March 22, 2021

ಶ್ರೀ ಸದಾಶಿವ ದೇವಸ್ಥಾನ ಪ್ರತಿಷ್ಟಾ ಮಹೋತ್ಸವ ಬೊಕ್ಕ ವಾರ್ಷಿಕ ಜಾತ್ರೋತ್ಸವ

Mar 22, 2021

ಪರಮಪೂಜ್ಯ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ನ ಕೃಪಾಶೀರ್ವಾದದೊಟ್ಟುಗು ವಿಜಯರಾಘವ ಪಡ್ಡೆಟ್ಟಾಯೆರ್ನ ಮಾರ್ಗದರ್ಶಡ್ ತಾರೀಖ್ 02-04-2021ಶುಕ್ರವಾರ ರ್ದ್ ತಾರೀಖ್ 10-04-2021ನೇ ಶನಿವಾರ ಮುಟ್ಟ ಬಂದಾರು ಗ್ರಾಮದ ಕುರಾಯ ಶ್ರೀ ಸದಾಶಿವ ದೇವೆರ್ನ ಪ್ರತಿಷ್ಠಾ ಮಹೋತ್ಸವ ಬೊಕ್ಕ ವಾರ್ಷಿಕ ಜಾತ್ರೋತ್ಸವ ಪರಮಪೂಜ್ಯ ಬ್ರಹ್ಮಶ್ರೀ ನೀಲೇಶ್ವರ ವಾಸುದೇವ ತಂತ್ರಿಲೆನ ಮುತಾಲಿಕೆಡ್ ಪೂಜ್ಯ ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಒಟ್ಟು ಸೇರಿಗೆಡ್ ನಡಪರೆ ಉಂಡು.

ತಾರೀಖ್ 02-04-2021ನೇ ಶುಕ್ರವಾರ ಕಾಂಡೆ 9.00 ಗಂಟೆಗ್ ಭಕ್ತಾದಿಲೆರ್ದ್ ಶ್ರೀದೇವೆರೆಗ್ ಬುಲೆ ಕಾಣಿಕೆ ಸಮರ್ಪಣೆ ಉಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉಡಾನ್‌ ಯೋಜನೆದಡಿ ಬೈಂದೂರು ಬೊಕ್ಕ ಕಾರವಾರಡ್ ವಿಮಾನ ನಿಲ್ದಾಣ ಸ್ಥಾಪನೆ : ಜಗದೀಶ್‌ ಶೆಟ್ಟರ್‌

Mar 22, 2021

ಕುಡ್ಲ : ಉಡಾನ್‌ ಯೋಜನೆದಡಿ ಬೈಂದೂರು ಬೊಕ್ಕ ಕಾರವಾರಡ್ ವಿಮಾನ ನಿಲ್ದಾಣ ಸ್ಥಾಪನೆದ ಚಿಂತನೆ ಉಂಡು ಪಂದ್ ಮಧ್ಯಮ ಬೊಕ್ಕ ಭಾರೀ ಕೈಗಾರಿಕೆ ಖಾತೆದ ಸಚಿವ ಜಗದೀಶ್‌ ಶೆಟ್ಟರ್‌ ತೆರಿಪಾದೆರ್ .

ಬೆಂಗಳೂರು ಕೇಂದ್ರಿತವಾದಿತ್ತಿನ ಕೈಗಾರಿಕೆಲೆನ್ 2-3ನೇ ಹಂತದ ನಗರಲೆಗ್ ವಿಸ್ತರಣೆ ಮಲ್ಪರೆ ಸರಕಾರ ಆದ್ಯತೆ ಕೊರ್ರೆ ಉಂಡು . ನೆರ್ದ್ ಕುಡ್ಲ , ಹುಬ್ಬಳ್ಳಿ-ಧಾರವಾಡ, ಮೈಸೂರು ಕೂಡ ಉದ್ಯಮ ಕ್ಷೇತ್ರಡ್ ಬಾರಿ ಅಭಿವೃದ್ಧಿ ಆಯೆರೆ ಉಂಡು ಪಂದ್ ವಿಶ್ವಾಸ ಕೊರಿಯೆರ್ .

ಫೆಡರೇಶನ್‌ ಆಫ್‌ ಇಂಡಿಯನ್‌ ಚೇಂಬರ್ ಆಫ್‌ ಕಾಮರ್ಸ್‌ ಆಯಂಡ್‌ ಇಂಡಸ್ಟ್ರಿ (ಫಿಕ್ಕಿ) ವತಿರ್ದ್ ಪೇಂಟೆಡ್ ಐತಾರ ಅಟ್ಟನೆ ಮಲ್ತಿನ “ಕರ್ನಾಟಕ ಕೋಸ್ಟ್‌ಲೈನ್‌ ಬಿಸಿನೆಸ್‌ ಕಾನ್‌ಕ್ಲೇವ್‌’ ಉದಿಪನ ಮಲ್ತ್ದ್ ಆರ್ ಪಾತೆರಿಯೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಹಿಂದೂ ಪೊಣ್ಣು ಜೋಕ್ಲೆನ ರಕ್ಷಣೆಗಾದ್ ಮಾತೃ ಮಂಡಳಿ ಅಗತ್ಯ : ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿ

Mar 22, 2021

ಪುತ್ತೂರು: ‘ಹಿಂದೂ ಪೊಣ್ಣು ಜೋಕ್ಲೆನ ರಕ್ಷಣೆಗಾದ್ ರಾಷ್ಟ್ರಮಟ್ಟಡ್ ಮಾತೃ ಮಂಡಳಿ ನ್ ಕಟ್ಟೋ ಡಾಯಿನ ಅಗತ್ಯ ಉಂಡು ಪಂದ್ ಪೇಜಾವರ ಮಠದ ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿ ಪಂಡೆರ್.

ಪುತ್ತೂರುದ ಮಹತೋಭಾರ ಮಹಾಲಿಂಗೇಶ್ವರ ದೇವಳದ ದೇವರಮಾರು ಕಂಡಡ್ ರಾಷ್ಟ್ರ ರಕ್ಷಣೆದ ಸಂಕಲ್ಪಗಾದ್ ಪುತ್ತೂರು ಹಿಂದೂ ಜಾಗರಣ ವೇದಿಕೆದ ಒಟ್ಟು ಸೇರಿಗೆಡ್ ಐತಾರ ನಡತಿನ ಬೃಹತ್ ‘ಹಿಂದು ಐಕ್ಯತಾ ಸಮಾವೇಶ’ಡ್ ಆರ್ ಆಶೀರ್ವಚನ ಕೊರಿಯೆರ್ .

‘ಅವ್ವೆತೋ ವರ್ಷರ್ದ್ ಹಿಂದೂ ಸಮಾಜ ಅವ್ವೆತೋ ಸವಾಲ್ ಲೆನ್ ಎದುರಿಸಾವೊಂದು ಬೈದುಂಡು ಪ್ರಸ್ತುತ ಹಿಂದೂ ಸಮಾಜದ ಪೊಣ್ಣು ಜೋಕ್ಲೆಗ್ ಬೇತೆ ಬೇತೆ ಆಸೆ ಆಮಿಷ ಪಾರ್ದ್ ಅಪಹರಣ, ಮತಾಂತರ ಮಲ್ಪುನ ಕೃತ್ಯ ನಡತೊಂದು ಉಂಡು ಪಂದ್ ಪಂಡೆರ್.