಕ್ಕ ಗ್ರಾಹಕ ಮಾಹಿತಿ ಕೇಂದ್ರದ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ತಿನ ವಿಶ್ವ ಗ್ರಾಹಕರ ದಿನಾಚರಣೆ ಲೇಸ್ ನ್ ಉದಿಪನ ಮಲ್ತ್ ಪಾತೆರಿಯೆರ್.