March 26, 2021

ಆರೋಗ್ಯ ಬೊಕ್ಕ ಪೌಷ್ಠಿಕತೆ ಬಗ್ಗೆ ಜಾಗೃತಿ : ಬೀದಿ ನಾಟಕ

ಉಡುಪಿ, ಮಾ.26: ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ಅಂಚನೇ ಶಿಶು ಅಭಿವೃದ್ಧಿ ಯೋಜನೆ ಒಡಿಪು ವತಿರ್ದ್ ಪೋಷಣ್ ಅಭಿಯಾನ ಯೋಜನೆದಡಿ ಸಮನ್ವಯ ಟ್ರಸ್ಟ್ ಶಿವಮೊಗ್ಗ ಮೆಕ್ಲೆನೆರ್ದ್ ಸಾರ್ವಜನಿಕೆರ್ ಬೊಕ್ಕ ಫಲಾನುಭವಿಲೆಗ್ ಆರೋಗ್ಯ ಬೊಕ್ಕ ಪೌಷ್ಠಿಕತೆ ಬಗ್ಗೆ ಎಚ್ಚದ ಜಾಗೃತಿ ಶಿಕ್ಷಣ ಕೊರ್ಪಿನ ಬಗ್ಗೆ ಬೀದಿ ನಾಟಕನ್ ಸಿಟಿ ಬಸ್ ನಿಲ್ದಾಣದ ಕೈತಲ್ ಮಲ್ತೆರ್.

ಪೋಷಣ್ ಅಭಿಯಾನ ಕಾರ್ಯಕ್ರಮದ ಪ್ರಮುಖ ಉದ್ದೇಶ ಪೌಷ್ಠಿಕತೆ ಬೊಕ್ಕ ಆರೋಗ್ಯ ಉತ್ತಮ ಮಲ್ಪುನೆಟ್ಟ್ ಇಲಾಖೆದ ಸೇವೆಲು ಸೇರಿನಂಚ ಅಪೌಷ್ಠಿಕ ಜೋಕ್ಲೆನ ಆರೋಗ್ಯ ಸುಧಾರಿಸುವಿಕೆ, ಗರ್ಭಿಣಿ ಬಾಣಂತಿ ಪೌಷ್ಠಿಕತೆಗ್ ಪ್ರಾಮುಖ್ಯತೆ, ಸ್ತನ್ಯಪಾನದ ಮಹತ್ವ, ರಕ್ತಹೀನತೆ ಉಂತಾವುನ , ಬಾಲ್ಯವಿವಾಹ ನಿಷೇಧ ಬೊಕ್ಕ ಅಂಗನವಾಡಿದ ಸೇವೆದ ವಿಷಯದ ಬಗ್ಗೆ ಅರಿವು ಮೂಡಾಯೆರ್.

ಕ್ಷಯ ರೋಗದ ಲಕ್ಷಣ ತೊಜಿದ್ ಬತ್ತ್o ಡ ನಿರ್ಲಕ್ಷ ಮಲ್ಪಂದೆ ಅಪಗನೆ ತಪಾಸಣೆ ಮಲ್ಪಾಲೆ : ಡಾ. ವನಿತಾ ಗುರುದತ್

ಉಡುಪಿ, ಮಾ.26: ಕ್ಷಯ ರೋಗದ ಲಕ್ಷಣ ತೊಜಿದ್ ಬತ್ತ್o ಡ ನಿರ್ಲಕ್ಷ ಮಲ್ಪಂದೆ ಅಪಗನೆ ತಪಾಸಣೆ ಮಲ್ಪಾದ್ ಸೂಕ್ತ ಚಿಕಿತ್ಸೆ ಪಡೆಯೊಡು ಪಂದ್ ಜಿಲ್ಲಾ ಕ್ಷಯರೋಗ ನಿಯಂತ್ರಣ ಘಟಕದ ವೈದ್ಯಕೀಯ ಅಧಿಕಾರಿ ಡಾ. ವನಿತಾ ಗುರುದತ್ ಪಂತೆರ್ .

ಬುಧವಾರ ನಗರದ ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆದ ಸಭಾಂಗಣಡ್ ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆ ಬೊಕ್ಕ ಧನ್ವಂತರಿ ನರ್ಸಿಂಗ್ ಕಾಲೇಜು ಉಡುಪಿ ಮೆಕ್ಲೆನ ಒಟ್ಟು ಸೇರಿಗೆಡ್ ನಡತಿನ ವಿಶ್ವ ಕ್ಷಯ ದಿನಾಚರಣೆನ್ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಕ್ಷಯ ರೋಗನ್ ಆರಂಭಡೆ ಗುರುತಿಸಾವುನೆತ್ತ ಒಟ್ಟುಗು ಸಮರ್ಪಕ ಬೊಕ್ಕ ನಿರಂತರ ವೈದ್ಯಕೀಯ ಚಿಕಿತ್ಸೆ ನ್ ಪಡೆoಡ ಈ ರೋಗರ್ದ್ ಮುಕ್ತರಾಯರೆ ಸಾಧ್ಯಪಂದ್ ಪಂಡೆರ್.

ವ್ಯಕ್ತಿ ಆರೋಗ್ಯವಂತೆ ಆವೊಡಾoಡ ಪೌಷ್ಟಿಕಾಂಶಭರಿತ ಆಹಾರ ಸೇವನೆ ಮಲ್ಪೊಡು: ದಯಾನಂದ್ ಕತ್ತಲ್‌ಸಾರ್

ಕುಡ್ಲ , ಮಾ.26:ವ್ಯಕ್ತಿ ಆರೋಗ್ಯವಂತೆ ಆವೊಡಾoಡ ಪೌಷ್ಟಿಕಾಂಶಭರಿತ ಆಹಾರ ಸೇವನೆ ಮಲ್ಪೊಡು ಪಂದ್ ತುಳುಸಾಹಿತ್ಯ ಅಕಾಡಮಿ ಗುರ್ಕಾರ್ಲಾಯಿನ ದಯಾನಂದ್ ಕತ್ತಲ್‌ಸಾರ್ ಪಂಡೆರ್ .

ಪೇಂಟೆದ ತುಳು ಭವನಡ್ ನಡೆದ ಪೋಷಣ್ ಪಕ್ವಾಡ ಯೋಗಾಸನ ಶಿಬಿರ ಬೊಕ್ಕ ಪೌಷ್ಠಿಕತೆ ಹೆಚ್ಚ ಮಲ್ಪುನ ಆಯುಷ್ ಪುಡಿ, ಔಷಧ, ಬೀಜದ ಜಾಗೃತಿ ಲೇಸ್ ನ್ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.ಈ ಲೇಸ್ ಡ್ ಆಯುಷ್ ಇಲಾಖೆದ ವೈದ್ಯಾಧಿಕಾರಿಲಾಯಿನ ಸಹನಾ ಬೊಕ್ಕ ಶೋಭಾರಾಣಿ, ಪತಂಜಲಿ ಯೋಗ ಪೀಠ ಹರಿದ್ವಾರದ ಯೋಗ ಶಿಕ್ಷಕಿ ಸರಸ್ವತಿ ಪಿ., ಯೋಗ ಶಿಕ್ಷಕೆರಾಯಿನ ಸರೋಜಿನಿ, ಗೋವಿಂದ, ಮೀನಾಕ್ಷಿ, ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ನಿರೂಪಣಾಧಿಕಾರಿ ಶ್ಯಾಮಲಾ ಪಾಲ್ ಪಡೆದ್ ಇತ್ತೆರ್.

ಸ್ವಯಂ ಆರೋ ಗ್ಯದ ಮುಖೇನ ಆತ್ಮವಿಶ್ವಾಸ ” : ಉಚಿತ ಮೆಗಾ ಪ್ರಕೃತಿ ಚಿಕಿತ್ಸೆ ಬೊಕ್ಕ ಯೋಗ ಚಿಕಿತ್ಸಾ ಶಿಬಿರ

ಕುಡ್ಲ, ಮಾರ್ಚ್ 26: ಯೆನಪೋಯ ಪುಕೃತಿ ಚಿಕಿತ್ಸೆ ಬೊಕ್ಕ ಯೋಗ ವೈದ್ಯಕೀಯ ಕಾಲೇಜು ಅಂಚನೇ ಆಸ್ಪತ್ರೆ, ಯೆನೆಪೋಯ (ಪ.ವಿಶ್ವವಿದ್ಯಾನಿಲಯ) ‘ಸ್ವಯಂ ಆರೋ ಗ್ಯದ ಮುಖೇನ ಆತ್ಮವಿಶ್ವಾಸ ಪನ್ಪಿನ ವಿಷಯದ ಅಡಿಟ್ ಉಚಿತ ಮೆಗಾ ಪ್ರಕೃತಿ ಚಿಕಿತ್ಸೆ ಬೊಕ್ಕ ಯೋಗ ಚಿಕಿತ್ಸಾ ಶಿಬಿರನ್ ರಾಷ್ಟ್ರೀಯ ಪ್ರಕೃತಿ ಚಿಕಿತ್ಸಾ ಸಂಸ್ಥೆ, ಪುಣೆ (ಆಯುಷ್ ಸಚಿವಾಲಯ, ಭಾರತ ಸರ್ಕಾರ)ದ ಒಟ್ಟು ಸೇರಿಗೆಡ್ ಮಾ. 25ರ್ದ್ -28 ಮುಟ ದೇರಳಕಟ್ಟೆದ ಬೇತೆ ಬೇತೆ ಜಾಗೆಲೆಡ್ ಅಟ್ಟನೆ ಮಲ್ದೆರ್ ಪಂದ್ ಯೆನೆಪೋಯ ಪ್ರಕ್ರತಿ ಚಿಕಿತ್ಸೆ ಬೊಕ್ಕ ಯೋಗ ವೈದ್ಯಕೀಯ ಕಾಲೇಜ್ ದ ಡೀನ್ ಡಾ.ನವೀನ್ ಜಿ.ಎಚ್ ಸುದ್ದಿಗೋಷ್ಠಿಡ್ ತೆರಿಪಾದೆರ್.

ಶಿಬಿರಡ್ ಪೌಷ್ಠಿಕಾಂಶದ ಸಮಾ ಲೋಚನೆ, ಸೂಜಿ ಚಿಕಿತ್ಸೆ,ಆಯಕ್ಯು ಪ್ರೆಶರ್ , ಜಲಚಿಕಿತ್ಸೆ, ಮಾಲಿಶ್ ಚಿಕಿತ್ಸೆ, ಮಣ್ಣಿನ ಚಿಕಿತ್ಸೆ, ಯೋಗ ಪ್ರಾಣ ವಿದ್ಯಾ ಚಿಕಿತ್ಸೆ, ಭೌತ ಚಿಕಿತ್ಸೆ, ಯೋಗ ಚಿಕಿತ್ಸೆದ ಒಟ್ಟುಗು ರೋಗ ನಿರ್ದಿಷ್ಟ ಆಹಾರ ಪ್ರದರ್ಶನ ( ಮಾ.27 ಬೊಕ್ಕ 28 ತಾರೀಖ್ ಗ್ ) ಉಚಿತ ಪ್ರಕೃತಿ ಚಿಕಿತ್ಸೆ ಬೊಕ್ಕ ಯೋಗ ಚಿಕಿತ್ಸೆದ ಸಮಾಲೋಚನೆ ಅಂಚನೇ ಚಿಕಿತ್ಸಾ ಸೌಲಭ್ಯ ಉಂಡು.